ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠢꠎꠞꠔ ꠁꠍꠣꠞ ꠍꠣꠢꠣꠛꠤ ꠢꠎꠞꠔ ꠙꠤꠔꠞꠦ (ꠞꠣ꠩) ꠅꠃ ꠍꠢꠤꠚꠣ ꠞꠥꠝꠣꠘ ꠛꠣꠖꠡꠣꠁꠞ ꠞꠣꠎꠗꠣꠘꠤ ꠞꠥꠝ ꠐꠣꠃꠘ ꠕꠣꠇꠤ ꠟꠦꠈꠍꠂꠘ,

ꠅꠃ ꠞꠥꠝ ꠐꠣꠃꠘꠞꠦ ꠝꠥꠝꠤꠘ ꠅꠇꠟꠦ ꠘꠣꠚꠞꠝꠣꠘ ꠛꠣꠛꠤꠟ ꠐꠣꠃꠘ ꠇꠁꠀ ꠒꠣꠇꠤꠔꠣ।

ꠔꠣꠁꠘ ꠘꠣꠘꠣꠘ ꠖꠦꠡꠞ ꠝꠣꠎꠦ ꠍꠤꠔ꠆ꠞꠤꠀ ꠕꠣꠇꠣ ꠁꠍꠣꠄꠁ ꠁꠝꠣꠘꠖꠣꠞ ꠅꠇꠟꠞ ꠉꠦꠍꠦ ꠌꠤꠑꠤꠞ ꠀꠇꠣꠞꠦ ꠟꠦꠈꠍꠂꠘ।

ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠅꠘꠥꠝꠣꠘ ২৮-৩০ ꠛꠍꠞ ꠛꠣꠖꠦ ꠁꠈꠣꠘ ꠟꠦꠈꠣ ꠅꠁꠍꠦ।

ꠎꠥꠟꠥꠝ ꠀꠞ ꠖꠥꠈ-ꠝꠍꠤꠛꠔꠞ ꠡꠝꠄ ꠁꠝꠣꠘꠖꠣꠞ ꠅꠇꠟꠞꠦ ꠛꠥꠎ ꠖꠦꠅꠀꠞ ꠟꠣꠉꠤ ꠔꠣꠁꠘ ꠁ ꠍꠢꠤꠚꠣ ꠟꠦꠈꠍꠂꠘ।

ꠅꠃ ꠡꠝꠄ ꠎꠦꠞꠣ ꠢꠎꠞꠔ ꠁꠍꠣꠞ ꠃꠙꠞꠦ ꠁꠝꠣꠘ ꠀꠘꠍꠟꠣ,

ꠔꠣꠞꠣ ꠡꠣꠗꠣꠞꠘ ꠝꠣꠘꠡꠞ ꠉꠦꠍꠦ ꠑꠣꠐ꠆ꠐꠣ-ꠝꠡꠇꠞꠣꠞ ꠌꠤꠎ ꠛꠘꠤꠉꠦꠍꠟꠣ।

ꠄꠞꠟꠣꠉꠤ ꠢꠎꠞꠔ ꠙꠤꠔꠞꠦ ꠅꠃ ꠍꠢꠤꠚꠣꠞ ꠝꠣꠎꠖꠤ ꠔꠣꠞꠣꠞꠦ ꠡꠣꠅꠡ ꠎꠥꠉꠣꠁꠍꠂꠘ।

ꠅꠃ ꠍꠤꠙꠣꠞꠣꠞ ২ ꠞꠥꠇꠥ ৫ ꠀꠄꠀꠔꠅ ꠀꠍꠦ,

“ꠔꠥꠝꠞꠣ ꠔꠣꠘ ꠔꠞꠤꠇꠣ ꠇꠛꠥꠟ ꠇꠞꠣꠄ,

ꠔꠥꠝꠞꠣꠞꠦ ꠎꠤꠘ꠆ꠖꠣ ꠙꠣꠔ꠆ꠔꠞꠞ ꠟꠣꠈꠣꠘ ꠀꠟ꠆ꠟꠣ ꠙꠣꠇ ꠞꠁꠛꠣꠞ ꠙꠛꠤꠔ꠆ꠞ ꠇꠣꠛꠣ ꠊꠞ ꠛꠣꠘꠣꠘꠤ ꠅꠞ।

ꠄꠞꠟꠣꠉꠤ ꠀꠟ꠆ꠟꠣꠁ ꠁꠝꠣꠝ ꠍꠣꠛ ꠢꠤꠡꠣꠛꠦ ꠔꠥꠝꠞꠣꠞꠦ ꠀꠟꠣꠖꠣ ꠇꠞꠤ ꠞꠣꠈꠣ ꠅꠁꠍꠦ,

ꠎꠣꠔꠦ ꠔꠥꠝꠞꠣ ꠅꠃꠟꠣ ꠞꠥꠢꠣꠘꠤ ꠇꠥꠞꠛꠣꠘꠤ ꠖꠦꠅ,

ꠎꠦꠔꠣ ꠁꠍꠣ ꠀꠟ-ꠝꠍꠤꠞ ꠈꠣꠔꠤꠞꠦ ꠀꠟ꠆ꠟꠣꠄ ꠇꠛꠥꠟ ꠇꠞꠂꠘ।”