1 जखनी हमिन बच के निकलियई, त पता चललियई कि इ माल्‌टा टापू हई । 2 उहां के रहेवोलन हमिन परे ढेर बड़ी दया कलथीन । पानी बरसे के चलते ढेर जाड़ा हलई, इहेसे ओकिन आगी हतका के हमिन के मंजूर कलथीन । 3 जखनी पउलुस लकड़ियन के उठा के आग परे रखत हलई, त एगो साँप गरम लगे से लिकललई आऊ ओकर हाथ में लेपटा गलई । 4 जखनी उहां के रहेवोलन साँप के ओकर हाथ में लटकल देखलथीन, त अपनन में कहलथीन, “सच में इ खूनी आदमीन हई कि समुंदर से बच गलई, तबो में नयाय देवता ओकरा जीये नई देलई ।” 5 तखनी उ साँप के आगी में झटकार देलई, आऊ ओकरा कुछो नई होलई । 6 बाकि ओकिन आस जोहत हलथीन कि उ फूल जतई चाहे एकबइक गिर के मू जतई, बाकि जखनी ओकिन ढेरे देरी तक देखते रहलथीन आऊ देखलथीन कि ओकरा कुछु नई होलई, त ओकिन आपन विचार बदल के कहलथीन, इ त कोनो देवता हई ।”