২৬ ꠄꠇꠖꠤꠘ ꠀꠟ꠆ꠟꠣꠞ ꠄꠇ ꠚꠤꠞꠤꠡ꠆ꠔꠣꠄ ꠢꠎꠞꠔ ꠚꠤꠟꠤꠚꠞꠦ ꠇꠁꠟꠣ, “ꠃꠑꠅ, ꠖꠃꠇꠘꠞ ꠎꠦ ꠙꠕ ꠎꠦꠞꠥꠎꠣꠟꠦꠝ ꠕꠣꠇꠤ ꠉꠣꠎꠣ ꠐꠣꠃꠘꠞ ꠛꠣꠄ ꠉꠦꠍꠦ ꠢꠃ ꠙꠕꠦ ꠞꠅꠀꠘꠣ ꠖꠦꠅ।” ꠁ ꠙꠕ ꠀꠍꠤꠟ ꠝꠞꠥꠜꠥꠝꠤꠔ। ২৭ ꠔꠦꠃ ꠚꠤꠟꠤꠚ ꠃꠑꠤꠀ ꠢꠛꠣꠄ ꠞꠅꠀꠘꠣ ꠖꠤꠟꠣ, ꠎꠣꠁꠔꠦ ꠎꠣꠁꠔꠦ ꠙꠕꠅ ꠁꠕꠤꠅꠙꠤꠀ ꠖꠦꠡꠞ ꠇꠣꠘ꠆ꠖꠣꠇꠤ ꠞꠣꠘꠤꠞ ꠄꠇꠎꠘ ꠛꠠ ꠞꠣꠎ ꠈꠣꠎꠣꠘ꠆ꠌꠤꠞ ꠟꠉꠦ ꠔꠣꠘ ꠝꠥꠟꠣꠇꠣꠔ ꠅꠁꠟ, ꠢꠤ ꠈꠣꠎꠣꠘ꠆ꠌꠤ ꠀꠍꠟꠣ ꠘꠣ-ꠝꠞꠖ, ꠀꠞ ꠞꠣꠘꠤꠞ ꠢꠇ꠆ꠇꠟ ꠗꠘ-ꠞꠔꠘꠞ ꠎꠤꠝ꠆ꠝꠣꠖꠣꠞ। ꠀꠟ꠆ꠟꠣꠞ ꠄꠛꠣꠖꠔ-ꠛꠘ꠆ꠖꠦꠉꠤ ꠇꠞꠣꠞ ꠟꠣꠉꠤ ꠄꠁꠘ ꠎꠦꠞꠥꠎꠣꠟꠦꠝꠅ ꠀꠁꠍꠟꠣ। ২৮ ꠛꠣꠖꠦ ꠛꠣꠠꠤꠔ ꠎꠣꠅꠀꠞ ꠛꠣꠟꠣ ꠙꠕꠅ ꠔꠣꠘ ꠘꠤꠎꠞ ꠊꠥꠠꠣꠞ ꠉꠣꠠꠤꠔ ꠛꠁꠀ ꠁꠡꠣꠄꠀ ꠘꠛꠤꠞ ꠇꠤꠔꠣꠛ ꠔꠤꠟꠣꠅꠔ ꠇꠞꠣꠔ ꠀꠍꠟꠣ। ২৯ ꠅꠃ ꠡꠝꠄ ꠙꠣꠇ ꠞꠥꠢꠦ ꠚꠤꠟꠤꠚꠞꠦ ꠇꠁꠟꠣ, “ꠅꠃ ꠉꠣꠠꠤꠞ ꠇꠣꠘ꠆ꠖꠣꠔ ꠎꠣꠅ, ꠀꠞ ꠄꠘ ꠟꠉꠦ ꠟꠉ ꠗꠞꠅ।” ৩০ ꠔꠦꠃ ꠚꠤꠟꠤꠚꠦ ꠖꠃꠠꠤꠀ ꠅꠃ ꠉꠣꠠꠤꠞ ꠇꠣꠘ꠆ꠖꠣꠔ ꠉꠤꠀ ꠢꠥꠘꠟꠣ, ꠄꠁꠘ ꠁꠡꠣꠄꠀ ꠘꠛꠤꠞ ꠇꠤꠔꠣꠛ ꠔꠤꠟꠣꠅꠔ ꠇꠞꠞꠣ; ꠚꠤꠟꠤꠚꠦ ꠔꠣꠘꠞꠦ ꠎꠤꠇꠣꠁꠟꠣ, “ꠀꠙꠘꠦ ꠎꠦꠔꠣ ꠔꠤꠟꠣꠅꠔ ꠇꠞꠞꠣ ꠁꠔꠣꠞ ꠝꠣꠘꠤ ꠛꠥꠎꠞꠣ ꠘꠤ?” ৩১ ꠢꠦꠁꠘ ꠇꠁꠟꠣ, “ꠇꠦꠃ ꠛꠥꠎꠣꠁꠀ ꠘꠣ ꠖꠤꠟꠦ ꠀꠝꠤ ꠇꠦꠝꠘꠦ ꠛꠥꠎꠝꠥ?” ꠅꠃ ꠔꠣꠁꠘ ꠚꠤꠟꠤꠚꠞꠦ ꠉꠣꠠꠤꠔ ꠃꠑꠤꠀ ꠔꠣꠘ ꠇꠣꠘ꠆ꠖꠣꠔ ꠛꠅꠀꠞ ꠟꠣꠉꠤ ꠝꠤꠘꠔ ꠇꠞꠟꠣ। ৩২ ꠢꠦꠁꠘ ꠇꠤꠔꠣꠛꠞ ꠎꠦ ꠀꠄꠀꠔ ꠔꠤꠟꠣꠅꠔ ꠇꠞꠣꠔ ꠀꠍꠟꠣ, ꠁꠔꠣ ꠅꠁꠟ,