আল্লা পাকর হুকুমে হজরত ইছার সাহাবি হজরত পিতরে (রাঃ) অউ ছহিফা রোমান বাদশাইর রাজধানি রোম টাউন থাকি লেখছইন,

অউ রোম টাউনরে মুমিন অকলে নাফরমান বাবিল টাউন কইয়া ডাকিতা।

তাইন নানান দেশর মাজে ছিতরিয়া থাকা ইছায়ী ইমানদার অকলর গেছে চিঠির আকারে লেখছইন।

হজরত ইছায় বেহেস্তো তশরিফ নেওয়ার অনুমান ২৮-৩০ বছর বাদে ইখান লেখা অইছে।

জুলুম আর দুখ-মছিবতর সময় ইমানদার অকলরে বুজ দেওয়ার লাগি তাইন ই ছহিফা লেখছইন।

অউ সময় যেরা হজরত ইছার উপরে ইমান আনছলা,

তারা সাধারন মানষর গেছে ঠাট্টা-মশকরার চিজ বনিগেছলা।

এরলাগি হজরত পিতরে অউ ছহিফার মাজদি তারারে সাওস যুগাইছইন।

অউ ছিপারার ২ রুকু ৫ আয়াতো আছে,

“তুমরা তান তরিকা কবুল করায়,

তুমরারে জিন্দা পাথরর লাখান আল্লা পাক রইবার পবিত্র কাবা ঘর বানানি অর।

এরলাগি আল্লাই ইমাম ছাব হিসাবে তুমরারে আলাদা করি রাখা অইছে,

যাতে তুমরা অউলা রুহানি কুরবানি দেও,

যেতা ইছা আল-মসীর খাতিরে আল্লায় কবুল করইন।”