MATTHEW
मत्ती
परिचय
मती रा सुसमाचार यह शुभ संदेश देआ सा कि यीशु मसीह ही सौ मुक्तिदाता सा जुणी री एणै री भविष्यवाणी हुई ती l परमेशवरे पराणै नियमा न हजार बौर्ष पैहले आपणै लोका न केरुदे वायदे बै तेई मुक्तिदाता द्वारा पुरा केरु l ऐ शुभ संदेश केवल यहूदी लोकै री तेंईये नेई अथी, जौखे यीशु पैदा हुआ होर तेई रा पालन पोषण केरू, पर दुनिया री तेंईये सा l
मती रै सुसमाचारा बै बड़ी सावधानी सेंघे व्यवस्थित केरूदा सा l एथा री शुरूआत मसीह रै जन्मा न होआ सा, तैबै तेईरे वपतिस्मा होर परीक्षा रा वर्णन सा, होर तैबै गलील प्रदेशा न प्रचार, शिक्षा होर बमारी ठीक केरने री सेवा रा वर्णन सा l एथा न बाद एई सुसमाचारा न यीशु री गलीला न यरूशलेमा री यात्रा होर यीशु री जिन्दगी री आखरी हफ्ते री घटना रा वर्णन सा l जुणीन तेईरा क्रूसा पेन्धे चढ़ना होर जिन्दा होणा सा l
येई सुस्माचारा न यीशु बै एक महान गुरु रे रूपा न दर्शाऊदा सा l तेईरी शिक्षा बै पौंज़ हिस्से न बौंडी सका सी l (1) पहाड़ी उपदेश जो स्वर्गा रे राज्य रै लोका रै चरित्र, कर्तब्य विशेषअधिकार होर आखरी आशा न सम्बन्धित सी l (5-7; (2) बारा चेले बै सेवा री तेंईये तयार केरना (अध्याय 10); (3) स्वर्गा रे राज्य रे बारे न उदाहर्ण (अध्याय 13 ) (4) शिष्यता रै बारे न शिक्षा(अध्याय 18 ); होर (5) स्वर्ग राज्य रे एणै रे बारे न होर एणु आळै जुगा रै बारे न आखरी शिक्षा (अध्याय 24,25 ) l
रूपरेखा
वंशावली होर यीशु मसीह रा जन्म 1:1-2:23
यूहन्ना वप्तिस्मा देणु आळै रा सेवा कार्य 3:1-12
यीशु रा वप्तिस्मा होर परीक्षा
गलीला न यीशु री लोका री सेवा 4:12-18:25
गलीला न यरुश्लेमा तकर यात्रा 19:1-20:34
यरूशलेमा न आखरी सप्ताह 21:1-27:66
प्रभु यीशु रा जिन्दा होणा होर तेई हेरिणा 28:1-20