১ আল্লার দেওয়া আরামর জাগাত হামানির ওয়াদা অখনও আমরার লাগি চালু আছে।

এরলাগি আও,

আমরা আরো হুশিয়ার অইয়া চলি,

নাইলে দেখা যাইবো হেশে তুমরা কেউ আরামর জাগা থাকি বাদ পড়িগেছো।

২ আমরার গেছে যেলা খুশ-খবরি তবলিগ করা অইছে,

বনি ইছরাইলর গেছেও অউলা তবলিগ করা অইছিল,

ই খুশ-খবরি হুনিয়া তারার কুনু ফায়দা অইছে না,

কারন তারা ইতা হুনলেও ইমান আনছে না।

৩ অইলে আমরা তো ইমান আনছি আর আল্লার ওয়াদা করা হউ আরামর জাগাত হামাইতাম পারিয়ার।

অউ আরামর বেয়াপারে আল্লায় কইছইন,

যুদিও দুনিয়া পয়দা করার বাদ থাকিউ,

আল্লার ই আরাম তিয়ার করা অইছে,

তা-ও তাইন অলা কইছইন।

৪ অউ আরামর বেয়াপারে আরক আয়াতো লেখা আছে,

“আল্লায় ই হকল কাম শেষ করিয়া সাত নম্বর দিন আরাম করলা,

তাইন ইদিন আর কুন্তা পয়দা করলা না।”

৫ অইলে তাইনউ হিরবার কইছইন,

৬ এরলাগি অউ কথাউ ফয়ছালা অইলো যেন,

কিছু মানুষ আল্লার হি আরামর মাজে হামাইতা পারবা,

অইলে পয়লা যেরার গেছে খুশ-খবরি তবলিগ করা অইছিল,

তারার নাফরমানির কারনেউ তারা আল্লার হি আরামর মাজে হামাইতো পারছে না।

৭ আল্লায় বউত দিন আগে ইতা বনি ইছরাইলর গেছে বাতাইছলা,

বাদে তান আরামর মাজে হামানির লাগি হিরবার নয়া দিন ঠিক করিয়া অউ দিনর নাম দিলা,

আইজ।

হিরবার বউত দিন বাদে তাইন দাউদ নবীর গেছে কইছইন,

যেলা উপরে লেখা আছে,

৮ অখান কওয়ার মানি অইলো,

হজরত মুছার মউতর বাদে ইউছা নবীয়ে যুদি তারারে হি আরামো হারাইলিতা পারতা,

তে আল্লায় বাদে আরক দিনর কথা কইলা না অনে।

৯ তে বুজা যায়,

আরামো হামানির পথ আল্লার বন্দা অকলর লাগি অখনও খুলা আছে।

১০ মুল কথা অইলো,

আল্লায় যেলা তান হক্কল কাম শেষ করিয়া বাদে আরাম করছলা,

অউ লাখান কুনু বন্দাও তান আরামর মাজে হামাইয়া হারলে,

হে-ও তার কাম থাকি আরাম পায়।

১১ তে আও,

আমরাও হি আরামর মাজে হামানির লাগি খাছ দিলে আগুয়াই,

যাতে হউ নাফরমান বনি ইছরাইলর লাখান আল্লার হুকুমর বিরুদ্ধে গিয়া,

ই আরাম থাকি বাদ না পড়ি।