ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠅꠃ ꠍꠤꠙꠣꠞꠣ ꠟꠦꠈꠍꠂꠘ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠈꠣꠍ ꠍꠣꠢꠣꠛꠤ ꠢꠎꠞꠔ ꠙꠣꠃꠟꠥꠍ (ꠞꠣ꠩)।

ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠛꠣꠖꠦ ২৬-২৮ ꠛꠍꠞꠞ ꠝꠣꠎꠦ ꠅꠃ ꠍꠤꠙꠣꠞꠣ ꠟꠦꠈꠣ ꠅꠁꠍꠦ।

ꠅꠃ ꠡꠝꠄ ꠟꠦꠈꠇꠞ ꠝꠥꠞꠛ꠆ꠛꠤ ꠛꠄꠅꠡ।

ꠔꠤꠔꠣꠍ ꠘꠣꠝꠦ ꠄꠇꠎꠘ ꠎꠥꠀꠘ ꠝꠣꠘꠥꠡ ꠜꠤꠘ-ꠗꠞ꠆ꠝ ꠕꠣꠇꠤ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠍꠤꠟꠣ।

ꠡꠝꠣꠎꠞ ꠉꠦꠍꠦ ꠔꠣꠘ ꠔꠦꠝꠘ ꠛꠦꠡꠤ ꠘꠣꠝ-ꠒꠣꠇ ꠀꠍꠤꠟ ꠘꠣ।

ꠄꠁꠘ ꠢꠎꠞꠔ ꠙꠣꠃꠟꠥꠍꠞꠦ ꠇ꠆ꠞꠤꠔꠤ ꠖꠤꠙꠅ ꠔꠛꠟꠤꠉ ꠇꠣꠝꠅ ꠡꠣꠁꠎ꠆ꠎ ꠇꠞꠍꠂꠘ,

ꠄꠞꠟꠣꠉꠤ ꠔꠣꠘ ꠀꠔꠅ ꠢꠃ ꠎꠝꠣꠔꠞ ꠎꠤꠝ꠆ꠝꠣ ꠖꠦꠅꠀ ꠅꠁꠍꠦ।

ꠛꠣꠖꠦ ꠟꠦꠈꠇꠦ ꠀꠟ-ꠔꠤꠔꠣꠍ ꠘꠣꠝꠞ ꠅꠃ ꠍꠢꠤꠚꠣ ꠔꠣꠘ ꠉꠦꠍꠦ ꠟꠦꠈꠍꠂꠘ।

ꠟꠦꠈꠇꠦ ꠇꠁꠞꠣ,

ꠇ꠆ꠞꠤꠔꠤ ꠖꠤꠙꠅ ꠛꠡꠔ ꠇꠞꠞꠣ ꠘꠣꠚꠞꠝꠣꠘ ꠡꠝꠣꠎꠞ ꠝꠣꠎꠦ,

ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠝ꠆ꠝꠔꠞ ꠡ꠆ꠛꠜꠣꠛ-ꠌꠞꠤꠔ꠆ꠞ,

ꠌꠣꠟ-ꠌꠟꠘ ꠇꠤꠟꠣ ꠅꠀ ꠎꠞꠥꠞ।

ꠀꠞ ꠎꠝꠣꠔꠞ ꠘꠣꠘꠣꠘ ꠘꠝꠥꠘꠣꠞ ꠛꠣ ꠘꠣꠘꠣꠘ ꠛꠄꠅꠡꠞ ꠝꠣꠘꠡꠞꠦ ꠇꠤꠟꠣ ꠔꠣꠟꠤꠝ ꠖꠦꠅꠀ ꠎꠣꠄ।

ꠄꠍꠣꠠꠣ,

ꠎꠝꠣꠔꠞ ꠝꠣꠎ ꠕꠣꠇꠤ ꠖꠟꠣꠖꠟꠤ,

ꠁꠋꠡꠣ-ꠘꠤꠘ꠆ꠖꠣ,

ꠛꠣꠎꠦ ꠔꠞ꠆ꠇ-ꠛꠤꠔꠞ꠆ꠇ ꠛꠣꠖ ꠖꠤꠀ,

ꠀꠟ꠆ꠟꠣꠞ ꠒꠞ-ꠈꠚꠦ ꠀꠟ꠆ꠟꠣꠁ ꠞꠢꠝꠔꠦ ꠎꠤꠘ꠆ꠖꠦꠉꠤ ꠇꠣꠐꠣꠘꠤꠞ ꠙꠞꠣꠝꠤꠡ ꠀꠍꠦ।