ꠙꠛꠤꠔ꠆ꠞ ꠀꠍꠝꠣꠘꠤ ꠇꠤꠔꠣꠛꠞ ꠅꠃ ꠀꠟ-ꠇꠟ꠆ꠟꠍꠤꠀ ꠍꠤꠙꠣꠞꠣ,

ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠎꠞꠔ ꠙꠣꠃꠟꠥꠍꠦ (ꠞꠣ꠩) ꠟꠦꠈꠍꠂꠘ।

ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠅꠘꠥꠝꠣꠘ ২৭ ꠛꠍꠞ ꠛꠣꠖꠦ ꠁꠈꠣꠘ ꠟꠦꠈꠣ ꠅꠁꠍꠦ।

ꠢꠎꠞꠔ ꠙꠣꠃꠟꠥꠍ ꠘꠤꠎꠦ ꠇꠥꠘꠥ ꠡꠝꠄ ꠅꠃ ꠇꠟ꠆ꠟꠍꠤ ꠐꠣꠃꠘꠅ ꠉꠦꠍꠂꠘ ꠘꠣ,

ꠅꠁꠟꠦ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠤꠀ ꠅꠃ ꠐꠣꠃꠘꠞ ꠛꠃꠔ ꠝꠣꠘꠡꠦ ꠢꠎꠞꠔ ꠁꠍꠣꠞ ꠔꠞꠤꠇꠣ ꠇꠛꠥꠟ ꠇꠞꠍꠂꠘ।

ꠅꠃ ꠈꠛꠞ ꠢꠥꠘꠤꠀ ꠔꠣꠘ ꠝꠘꠅ ꠈꠥꠛ ꠈꠥꠡꠤ ꠀꠍꠤꠟ।

ꠄꠞꠝꠣꠎꠦ ꠔꠣꠁꠘ ꠈꠛꠞ ꠙꠣꠁꠟꠣ,

ꠇꠟ꠆ꠟꠍꠤ ꠐꠣꠃꠘꠞ ꠇꠥꠘꠥ ꠇꠥꠘꠥ ꠃꠡ꠆ꠔꠣꠖꠦ ꠢꠎꠞꠔ ꠁꠍꠣꠞ ꠘꠣꠝꠦ ꠜꠥꠟ ꠔꠣꠟꠤꠝ ꠔꠛꠟꠤꠉ ꠇꠞꠞꠣ,

ꠔꠣꠞꠣ ꠀꠍꠟ ꠔꠣꠟꠤꠝꠞ ꠟꠉꠦ ꠔꠣꠞꠣꠞ ꠝꠘꠉꠠꠣ ꠇꠤꠍꠥ ꠝꠔꠛꠣꠖ,

ꠞꠤꠔꠤ-ꠞꠦꠅꠀꠎꠅ ꠢꠤꠇꠣꠁꠞꠣ,

ꠄꠞꠟꠣꠉꠤ ꠢꠎꠞꠔ ꠙꠣꠃꠟꠥꠍꠦ ꠝꠘꠅ ꠈꠥꠛ ꠇꠡ꠆ꠐ ꠙꠣꠁꠀ ꠌꠤꠑꠤꠞ ꠘꠝꠥꠘꠣꠄ ꠅꠃ ꠍꠢꠤꠚꠣ ꠟꠦꠈꠟꠣ।

ꠔꠣꠁꠘ ꠎꠣꠘꠣꠁꠟꠣ,

ꠉꠥꠘꠣ ꠕꠣꠇꠤ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠢꠃ ꠃꠡ꠆ꠔꠣꠖ ꠅꠇꠟꠞ ꠢꠤꠇꠣꠁꠟ ꠔꠣꠟꠤꠝꠞ ꠇꠥꠘꠥ ꠎꠞꠥꠞ ꠘꠣꠄ।

ꠔꠣꠞꠣ ꠢꠤꠇꠣꠁꠔꠣ,

ꠚꠤꠞꠤꠡ꠆ꠔꠣ ꠅꠇꠟꠞ ꠘꠣꠝꠦ ꠄꠛꠣꠖꠔ ꠇꠞꠣ,

ꠝꠍꠟꠝꠣꠘꠤ ꠇꠣꠝ ꠇꠞꠣꠘꠤ,

ꠘꠣꠘꠣꠘ ꠘꠝꠥꠘꠣꠞ ꠢꠣꠞꠣꠝ-ꠢꠣꠟꠣꠟ ꠈꠣꠘꠤꠞ ꠇꠕꠣ।

ꠄꠞꠖꠣꠄ ꠟꠦꠈꠇꠦ ꠎꠣꠘꠣꠁꠟꠣ,

ꠉꠥꠘꠣ ꠕꠣꠇꠤ ꠘꠣꠎꠣꠔ ꠙꠣꠅꠀꠞ ꠟꠣꠉꠤ ꠁꠔꠣ ꠃꠡ꠆ꠔꠣꠖꠞ ꠔꠣꠟꠤꠝꠞ ꠇꠥꠘꠥ ꠎꠞꠥꠞ ꠘꠣꠄ।

ꠔꠣꠁꠘ ꠇꠟ꠆ꠟꠍꠤꠀꠞ ꠝꠥꠝꠤꠘ ꠅꠇꠟꠞꠦ ꠛꠃꠔ ꠃꠔꠡꠣꠢ ꠎꠥꠉꠣꠁꠍꠂꠘ,

ꠢꠎꠞꠔ ꠁꠍꠣꠞ ꠃꠙꠞꠦ ꠁꠝꠣꠘꠦ ꠝꠎꠛꠥꠔ ꠅꠀꠞ ꠟꠣꠉꠤ।