Tɔm ndʋ tɩwɛ takayaɣ kanɛ ka-taa yɔ, alɩwaatʋ ndʋ you nɔɔ ɖɛyaa cɔŋaɣnɩ Izirɛɛlɩ ɛjaɖɛ yɔɔ yɔ tɩlaba. Ɛjaɖɛ nɖɩ, ɖɩ-taa halʋ nɔɔyʋ kɛwɛɛ, payaɣ-ɩ se Nawomii. Ɛɛwɛ e-ɖeke Mowaabɩ ɛjaɖɛ taa. Ɛkɛ lelu, ɛɛwɛnɩ abalɩbiya naalɛ nɛ paba ñasɩ. Ɛlɛ, ɛɛwɛnɩ wolu nɔɔyʋ, payaɣ-ɩ se Ruuti, ɛkɛ Mowaabɩ tʋ. Ŋgʋ, Izɩrɛɛlɩ ñɩma taakpaɣ Mowaabɩ ñima nɛ payaa pʋyʋ.

Pɩlabɩ ḿbʋ lɛ, Nawomii nɛ Ruuti papɩsɩ ɛ-tɛ, Bɛtɩlɛhɛm tɛtʋ taa. Lelaa mba, patalɩ peeye nesi yeɣyeɣ. Ɛbɛ pakaɣ tɛmnaʋ Bɛtɩlɛhɛm peeye? Nawomii walʋ liɖe taa ñɩma sɩŋnɩnɩ-wɛ yaa Kɩpaɣlʋ maɣmaɣ tɔzʋʋnɩ pɔ-yɔɔ yaa pɔtɔkɩ kʋñɔŋ pa nɛ pa-sɩm?

Ɩkalɩɣ tɔm ndʋ pɛkɛdɩ takayaɣ kanɛ ka-taa yɔ lɛ, ɩnaɣ ɛsɩna ḿbʋ Kɩpaɣlʋ lakɩ mba pɔɖɔŋ ɛ-nʋmɔʋ taa camɩyɛ yɔ mbʋ ɛɖʋwa yɔ. Ɩnaɣ ɖɔɖɔ ɛsɩna ḿbʋ Nawomii nɛ Ruuti pawɩlɩ ɖama pa-camɩyɛ lakasɩ yɔ nɛ mbʋ pa-walaa liɖe taa abalʋ nɔɔyʋ lakɩ nɛ ɛlɩzɩ-wɛ pa-kʋñɔŋ taa yɔ. Abalʋ ɛnʋ, payaɣ-ɩ se Bowaazɩ.

Pʋwɛɛ se ɩtɩlɩ se ɖooo Izirɛɛlɩ ɛjaɖɛ taa lɛ, ye ɛyʋ ɛkpaɣ halʋ nɛ ɛsɩ nɛ ɛfɛyɩnɩ pɩɣa yɔ, e-neu yaa e-liɖe taa tʋ nɔɔyʋ hɔŋ lelu nɛ kajalaɣ abalɩbɩɣa ŋga palʋlʋʋ yɔ, kɛkɛ weyi ɛsɩba yɔ ɛ-pɩɣa nɛ katɩɣyɩ ɛ-ñɩm.

Ɖɩtatɩlɩ weyi ɛma Ruuti takayaɣ kanɛ yɔ yaa alɩwaatʋ ndʋ pama-kɛ yɔ. Ɛlɛ, nabɛyɛ maɣzɩɣ se pɩtatɩlɩ, alɩwaatʋ ndʋ Salomɔɔ tɔɔ kewiyaɣ Izirɛɛlɩ ɛjaɖɛ taa yɔ, tɩ-taa pama-kɛ. Pʋ-tɔbʋʋ se: Pama-kɛ nɛ pɩla pɩnzɩ nɩɩnʋwa fɛyɩ kotoku nɛ pʋcɔ palʋlɩ Yeesu.

Ruuti weyi pɛkɛdɩ ɛ-tɔm takayaɣ kanɛ ka-taa yɔ, ɛ-hɩɖɛ wɛnɩ wiyaʋ sɔsɔ Daviidi nɛ ñʋʋ yaɖʋ Yeesu pɔ-cɔzɔnaa hɩla taa Maat. 1: 1-16.