ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠎꠞꠔ ꠙꠣꠃꠟꠥꠍꠦ (ꠞꠣ꠩) ꠌꠤꠑꠤꠞ ꠀꠇꠣꠞꠦ ꠅꠃ ꠍꠢꠤꠚꠣ ꠟꠦꠈꠍꠂꠘ।

ꠅꠘꠥꠝꠣꠘ ꠇꠞꠣ ꠅꠄ,

ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ২৭-২৮ ꠛꠍꠞꠞ ꠝꠣꠎꠦ ꠁꠈꠣꠘ ꠟꠦꠈꠣ ꠅꠁꠍꠦ।

ꠔꠤꠝꠕꠤ ꠘꠣꠝꠦ ꠄꠇꠎꠘ ꠎꠥꠀꠘ ꠝꠣꠘꠥꠡ ꠀꠍꠟꠣ,

ꠔꠣꠁꠘ ꠢꠎꠞꠔ ꠙꠣꠃꠟꠥꠍꠞꠦ (ꠞꠣ꠩) ꠔꠛꠟꠤꠉ ꠇꠣꠝꠅ ꠡꠣꠁꠎ꠆ꠎ ꠇꠞꠔꠣ।

ꠔꠣꠘ ꠝꠣ ꠀꠍꠟꠣ ꠛꠘꠤ ꠁꠍꠞꠣꠁꠟ ꠎꠣꠔꠤꠞ ꠀꠞ ꠛꠣꠚ ꠀꠍꠟꠣ ꠁꠃꠘꠣꠘꠤ ꠎꠣꠔꠤꠞ।

ꠔꠣꠘ ꠛꠣꠠꠤ ꠀꠍꠤꠟ ꠀꠍꠤꠀ ꠖꠦꠡꠅ,

ꠁꠈꠣꠘ ꠅꠈꠘꠇꠥꠞ ꠔꠥꠞꠡ꠆ꠇ ꠖꠦꠡꠞ ꠜꠤꠔꠞꠦ (ꠍꠣꠢꠣꠛꠤ ꠘꠣꠝꠣ ১৬-২০ ꠞꠥꠇꠥ ꠖꠦꠈꠛꠣ)।

ꠟꠦꠈꠇ ꠢꠎꠞꠔ ꠙꠣꠃꠟꠥꠍꠦ ꠅꠃ ꠔꠤꠝꠕꠤꠞ ꠉꠦꠍꠦ ꠁ ꠍꠢꠤꠚꠣꠈꠣꠘ ꠟꠦꠈꠍꠂꠘ।

ꠔꠣꠁꠘ ꠛꠥꠎꠣꠁꠔꠣ ꠌꠣꠁꠞꠣ,

ꠀꠟ꠆ꠟꠣꠞ ꠎꠝꠣꠔꠞ ꠝꠥꠝꠤꠘ ꠅꠇꠟꠞ ꠌꠣꠟ-ꠌꠟꠘꠞ ꠄꠇꠐꠣ ꠝꠣꠙꠇꠣꠑꠤ ꠀꠍꠦ,

ꠎꠝꠣꠔ ꠌꠣꠟꠣꠘꠤ ꠀꠞ ꠎꠝꠣꠔꠞ ꠔꠣꠟꠤꠝꠞꠅ ꠄꠇꠐꠣ ꠘꠤꠅꠝ-ꠘꠤꠔꠤ ꠀꠍꠦ।

ꠎꠝꠣꠔꠞ ꠟꠣꠉꠤ ꠎꠞꠥꠞ ꠅꠁꠟ,

ꠜꠥꠟ ꠔꠣꠟꠤꠝ ꠕꠣꠇꠤ ꠢꠥꠡꠤꠀꠞ ꠞꠅꠀ,

ꠎꠁꠉ꠆ꠉ ꠝꠣꠘꠡꠞ ꠀꠔꠅ ꠎꠝꠣꠔ ꠌꠣꠟꠣꠘꠤꠞ ꠖꠣꠄꠁꠔ꠆ꠔ ꠖꠦꠅꠀ,

ꠀꠞ ꠎꠝꠣꠔꠞ ꠛꠦꠐꠤ ꠝꠣꠘꠥꠡ,

ꠈꠣꠍ ꠇꠞꠤ ꠠꠣꠠꠤ ꠛꠦꠐꠤꠘ꠆ꠔꠞ ꠛꠦꠙꠣꠞꠦ ꠎꠝꠣꠔꠞ ꠖꠣꠄ-ꠖꠣꠄꠁꠔ꠆ꠔ ꠛꠣꠔꠣꠁꠟ ꠅꠁꠍꠦ।

ꠅꠃ ꠍꠤꠙꠣꠞꠣꠞ ২ ꠞꠥꠇꠥ ৪-৬ ꠀꠄꠀꠔꠅ ꠀꠍꠦ,

“ꠀꠟ꠆ꠟꠣ ꠙꠣꠇꠞ ꠈꠤꠀꠟ ꠅꠁꠟ,

ꠎꠣꠔꠦ ꠢꠇꠟ ꠝꠣꠘꠡꠦ ꠘꠣꠎꠣꠔ ꠙꠣꠁꠘ,

ꠀꠞ ꠀꠟ-ꠝꠍꠤꠞ ꠔꠞꠤꠇꠣꠞ ꠢꠇ꠆ꠇꠟꠔꠣ ꠡꠥꠟ꠆ꠟꠀꠘꠣ ꠛꠥꠎꠂꠘ।

ꠁ ꠢꠇꠤꠇꠔꠤ ꠅꠁꠟ,

ꠀꠟ꠆ꠟꠣ ꠈꠣꠟꠤ ꠄꠇꠎꠘ,

ꠀꠟ꠆ꠟꠣ ꠀꠞ ꠝꠣꠘꠡꠞ ꠝꠣꠎꠦ ꠡꠣꠚꠣꠄꠀꠔꠇꠣꠞꠤ ꠝꠣꠎꠞ ꠝꠣꠘꠥꠡꠅ ꠈꠣꠟꠤ ꠄꠇꠎꠘꠃ ꠀꠍꠂꠘ,

ꠄꠘ ꠘꠣꠝ ꠁꠍꠣ ꠀꠟ-ꠝꠍꠤ,

ꠄꠁꠘꠅ ꠝꠣꠘꠥꠡ।

ꠖꠥꠘꠤꠀꠞ ꠢꠇꠟ ꠝꠣꠘꠡꠞ ꠎꠣꠘꠞ ꠛꠖꠟꠣ ꠢꠤꠡꠣꠛꠦ,

ꠔꠣꠁꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ।”