གོ༌ཟུག༌གི༌ སྤེ༌ཆ༌།
གོ༌ཟུག༌གི༌ སྤེ༌ཆའེ༌ སྐོར༌།
ཡ༌ཧུ༌དཱ༌ དང༌ མ༌ཤི༌ཀ༌པའེ༌ ཆོས༌སི༌ ཁས༌པ༌ གུན༌ནི༌ འི༌ གོ༌ཟུག༌གི༌ སྤེ༌ཆ༌བོ༌ མ༌ཤི༌ཀ༌ ལྟམས༌སི༌ སང༌ ཧ༌ལམ༌ ལོ༌ སྟོང༌ ཉིས༌སི༌ སྔུན༌ལ༌ བྲིའ༌ ཛད༌ཏེ༌ ཨིན༌ཁན༌བོ༌ ཟེར༌ར༌ནོག༌,
༼ཡང༌ན༌ ལོ༌ སྟོང༌ ཞིབ༌རྒྱའེ༌ སྔུན༌ལ༌༽།
ཁོང༌གུན༌ནི༌ ཟེར༌ར༌ནོག༌,
ཞལ༌ཆད༌ སྙིང༌པའེ༌ གོ༌མའེ༌ སྤེ༌ཆ༌ ལྔ༌བོ༌ མོ༌ཟེས༌སི༌ བྲིས༌ཏེ༌ ཨིན༌ནོག༌,
ཀ༌བོའེ༌ ནང༌ང༌ འི༌ སྤེ༌ཆ༌བོའང༌ ཐེས༌ཏེ༌ ཨིན༌ནོག༌།
མོ༌ཟེས༌སི༌ འི༌ སྤེ༌ཆ༌,
ཛམ༌བུ༌ལིང༌ དང༌ ཇིག༌རྟེན༌ ཛད༌ཁན༌ནི༌ ཚིར༌ ཡང༌ གྱལ༌ཁབ༌གུན༌ ཀ༌ཟུག༌གི༌ བྱུང༌,
ཏེ༌གུན༌ནི༌ སྐོར༌ སིལ༌ཁན༌གུན༌ལ༌ ཤེ༌ཤེས༌སི༌ གྱུན༌ཚན༌ནི༌ ཕིའ༌ བྲིས༌ཏེ༌ ཨིན༌ནོག༌།
འི༌ ནང༌ང༌ མོ༌ཟེས༌སི༌ གོ༌ཟུགས༌ མང༌པོ༌ཞིག༌གི༌ སྐོར༌ལ༌ བྲིའ༌ ཛད༌ཏེ༌ དུག༌,
ཏེ༌གུན༌ ནི༌:
- ཀ༌ཟུག༌གི༌ ཛམ༌བུ༌ལིང༌ དང༌ ཇིག༌རྟེན༌ ཡང༌ ཏེ༌ནང༌ང༌ ཡོད༌ཁན༌ ཚང༌མ༌ གོ༌ཟུགས༌།
- ཀ༌ཟུག༌གི༌ མི༌རིགས༌ ཚང༌མ༌ བྱུང༌ཁན༌ནི༌ གོ༌ཟུག༌,
ཡང༌ན༌ ཨ༌དཱམ༌ དང༌ ཧ༌ཝ༌ ཛད༌ཅེས༌པོ༌།
- ཀ༌ཟུག༌གི༌ སྡིག༌པ༌ དང༌ ཤི༌ཅེས༌ བྱུང༌ཁན༌ནི༌ གོ༌ཟུགས༌།
- དཀོན༌མཆོག༌གི༌ ཐབས༌ ནང༌ཞིན༌ ཁོང༌ངི༌ ཞལ༌ཆད༌ ཛད༌ཁན༌ནི༌ ཕོར༌གྱུད༌ གྱུད༌ཏེ༌,
ཀ༌ཟུག༌གི༌ སྡིག༌ཅན༌ མི༌གུན༌ སྡིག༌པ༌ དང༌ ཤི༌ཅེས༌སི༌ ཀ༌ནེ༌ སྐྱོབ༌ཅེས༌ གོ༌ཟུགས༌།
- ཀ༌ཟུག༌གི༌ དེན༌བའེ༌ དཀོན༌མཆོག༌ག༌ བྲངས༌ཏེ༌ ཅོལ༌ཁན༌ དང༌ མ༌བྲངས༌ཁན༌ནི༌ མི༌གུན༌ གོ༌ཟུགས༌།
- ཀ༌ཟུག༌གི༌ གྱལ༌ཁབ༌ སོ༌སོ༌གུན༌ གོ༌ཟུགས༌།
འི༌ སྤེ༌ཆའེ༌ ནང༌ང༌ ཚང༌མའེ༌སང༌ ཁག༌ཅན༌ ལབ༌ཞ༌བོ༌ ནི༌,
དཀོན༌མཆོག༌གི༌ ཐབས༌ལྡིངས༌སི༌ ནང༌ང༌ མི༌གུན༌ ཏུས༌གྱུན༌ནི༌ ཕིའ༌ སོན༌ཏེའ༌ ལུས༌ཏེ༌ ཁོང༌ ཉམ༌པོ༌ བྲེལ༌ ཉེ༌མོ༌ ལུས༌ཤེས༌ ཡང༌ ཛ༌འོ༌ ཉེ༌མོ༌ ཙོགས༌ལ༌ ཁོང༌ ཤེ༌ཤེས༌པོ༌ ཨིན༌པིན༌།
ཨིན༌ནའང༌ སྡིག༌པ༌ དང༌ ཤི༌ཅེས༌,
འི༌ ཇིག༌རྟེན༌ནི༌ ནང༌ང༌ ལེབ༌བ༌ཅིག༌,
ཏེ༌ ཛ༌འོའེ༌ ཐུན༌བྲེལ༌བོ༌ ཆད༌,
ཡང༌ ཁོང༌གུན༌ནི༌ ཕིའ༌ དཀོན༌མཆོག༌གི༌ ཅིན༌ལབས༌ ཚང༌མ༌ མེད༌ཁན༌ སོང༌།
ཏེ༌བོའེ༌ སྟིང༌ནིའང༌ དཀོན༌མཆོག༌གི༌ མི༌རིགས༌ རིག༌ ཤེ༌ཏན༌ནི༌ སྡིག༌པ༌ དང༌ ཤི༌ཅེས༌སི༌ ངན༌ ཕོག༌ཅེས༌ནེ༌ སྐྱོབ༌བ༌ ཛད༌ཅེས༌སི༌ ཐབས༌ལྡིངས༌ ཛདས༌ ༼གོ༌ཟུག༌གི༌ སྤེ༌ཆ༌ 3:15༽།
དཀོན༌མཆོག༌གི༌ འི༌ ཐབས༌ལྡིངས༌པོ༌ ཨ༌དཱམ༌ དང༌ ཧ༌ཝའེ༌ བུ༌ཚ༌ སེད༌ ཟེར༌ཁན༌ནི༌ མི༌ནེ༌ བྱུང༌ཁན༌ནི༌ མིག༌སལ༌ལི༌ ཕོར༌གྱུད༌གུན༌ གྱུད༌ཏེ༌ ཛདས༌།
སེད༌དི༌ ཕོར༌གྱུད༌ ནོ༌ཨཱ༌,
ཨབ༌ར༌ཧམ༌ དང༌ ཡ༌ཀོབ༌ ༼ཡང༌ན༌ ཨིས༌ར༌ཨེལ༌༽ ཟེར༌ཁན༌ནི༌ མི༌གུན༌ ཉམ༌པོ༌ ཏུས༌གྱུན༌ ལུས༌ཤེས༌སི༌ ཞལ༌ཆད༌ ༼ཡང༌ན༌ ཆད༌དོན༌༽ རིག༌ ཛདས༌།
ཚང༌མའེ༌སང༌ ཆད༌དོན༌ ཁག༌ཅན༌བོ༌ ནི༌ ཨབ༌ར༌ཧམ༌ ཉམ༌པོ༌ ཛད༌ཁན༌བོ༌ ཨིན༌ནོག༌,
ཏེ༌བོ༌ ནི༌ མི༌ དང༌ གྱལ༌ཁབ༌ ཚང༌མའེ༌ཀ༌ ཁོའེ༌ ཕོར༌གྱུད༌བོ༌ གྱུད༌ཏེ༌ ཡོང༌ཅེས༌ཅན༌ནི༌ ཞལ༌ཆད༌དི༌ ཅིན༌ལབས༌པོ༌ ཨིན༌པིན༌ ༼ཞལ༌ཆད༌ སོ༌མའེ༌ སྤེ༌ཆ༌གུན༌ནི༌,
ལབ༌ཞ༌ ནང༌ཞིན༌ ཏེ༌ ཕོར༌གྱུད༌བོ༌ ཇིག༌རྟེན༌པ༌གུན༌ནི༌ སྐྱབ༌གོན༌,
ཡེ༌ཤུ༌ མ༌ཤི༌ཀ༌ ཨིན༌ནོག༌༽།།