ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠎꠞꠔ ꠢꠣꠘ꠆ꠘꠣꠘꠦ (ꠞꠣ꠩) ꠌꠤꠑꠤꠞ ꠀꠇꠣꠞꠦ ꠅꠃ ꠍꠢꠤꠚꠣ ꠟꠦꠈꠍꠂꠘ।

ꠢꠎꠞꠔ ꠁꠍꠣꠄ ꠖꠥꠘꠤꠀ ꠕꠣꠇꠤ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠅꠘꠥꠝꠣꠘ ৫০-৬০ ꠛꠍꠞ ꠛꠣꠖꠦ ꠁꠈꠣꠘ ꠟꠦꠈꠣ ꠅꠁꠍꠦ।

ꠔꠣꠘ ꠟꠦꠈꠣ ꠅꠃ ꠍꠢꠤꠚꠣꠞ ꠝꠣꠎꠦ,

ꠀꠟ꠆ꠟꠣ ꠙꠣꠇꠞ ꠝꠣꠄꠀꠞ ꠛꠘ꠆ꠖꠣ ꠅꠇꠟꠞ ꠛꠦꠙꠣꠞꠦ ꠛꠄꠀꠘꠤ ꠀꠍꠦ।

ꠎꠉꠔꠞ ꠝꠣꠘꠡꠞ ꠀꠅꠟꠣꠖ ꠅꠇꠟ ꠎꠦꠟꠣꠈꠣꠘ ꠔꠣꠞꠣꠞ ꠝꠣ-ꠛꠣꠚꠞ ꠟꠣꠈꠣꠘ ꠅꠁꠘ,

ꠅꠃꠟꠣ ꠀꠟ꠆ꠟꠣꠞ ꠝꠣꠄꠀꠞ ꠛꠘ꠆ꠖꠣ ꠅꠇꠟꠅ ꠔꠣꠘ ꠟꠣꠈꠣꠘ ꠅꠁꠘ।

ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠃꠙꠞꠦ ꠁꠝꠣꠘ ꠀꠘꠤꠀ ꠎꠦꠞꠣ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁꠟꠤꠍꠦ,

ꠔꠣꠞꠣꠞ ꠎꠤꠘ꠆ꠖꠦꠉꠤꠞ ꠝꠣꠎꠦ ꠘꠣꠘꠣꠘ ꠘꠝꠥꠘꠣꠄ ꠀꠟ꠆ꠟꠣꠁ ꠉꠥꠘꠣꠉꠥꠘ ꠖꠦꠈꠣ ꠎꠣꠄ।

ꠔꠣꠞꠣ ꠀꠟ꠆ꠟꠣꠞ ꠢꠥꠇꠥꠝ-ꠀꠢꠇꠣꠝ ꠝꠣꠘꠤꠀ ꠌꠟꠦ,

ꠀꠞ ꠉꠥꠘꠣꠞ ꠇꠣꠝ ꠕꠣꠇꠤ ꠢꠞꠤꠀ ꠞꠄ।

ꠀꠟ꠆ꠟꠣ ꠙꠣꠇꠞ ꠛꠣꠄ ꠔꠣꠞꠣꠞ ꠝꠢꠛ꠆ꠛꠔ ꠀꠍꠦ ꠀꠞ ꠅꠁꠘ꠆ꠘꠣꠁꠘ꠆ꠘ ꠁꠝꠣꠘꠖꠣꠞ ꠅꠇꠟꠞꠦꠅ ꠝꠢꠛ꠆ꠛꠔ ꠇꠞꠦ।

ꠅꠃ ꠍꠤꠙꠣꠞꠣꠞ ৩ ꠞꠥꠇꠥ ১৬ ꠀꠄꠀꠔꠅ ꠀꠍꠦ,

“ꠀꠟ-ꠝꠍꠤꠄ ꠀꠝꠞꠣꠞ ꠟꠣꠉꠤ ꠔꠣꠘ ꠘꠤꠎꠞ ꠎꠣꠘ ꠛꠤꠟꠣꠁ ꠖꠤꠍꠟꠣ,

ꠅꠈꠣꠘ ꠕꠣꠇꠤꠃ ꠀꠝꠞꠣ ꠛꠥꠎꠍꠤ,

ꠝꠢꠛ꠆ꠛꠔ ꠇꠣꠞꠦ ꠇꠄ।

ꠅꠈꠘ ꠀꠝꠞꠣꠞ ꠜꠣꠁꠞ ꠟꠣꠉꠤꠅ ꠀꠝꠞꠣꠞ ꠎꠣꠘ ꠛꠤꠟꠣꠁ ꠖꠦꠅꠀ ꠎꠞꠥꠞ।”