আল্লা পাকর হুকুমে হজরত ইছা আল-মসীর সাহাবি হজরত হান্নানে (রাঃ) চিঠির আকারে অউ ছহিফা লেখছইন।

লেখার কালো তান নাম না কইয়া খালি হউ মুরব্বি কইয়া পরিচয় দিছইন।

হজরত ইছায় দুনিয়া থাকি বেহেস্তো তশরিফ নেওয়ার অনুমান ৫০-৬০ বছর বাদে ইখান লেখা অইছে।

ইখান অইলো তান লেখা তিন নম্বর চিঠি,

আস্তা ইঞ্জিল শরিফর মাজে হকল থাকি হুরু ছিপারা।

ই ছহিফা খান গউছ নামর একজন মুমিন ভাইর গেছে লেখছইন,

অউ ভাইয়ে খুব মেহমানদারি করতা,

তাইন একজন পাক্কা ইমানদার আছলা।

আর দিত্রিফ নামে এক খবিছ বেটা আছিল,

হে নেতাগিরি করিয়া ইছায়ী জমাতরে দখল করতো চাইছে,

লেখকে তার বিরুদ্ধে হুশিয়ারি দিছইন।

অউ ছিপারার ১১ আয়াতো আছে,

“যে মানষে নেক কাম করে হে অইলো আল্লার বন্দা,

আর যেগিয়ে বদ কাম করে,

হে তো আল্লার দরশন পাইছে না।”