6 इक मनुख परमात्मा थमा हाजर होया जिस दा ना यूहत्रा हा । 7 ओह् गुआही देने गी आया के लो दी गुआही दिय्यै, तां जे, सब उस दे द्वारा परोसा गी लेई होंन| 8 ओह् आपूं ते, ओह् लो नेई हा, पर ओह् लो दी गुआही देने गी आह्दा हा

9 सच्ची लो जेहड़ी सारे मानुएँ गी लों मान करदी ए, दुनियां च आने आह्ली ही । 10 ओह् संसार च हा, ते दुनियां ओह्दे द्वारा गै पैदा ओई, ते दुनियां ने उसी नेई पनछानया| 11 ओह् अपने घर आया ते उस दे अपनैं उसी कबूल नेई किता । 12 मगर जेह्स जेह्स उसी कबूल किता, ओह्स ने उन्हें परमात्मा दा टब्बर होने दा हक्क दीता, अर्थात् उन्हेंगी जेहड़े उस दे नां पर विश्वास रखदे न 13 ओह् ना खूने कन्नै, ना्ंह गे जिंदु (जीद ) दी मर्जी कन्नै, नांह् गे मानुए दी मर्जी कन्नै, मगर परमात्मा थमा पैदा होए न ।

14 ते वचन देहधारी होया; ते क्रपा ते सच्चाई कन्नै परिपूरण होइये साड़े बीच डेरा किता, ते अस्सैं ओह्स दी ऐसी मेह्मा दिखी, जियां प्यो दे इकलोते दी मेह्मा । 15 यूहन्नै ओह्दे बारे च गुआई दिती, ते पुकारीये अखेया, “एह् उऐ ए, जेह्स दा मैं बर्णन कीता के जेह्ड़ा मेरे थमा बाद आ्ह करदा, ओह् मेरे थमा बाह्द ए की वे ओह मेरे कोलों पैलैं दा ए’’| 16 की वे उस दी परिपूर्णता बीचा अस्सैं सारें जन्नैं प्राप्त किता अर्थात् क्रपा पर क्रपा । 17 इसे आह्स्ते कि व्यवस्था मूसा दे द्वारा दिति गेदी ही, लेकन क्रपा ते सच्चाई येशु मसीह दे द्वारा पुज्जी । 18 परमात्मा गी कुस्सै नै कदैं नी दिखया, इकलोता पुत्तर जेड़ा प्यो दी गोदी च ए, ओहस ने गै उसी प्रगट किता ।

19 यूहत्रा दी गुआई एह् ही, के जदूं यहूदियैं यरूशलेम बीचा याजकें ते लेवियें गी ओदे कोल एह् पूछनै अस तै भेजे, “तू कुन्न ऐ?’’ 20 ओह्स बेलै ओह्स ने एह् मनी लेता ते मना नेई किता, लेकन मनी लेता, “आऊं मसीह नेइयैं।” 21 उसलै उन्हैं उसी पूछया, “ते पी कुन्न ए ? केह् तू एलिय्याह ए ?” ओह्स अखेया, “ आऊं नेइयैं।” “ ते केह् तू ओह् भविष्यवक्ता ए ?” ओह्ने जवाब दीता, “ नेईं।” 22 इसदे बाद उन्हें उसी पूछेया, “ ते पी तू कुन्न ए ? तां जे आह्स अपने भेजने आह्लें गी जवाब देचै । तू अपने बारे च केह् गलाना ?” 23 ओह्स गलाया, “ जिय्याँ यशायाह भविष्यवक्ता ने गलाया ए: ‘ आऊँ जंगलै च इक पुकारने आह्ले दा इक शब्दैं केह् तुस प्रभु दा रस्ता सीद्धा करो’।’’

24 ओह् फरिसियें थमा भेजे गेदे हे । 25 उन्हें उसी एह् सवाल पूछया, “ जे तू ना मसीह ए, ते ना एलिय्याह, ते ना गे ओह् भविष्यवक्ता ए, ते पी बपतिस्मा (जल संस्कार) कैं दीना ओह्ना ?’’ 26 यूहत्रा ने उन्हें गी जवाब दीता, “ आऊं ते पानीयै कन्नै बपतिस्मा (जल संस्कार) देह् करना, लेकन तुन्दे बीच इक ऐसा मनुख खलोते दा ए जीसी तुस नेई जांनदे । 27 अर्थात् मेरे थमा बाह्द आह्ने आह्ला ए, जेह्स दी नौक (जूती) दी रस्सी खोलने दे आऊं काबल नेइयैं।” 28 एह् गल्लां यरदन दे पारली बक्खी बैतनिय्याह च होइयाँ, जित्थैं यूहत्रा बपतिस्मा दींदा हा ।

29 दूए दिन ओह्नै येशु गी अपनी बक्खी ओंह्दै दिखियै अखेया, “ दिखो, एह् परमात्मे दा मेमना ए जेह्ड़ा दुनियां दा पाप चूकी लेई जाह्दा । 30 एह् उऐ जेह्स दे बारे च मैं अखेया हा, ‘ इक मनुख मेरै पीछैं आवा करदा जेह्ड़ा मेरे थमा श्रेष्ठ ए, की वे ओह् मेरे थमा पैह्लें दा ए।’ 31 आऊं ते उसी पनछानदा नेई हा, लेकन इसैलेई आऊं पानीयै कन्नै बपतिस्मा (जल संस्कार) दिंदा आया केह् ओह इस्राएलै पर प्रकट ओई जाए।” 32 अते यूहत्रै एह् गुआई दिती: “ मैं आतमे गी कबूतरै दै समान अंबरा उतरदै दिखया, ते ओह् ओह्स दे उपर ठैअरी गेया । 33 आऊं ते उसी पनछानदा नेई हा, लेकन जेह्स ने मिगी पानीयै कन्नै बपतिस्मा (जल संस्कार) देने गी भेजेया, उसै मिगी गलाया, ‘ जेह्स दे उपर तू आतमे गी उतरदै ते ठैअर दै दिखैं, ओह् गै पवितर आतमै कन्नै बपतिस्मा (जल संस्कार) देने आह्ला ए।’ 34 ते मैं दिखया, अते गुआई दिती ए के इय्यै परमात्मे दा पुतर ए।’’

35 दूए दिन पी यूहत्रा अते ओह्स दे चेलें बीचा दो मनुख खड़ोते दे हे, 36 ते ओह्स ने येशु पर जेह्का जा करदा हा, एह् परमात्मे दा मेमना ऐ।’’, दृष्टि करियै गलाया, “दिखो 37 उस बेलै ओह् दमैं चेले ओह्स दी एह् सुनीयै होइए । 38 येशु ने मुड़ीए उन्हें गी पीछैं ओंदै दिखेया ते उन्हें गी गलाया, “तुस कुस्सी तुप्पादे ?’’ उन्हें उसी गलाया, “ हे रब्बी (अर्थात् हे गुरू), तू कुत्थैं रौह्ना ए ?’’ 39 ओस ने उन्हें गी गलाया, “ चलो, ते दिखी लैगे।” इसदे बाद उन्हें जाइयै उस दे रौह्ने दा थाह्र (जगह) दिखी, ते उस दिन ओदे कन्नै रेह् । दसमैं घैंटे दे लग – भग था ।

40 उन्था दोह्नी बीचा, जेह्ड़े यूह्त्रा दी गल्ल सुनीयै येशु दे पीछै ओह्दे हे, इक शमौन पतरस दा भ्राऽ अन्द्रियास हा । 41 ओह्स पैह्लैं अपनै सक्के भ्राऽ शमोन कन्नै मिलियै उसी गलाया, “ असेंगी ख्रिस्त, अर्थात् मसीह, मिली गेदा । ” 42 ओह् उसी येशु दे कोल लेई आया । येशु ने ओह्दे उपर दृष्टि करियै अखेया, “ तू यूहत्रा दा पुतर शमोन ए: तू कैफा अर्थात् पतरस खुआगा ।

43 दूए दिन यीशु होरें गलील गी जाना चाया । ओह् फिलिप्पुस कन्नै मिलेया ते अखेया, “ मेरै पीछैं चली आ।’’ 44 फिलिप्पुस, अन्द्रियास ते पतरस दे नगर बैतसैदा दा रैनआला हा । 45 फिलिप्पुस नतनएल से मिला ते उसी गलाया, “ जेह्स दा वर्णन मूसे व्यवस्था च अते, भविष्यव्कतैं ने किता दा ए, ओह् असेंगी मिली गेया; ओह् यूसुफ दा पुत्तर यीशु नासरी ए।’’ 46 नतनएल ने ओह्स दे कन्नै अखया, “ केह् कोई अच्छी चीज भी नासरत बीचा निक्क्ली सकदी ए ?’’ फिलिप्पुस नै उसी गलाया, “ चलियै दिखी लै । ” 47 यीशु ओह्रैं (नै) नतनएल गी अपनी बक्खी ओंह्दै दिखियै ओह् दै बारै च गलाया, “ दिखो, एह् सच्च-मुच्च इस्राएली ए: एह् दै बीच कपट नेइयैं।’’ 48 नतनएल नै उसी गलाया, “ तू मिगी किय्यां जानना ए ?’’ यीशु नै उसी जवाब दीता, “ एह्स थमा पैह्लैं केह् फिलिप्पुस नै तुगी (तुकी) बलाया, जेह्स लै तू अंजीर दे रूक्ख दै थल्लै हा, उस बेलै मैं तुकी दिखया हा।’’ 49 नतनएल नै उसी जवाब दीता, “हे रब्बी, (गुरू) तू परमातमे दा पुत्तर ए।’’ 50 येशू नै उसी जवाब दीता, “ मैं जेह् तेरै कन्नै गलाया केह् मैं तुकी फकुड़े दे रूक्ख दै थल्लै दिखया, केह् तू इस्सै अस तै परोसा करना एं ? तू एह् दे कुल्ला भी बडे-बडे काम दिखगा|’’ 51 पी ओह्दे कन्नै गलाया, “ आऊं तेरे कन्नै सच्च – सच्च गलाना केह् तू सुर्गे गी खुले दा, अते परमात्मा दे सुर्गदुतें गी मनुख दे पुत्तर दे उपर उतरदै ते ऊपर जांदे दिखगे|’’