ꠙꠛꠤꠔ꠆ꠞ ꠀꠍꠝꠣꠘꠤ ꠇꠤꠔꠣꠛꠞ ꠅꠃ ꠍꠤꠙꠣꠞꠣ ꠀꠟ꠆ꠟꠣꠞ ꠢꠥꠇꠥꠝꠦ ꠟꠦꠈꠍꠂꠘ,

ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠎꠞꠔ ꠙꠣꠃꠟꠥꠍ (ꠞꠣ꠩)।

ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠅꠘꠥꠝꠣꠘ ২৭ ꠛꠍꠞ ꠛꠣꠖꠦ ꠁꠈꠣꠘ ꠟꠦꠈꠣ ꠅꠁꠍꠦ।

ꠀꠟ꠆ꠟꠣꠞ ꠇꠣꠟꠣꠝ ꠔꠛꠟꠤꠉ ꠇꠞꠣꠄ ꠔꠣꠁꠘ ꠅꠃ ꠡꠝꠄ ꠎꠦꠟ ꠈꠣꠘꠣꠔ ꠛꠘ꠆ꠖꠤ ꠀꠍꠟꠣ।

ꠁꠚꠤꠍ ꠐꠣꠃꠘꠅ ꠛꠡꠔ ꠇꠞꠞꠣ ꠢꠎꠞꠔ ꠁꠍꠣꠞ ꠃꠝ꠆ꠝꠔꠞꠦ ꠃꠔꠡꠣꠢ ꠖꠤꠛꠣꠞ ꠟꠣꠉꠤ ꠔꠣꠁꠘ ꠌꠤꠑꠤꠞ ꠀꠇꠣꠞꠦ ꠅꠃ ꠍꠢꠤꠚꠣ ꠟꠦꠈꠍꠂꠘ।

ꠔꠣꠁꠘ ꠀꠉꠦ ꠅꠃ ꠐꠣꠃꠘꠅ ꠔꠤꠘ ꠛꠍꠞ ꠞꠁꠀ ꠎꠝꠣꠔ ꠔꠤꠀꠞ ꠇꠞꠍꠂꠘ।

ꠅꠘ ꠕꠣꠇꠤ ꠛꠤꠖꠣꠄ ꠛꠣꠟꠣ ꠔꠣꠁꠘ ꠇꠁꠍꠟꠣ,

“ꠝꠘꠅ ꠞꠣꠈꠛꠣ,

ꠀꠝꠤ ꠔꠤꠘ ꠛꠞꠍ ꠗꠞꠤꠀ ꠞꠣꠁꠔ-ꠖꠤꠘ ꠌꠃꠈꠞ ꠙꠣꠘꠤ ꠚꠣꠟꠣꠁꠀ ꠀꠙꠘꠣꠞꠣꠞꠦ ꠢꠥꠡꠤꠀꠞ ꠇꠞꠔꠦ ꠖꠝ ꠟꠁꠍꠤ ꠘꠣ।”

(ꠍꠣꠢꠣꠛꠤ ꠘꠣꠝꠣ ২০:৩১)

ꠅꠃ ꠍꠢꠤꠚꠣꠞ ꠝꠥꠟ ꠛꠄꠀꠘ ꠅꠁꠟ,

ꠀꠟ꠆ꠟꠣ ꠙꠣꠇꠞ ꠛꠣꠔꠥꠘꠤ ꠝꠥꠘꠡꠣ ꠎꠣꠁꠞ ꠅꠀ।

ꠟꠦꠈꠇꠦ ꠇꠁꠞꠣ,

ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠀꠟ-ꠝꠍꠤꠞ ꠝꠣꠎꠖꠤ ꠢꠃ ꠛꠣꠔꠥꠘꠤ ꠝꠥꠘꠡꠣ ꠅꠈꠘ ꠎꠣꠁꠞ ꠅꠁꠍꠦ।

ꠀꠟ-ꠝꠍꠤꠄ ꠔꠡꠞꠤꠚ ꠀꠘꠣꠞ ꠀꠉꠦ ꠈꠣꠟꠤ ꠛꠘꠤ ꠁꠍꠞꠣꠁꠟ ꠎꠣꠔꠤ ꠀꠍꠤꠟ ꠀꠟ꠆ꠟꠣꠞ ꠈꠣꠍ ꠙ꠆ꠞꠎꠣ,

ꠅꠁꠟꠦ ꠔꠣꠁꠘ ꠀꠁꠀ ꠢꠣꠞꠤ ꠖꠥꠘꠤꠀꠞ ꠔꠣꠝꠣꠝ ꠎꠣꠔꠤꠞ ꠟꠉꠦ ꠀꠟ꠆ꠟꠣ ꠙꠣꠇꠞ ꠝꠤꠟꠘ ꠊꠐꠣꠁꠍꠂꠘ।

ꠔꠣꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠀ ꠢꠇꠟꠞꠦ ꠄꠇ ꠡꠝꠣꠘ ꠅꠗꠤꠇꠣꠞ ꠙꠣꠅꠀꠞ ꠙꠕ ꠇꠞꠤ ꠖꠤꠍꠂꠘ।

ꠅꠃ ꠍꠢꠤꠚꠣꠞ ꠝꠣꠎꠦ ꠙꠣꠇ-ꠙꠛꠤꠔ꠆ꠞ ꠎꠤꠘ꠆ꠖꠦꠉꠤ ꠇꠣꠐꠣꠘꠤ ꠀꠞ ꠁꠛꠟꠤꠍꠞ ꠛꠤꠞꠥꠖ꠆ꠖꠦ ꠎꠥꠖ꠆ꠖ ꠇꠞꠣꠞ ꠇꠕꠣꠅ ꠎꠣꠘꠣꠁꠟ ꠅꠁꠍꠦ।