৩ ꠙꠡꠥ ꠇꠥꠞꠛꠣꠘꠤ ꠀꠞ ꠟꠤꠟ꠆ꠟꠣ-ꠍꠖꠉꠣ ꠀꠖꠣꠄ ꠇꠞꠣ ꠅꠁꠟ ꠙꠞꠔꠦꠇ ꠙꠞꠗꠣꠘ ꠁꠝꠣꠝꠞ ꠖꠣꠄꠁꠔ꠆ꠔ,

ꠄꠞꠟꠣꠉꠤ ꠅꠃ ꠙꠞꠗꠣꠘ ꠁꠝꠣꠝꠞ ꠉꠦꠍꠦꠅ ꠇꠥꠞꠛꠣꠘꠤꠞ ꠎꠤꠘꠤꠡ ꠕꠣꠇꠔꠦ ꠅꠁꠛ।

৪ ꠔꠣꠁꠘ ꠎꠥꠖꠤ ꠅꠈꠘ ꠖꠥꠘꠤꠀꠔ ꠕꠣꠇꠔꠣ ꠔꠦ ꠁꠝꠣꠝꠔꠤ ꠇꠞꠔꠣ ꠙꠣꠞꠟꠣ ꠘꠣ ꠅꠘꠦ,

ꠇꠣꠞꠘ ꠡꠞꠤꠅꠔꠞ ꠢꠥꠇꠥꠝ ꠝꠣꠚꠤꠇ ꠇꠥꠞꠛꠣꠘꠤ ꠖꠤꠛꠣꠞ ꠁꠝꠣꠝ ꠔ ꠀꠍꠂꠘꠃ।

৫ ꠢꠤ ꠁꠝꠣꠝ ꠅꠇꠟꠞ ꠇꠣꠝ ꠅꠁꠟ ꠛꠦꠢꠦꠡ꠆ꠔꠤ ꠇꠣꠝꠞ ꠘꠝꠥꠘꠣ ꠛꠣ ꠍꠣꠄꠀ,

ꠎꠦꠟꠣ ꠝꠥꠍꠣꠄ ꠢꠤ ꠄꠛꠣꠖꠔ ꠈꠣꠘꠣ ꠛꠣꠘꠣꠘꠤꠞ ꠡꠝꠄ ꠀꠟ꠆ꠟꠣꠄ ꠝꠥꠍꠣꠞꠦ ꠢꠥꠡꠤꠀꠞ ꠇꠞꠤ ꠇꠁꠟꠣ,

“ꠖꠦꠈꠤꠅ,

ꠅꠃ ꠙꠣꠠꠞ ꠃꠙꠞꠦ ꠔꠥꠝꠣꠞꠦ ꠎꠦꠟꠣ ꠘꠇꠡꠣ ꠖꠦꠈꠣꠁꠟꠣꠝ,

ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠇꠞꠤ ꠢꠇꠟꠔꠣ ꠛꠣꠘꠣꠁꠅ।”

৬ ꠅꠁꠟꠦ ꠅꠈꠘ ꠀꠝꠞꠣ ꠖꠦꠈꠞꠣꠝ,

ꠁꠍꠣꠄ ꠁꠝꠣꠝꠔꠤꠞ ꠎꠦ ꠖꠣꠄꠁꠔ꠆ꠔ ꠙꠣꠁꠍꠂꠘ,

ꠁꠔꠣ ꠢꠤ ꠁꠝꠣꠝ ꠅꠇꠟ ꠕꠣꠇꠤ ꠛꠃꠔ ꠜꠣꠟꠣ,

ꠎꠦꠟꠣ ꠀꠟ꠆ꠟꠣꠞ ꠟꠉꠦ ꠝꠣꠘꠡꠞ ꠝꠤꠟꠘꠞ ꠀꠞꠅ ꠜꠣꠟꠣ ꠄꠇ ꠃꠍꠤꠟ꠆ꠟꠣꠞ ꠟꠣꠉꠤ ꠔꠣꠁꠘ ꠎꠤꠝ꠆ꠝꠣꠖꠣꠞ ꠅꠁꠍꠂꠘ।

ꠁ ꠃꠍꠤꠟ꠆ꠟꠣ ꠀꠉꠞ ꠃꠍꠤꠟ꠆ꠟꠣ ꠕꠣꠇꠤ ꠛꠃꠔ ꠜꠣꠟꠣ;

ꠁ ꠃꠍꠤꠟ꠆ꠟꠣ ꠔ ꠛꠃꠔ ꠜꠣꠟꠣ ꠜꠣꠟꠣ ꠅꠀꠖꠣꠞ ꠃꠙꠞꠦ ꠇꠣꠁꠝ ꠅꠁꠍꠦ।

৭ ꠀꠟ꠆ꠟꠣꠞ ꠟꠉꠦ ꠀꠝꠞꠣꠞ ꠝꠤꠟꠘꠞ ꠙꠄꠟꠣ ꠃꠍꠤꠟ꠆ꠟꠣ ꠎꠥꠖꠤ ꠘꠤꠈꠥꠔ ꠅꠁꠔ,

ꠔꠦ ꠖꠥꠍꠞꠣ ꠃꠍꠤꠟ꠆ꠟꠣ ꠇꠣꠁꠝꠞ ꠇꠥꠘꠥ ꠎꠞꠥꠞ ꠀꠍꠤꠟ ꠘꠣ।

৮ ꠅꠁꠟꠦ ꠀꠟ꠆ꠟꠣꠄ ꠔꠣꠞꠣꠞ ꠖꠥꠡ ꠖꠦꠈꠣꠁꠍꠂꠘ,

ꠎꠦꠟꠣ ꠀꠍꠝꠣꠘꠤ ꠇꠤꠔꠣꠛꠦ ꠇꠄ,