৭ অখন তো হক্কলতার হেশ সময় আইচ্ছে।

এরলাগি তুমরার মনরে ঠিক করো,

নিজরে সামলাইয়া রাখো,

যাতে মুনাজাতো কামিয়াব অও।

৮ আসল কথা অইলো,

তুমরা একে-অইন্যরে দিল থাকি মহব্বত করো,

কারন মায়া-মহব্বতে বউত গুনা গুরিয়া রাখে।

৯ কুনুজাত বিতিশনা না দেখাইয়া,

তুমরা একে-অইন্যর মেহমানদারি করো।

১০ আল্লার গেছ থাকি যেইন যেলাখান নিয়ামত পাইছো,

অউ ধনর খাটি খাজাঞ্চি হিসাবে ইতারে একে-অইন্যর খেজমতো লাগাও।

১১ কেউ যুদি তবলিগ করইন,

তে অউ লাখান করউক্কা যাতে বুজা যায়,

ইতা আল্লাই বুলি।

আর যেইন খেজমত করইন,

এইন আল্লার দেওয়া বল-শক্তিয়ে খেজমত করউক্কা,

যাতে হক্কলতাতউ আল-মসীর উছিলায় আল্লার তারিফ অয়।

তারিফ আর কুদরতি খেমতা হর-হামেশা তানউ।

আমিন।

১২ ভাই অকল,

তুমরা অখন জীবন-মরন পরিক্ষাত পড়িয়া তাইজ্জুব অইও না,

মনো করিও না ইতা আচানক কুন্তা ঘটের।

১৩ বরং তুমরা আল-মসীর কষ্টর ভাগি অইরায় করি খুশি করো,

যাতে তান মহিমা জাইর অওয়ার সময়ও তুমরা আমোদ-ফুর্তিয়ে খুশি-বাসি করতায় পারো।

১৪ আল-মসীর নামর লাগি তুমরা যুদি বেইজ্জত অও,

তে তুমরা নেক-কপালি।

কারন আল্লার মহিমাআলা পাক রুহ তুমরার উপরে আছে।

১৫ তুমরার মাজর কেউ যানু চুরি,

খুন বা কুনুজাত অপরাধি হিসাবে,

এমনকি পরর কামে নাক গলাইয়া কষ্ট না করউক।

১৬ অইলে কেউ যুদি ইছায়ী ইমানদার হিসাবে দুখ-কষ্ট করে,

তে হে শরমিন্দা না অউক,

বরং ইছায়ী পরিচয়র লাগি আল্লার তারিফ করউক।

১৭ বিচারর সময় আইচ্ছে,

আর আল্লার পছন্দ করা বন্দা অকলরেদিউ বিচার শুরু অইবো।

ইতা যুদি আমরার মাজ থাকিউ শুরু অয়,

তে যেরা আল্লার খুশ-খবরি মানছে না,

তারার দশা কিলান অইবো?

১৮ আল্লার কালামো আছে,