৩৫ ꠅꠃ ꠖꠤꠘ ꠢꠣꠁꠘ꠆ꠎꠣꠛꠣꠟꠣ ꠢꠎꠞꠔ ꠁꠍꠣꠄ ꠔꠣꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠀꠅ, ꠀꠝꠞꠣ ꠀꠅꠞꠞ ꠢꠙꠣꠞꠅ ꠎꠣꠁꠔꠣꠝ।” ৩৬ ꠔꠦꠃ ꠍꠣꠢꠣꠛꠤ ꠅꠇꠟꠦ ꠝꠣꠘꠡꠞ ꠉꠦꠍ ꠕꠣꠇꠤ ꠛꠤꠖꠣꠄ ꠟꠁꠀ, ꠁꠍꠣ ꠎꠦ ꠘꠣꠅꠅ ꠛꠅꠀꠔ ꠀꠍꠟꠣ ꠅꠃ ꠘꠣꠅꠅ ꠃꠑꠤꠀ ꠞꠅꠀꠘꠣ ꠖꠤꠟꠣꠁꠟꠣ, ꠄꠞꠟꠉꠦ ꠀꠞꠅ ꠘꠣꠅꠀꠁꠘꠅ ꠀꠍꠤꠟ। ৩৭ ꠘꠣꠅ ꠌꠟꠦꠞ, ꠅꠃ ꠡꠝꠄ ꠀꠈꠔꠣꠃ ꠈꠥꠛ ꠛꠠ ꠄꠇ ꠔꠥꠚꠣꠘ ꠀꠁꠟ, ꠔꠥꠚꠣꠘꠞ ꠖꠣꠄ ꠀꠚꠣꠟꠞ ꠙꠣꠘꠤ ꠢꠣꠝꠣꠁꠀ ꠘꠣꠅ ꠛꠥꠠꠤꠎꠤꠛꠣꠞ ꠖꠡꠣ। ৩৮ ꠁꠍꠣ ꠘꠣꠅꠞ ꠈꠞ ꠉꠣꠟꠣꠔ ꠄꠇ ꠛꠣꠟꠤꠡꠅ ꠢꠤꠔꠣꠘ ꠖꠤꠀ ꠊꠥꠝꠅ ꠀꠍꠟꠣ। ꠍꠣꠢꠣꠛꠤ ꠅꠇꠟꠦ ꠔꠣꠘꠞꠦ ꠢꠎꠣꠉ ꠇꠞꠤꠀ ꠇꠁꠟꠣ, “ꠢꠥꠎꠥꠞ, ꠀꠙꠘꠦ ꠈꠤꠀꠟ ꠇꠞꠞꠣ ꠘꠣ ꠘꠤ, ꠀꠝꠞꠣ ꠔ ꠝꠞꠤ ꠎꠣꠁꠀꠞ।” ৩৯ ꠔꠣꠁꠘ ꠃꠑꠤꠀ ꠔꠥꠚꠣꠘꠞꠦ ꠗꠝꠇ ꠖꠤꠟꠣ ꠀꠞ ꠀꠅꠞꠞꠦ ꠇꠁꠟꠣ, “ꠖꠝ ꠟꠅ, ꠕꠤꠞ ꠅꠅ।” ꠇꠅꠀꠞ ꠟꠉꠦ ꠟꠉꠦ ꠔꠥꠚꠣꠘ ꠛꠘ꠆ꠖ ꠅꠁꠉꠦꠟ, ꠀꠞ ꠢꠇ꠆ꠇꠟꠔꠣ ꠕꠤꠞ ꠅꠁꠟ। ৪০ ꠛꠣꠖꠦ ꠔꠣꠁꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠅꠔ ꠒꠞꠣꠟꠥꠇ ꠇꠦꠘꠦ? ꠔꠥꠝꠞꠣ ꠅꠈꠘꠅ ꠁꠝꠣꠘ ꠀꠘꠍ ꠘꠣ ꠘꠤ?” ৪১ ꠁꠔꠣ ꠖꠦꠈꠤꠀ ꠍꠣꠢꠣꠛꠤ ꠅꠇꠟꠦ ꠈꠥꠛ ꠒꠞꠣꠁꠟꠣ, ꠀꠞ ꠄꠇꠦ-ꠅꠁꠘ꠆ꠘꠦ ꠇꠁꠟꠣ, “ꠄꠁꠘ ꠀꠍꠟꠦ ꠇꠦ? ꠙꠣꠘꠤꠄ ꠀꠞ ꠛꠣꠔꠣꠡꠦꠅ ꠖꠦꠈꠤ ꠔꠣꠘ ꠢꠥꠇꠥꠝ ꠝꠣꠘꠦ।”