17
1 ཨབ༌ར༌ཧམ༌མི༌ ལོ༌ 99 ཨིན༌ ཟ༌ནེ༌ ཡ༌ཝ༌ ཁོའ༌ ཇལ༌ ཡང༌ མོལས༌, "ང༌ ནི༌ ཀུན༌ཝང༌ དཀོན༌མཆོག༌ ཨིན༌ ཨིད༌ཤེས༌ ཉམ༌པོ༌ ངའ༌ ཞབ༌སྟོག༌ ཞུས༌ ཡང༌ ངའེ༌ ཁའ༌ ཉན༌ཏེ༌ ཏུས༌གྱུན༌ གྱལ༌ལ༌ ཨིན༌ཁན༌བོ༌ ཅོ༌ཤིག༌། 2 ངའེ༌ ཁྱོ༌རང༌ ཏང༌ ངའེ༌ ཕར༌ལ༌ ཅོ༌ཁན༌ནི༌ ཆད༌དོན༌བོ༌ ཏེ༌ ཁྱོ༌རང༌ང༌ ཕོར༌གྱུད༌ མང༌པོ༌ཞིག༌ ཏང༌ཨིན༌།
3 ཨབ༌ར༌ཧམ༌མི༌ ས༌ ཆོགས༌ལ༌ གོ༌ སྒུས༌ཏེ༌ ཆག༌ཕུལས༌ ཡང༌ དཀོན༌མཆོག༌གི༌ ཁོའ༌ མོལས༌། 4 ངའེ༌ འི༌ ཆད༌དོན༌བོ༌ ཁྱོ༌རང༌ ཉམ༌པོ༌ ཅོའད༌། ཁྱོ༌རང༌ གྱལ༌ཁབ༌ མང༌པོ༌ཞིག༌གི༌ ཕ༌མེས༌པོ༌ གྱུར༌ཨིན༌། 5ཏ ཏ༌ནེ༌ཕར༌ལ༌ ཁྱོ༌རང༌ང༌ ཨབ༌རམ༌ མ༌ཟེར༌ར༌ ཨབ༌ར༌ཧམ༌ ཟེར༌ཨིན༌། ཅིའ༌ཟེར༌ན༌ ངའེ༌ ཁྱོ༌རང༌ གྱལ༌ཁབ༌ མང༌པོ༌ཞིག༌གི༌ ཕ༌མེས༌པོ༌ གྱུར༌ཅུག༌ཨིན༌། 6 ངའེ༌ ཁྱོ༌རང༌ང༌ ཕོར༌གྱུད༌ མང༌པོ༌ ཏང༌ཨིན༌ ཀ༌གུན༌ གྱལ༌ཁབ༌ མང༌པོ༌ གྱུར༌ཨིན༌ ཡང༌ ཁོང༌གུན༌ནི༌ ནང༌ནེ༌ གྱལ༌པོ༌གུན༌ བིང༌ཨིན༌། 7 ངའེ༌ ཁྱོ༌རང༌ དང༌ ངའེ༌ ཡང༌ ཁྱོ༌རང༌ངི༌ ཕོར༌གྱུད༌གུན༌ནི༌ པར༌ལ༌ ཅོ༌ཁན༌ནི༌ ཆད༌དོན༌བོ༌ ཁྱོ༌རང༌ངི༌ ཡོང༌ཅེས༌ཅན༌ནི༌ ཕོར༌གྱུད༌གུན༌ ཉམ༌པོ༌ ཏུས༌གྱུན༌ ལུས༌ཨིན༌། ང༌ ཁྱོ༌རང༌ དང༌ ཁོང༌གུན༌ནི༌ དཀོན༌མཆོག༌ ཨིན༌། 8 ཡང༌ ངའེ༌ ཁྱོ༌རང༌ དང༌ ཁྱོ༌རང༌ངི༌ ཕོར༌གྱུད༌གུན༌ལ༌ ཀེ༌ནན༌ནི༌ ཡུལ༌ གང༌པོ༌ ཏང༌ཨིན༌ ཀ༌རུ༌ དག༌ས༌ ཁྱོ༌ཞ༌གུན༌ ཞན༌མི༌ ཙོགས༌ལ༌ དུག༌ཨིན༌ ཡོད༌ འི༌ ས༌ཀྱད༌ གང༌པོ༌ ཏུས༌གྱུན༌ ཁོང༌གུན༌ནི༌ ལུས༌ཨིན༌ ཡང༌ ང༌ ཁོང༌གུན༌ནི༌ དཀོན༌མཆོག༌།
9 ཏེ༌ནེ༌ དཀོན༌མཆོག༌གི༌ ཨབ༌ར༌ཧམ༌མ༌ མོལས༌, "ཁྱོ༌རང༌ངིའང༌ ང༌ ཉམ༌པོ༌ ཆད༌དོན༌བོ༌ བོར༌ཅེས༌ལ༌ ཁའ༌ ཆམས༌ གོས༌ ཡང༌ ཡོང༌ཅེས༌ཅན༌ནི༌ ཁྱོ༌རང༌ངི༌ ཕོར༌གྱུད༌ ཚང༌མེའང༌། 10 ཁྱོ༌རང༌ དང༌ ཁྱོ༌རང༌ངི༌ ཕོར༌གྱུད༌ གུན༌ནི༌ འི༌ ཆད༌དོན༌བོ༌ ཅོ༌གོས༌, ཁྱོ༌ཞ༌གུན༌ནི༌ ཕྲོའ༌ ཡོད༌ཁན༌ནི༌ བུ༌ཚ༌ ཚང༌མའེ༌ སུན༌ནད༌ ཅོ༌གོས༌། 11 ངའ༌ དང༌ ཁྱོ༌ཞ༌གུན༌ནི༌ ཕར༌ལ༌ ཅོ༌ཁན༌ནི༌ ཆད༌དོན༌ནི༌ སྟགས༌སི༌ ཚུལ༌ལ༌ ཁྱོ༌ཞའེ༌ ཅུ༌ཅུའི༌ གོའེ༌ ཀ༌ནེ༌ པགས༌པ༌ ཆུ༌ངུན༌ཞིག༌ ཅད༌ཏེ༌ སུན༌ནད༌ ཅོ༌གོས༌། 12 ཏ༌ནེ༌ཕར༌ལ༌ ཁྱོ༌ཞ༌གུན༌ནི༌ ཀ༌ནེ༌མེད༌ ཕྲུ༌གུ༌ བུ༌ཚ༌གུན༌ལ༌ ཞག༌པོ༌ 8 ཆའད༌ཅིག༌ སུན༌ནད༌ ཅོ༌གོས༌། ཏེ༌བོ༌ ཁྱོ༌ཞའེ༌ ཕོར༌གྱུད༌གུན༌ ཅིག༌པོ༌ མན༌པ༌ ཁྱོ༌ཞའེ༌ ཁང༌པའི༌ ནང༌ང༌ སྐྱེས༌ཁན༌ནི༌ ཁྱོ༌ཞའེ༌ ཚེ༌ཡོག༌ ཡང༌ ཚེ༌ཡོག༌ ཞན༌མའེ༌ ཡུལ༌ནེ༌ ཁྱོང༌ཁན༌ གུན༌ལའང༌ སུན༌ནད༌ ཅོ༌གོས༌། 13 ཁྱོ༌ཞའ༌ ཚང༌མའེ༌ སུན༌ནད༌ ཅོ༌གོས༌། ངའེ༌ ཏུས༌གུན༌ ལུས༌ཤེས༌སི༌ ཆད༌དོན༌ ནི༌ སྟགས༌པོ༌ ཁྱོ༌ཞའེ༌ ཟུགས༌པོའེ༌ ཀ༌ ལུས༌གོས༌། 14 སུན༌ནད༌ མ༌ཅོས༌ཁན༌ནི༌ བུ༌ཚ༌གུན༌ ངའེ༌ མི༌གུན༌ནི༌ ཕྲོ༌ནེ༌ ཕིང༌གོས༌ ཅིའ༌ཟེར༌ན༌ ཁོང༌གུན༌ནི༌ ངའེ༌ ཆད༌དོན༌བོ༌ ཅགས༌ཏེ༌ ཨིན༌ནོག༌།
15 དཀོན༌མཆོག༌གི༌ ཨབ༌ར༌ཧམ༌མ༌ འི༌བོའང༌ མོལས༌། "ད༌ནེ༌ ཕར༌ལ༌ ཁྱོ༌རང༌ངི༌ ན༌མའ༌ སཱ༌རཱིའ༌ མི༌ཟེར༌ར༌ སཱ༌ར༌ ཟེར༌གོས༌། 16 ངའེ༌ ཁོའ༌ ཅིན༌ལབས༌ ཏང༌ཨིན༌, ཏན༌ཏན༌ ངའེ༌ ཁྱོ༌རང༌ང༌ ཁོ༌ གྱུད༌ཏེ༌ བུ༌ཚ༌ཞིག༌ ཏང༌ཨིན༌། ཁོ༌ གྱལ༌ཁམས༌ མང༌པོའེ༌ ཨ༌མ༌ གྱུར༌ཨིན༌ ཡང༌ ཁོའེ༌ ཕོར༌གྱུད༌གུན༌ནི༌ ཕྲོའ༌ གྱལ༌པོ༌ མང༌པོ༌ བིང༌ཨིན༌།
17 ཨབ༌ར༌ཧམ༌མི༌ སའ༌ ཆོགས༌ལ༌ གོ༌ ཕབས༌ ཡང༌ གོད༌ཅེས༌ ཡོང༌ཏེ༌ སམ༌། " ང༌ ལོ༌ རྒྱའ༌ ལོན༌ཏེ༌ ཀ༌ཟུག༌གི༌ ཨ༌བ༌ གྱུར༌ཉན༌ཨིན༌།" ཡང༌ ལོ༌ 90 སོང༌ཏེ༌ ཀ༌ཟུག༌གི༌ སཱ༌ར༌ ཕྲུ༌གུ༌ སྐྱེ༌ཉན༌ཨིན༌།" 18 ཁོའེ༌ དཀོན༌མཆོག༌ག༌ ཏྲིས༌། ཉེ༌རང༌ངི༌ ངའ༌ ཞལ༌ཆད༌ ཛད༌ཁན༌བོ༌ ཨིཤ༌མ༌ཨེལ༌ གྱུད༌ཏེ༌ གྲུབ༌ ཅུག༌ག༌ ཛད༌དའང༌ལེ༌།"
19 ཨིན༌ནའང༌ དཀོན༌མཆོག༌གི༌ མོལས༌ "མན༌ ཨིན༌ནའང༌ ཁྱོ༌རང༌ངི༌ ན༌མ༌ སཱ༌རའེ༌ ཁོ༌རང༌ང༌ ཕྲུ༌གུ༌ སྐྱེ༌ཨིན༌། ཁྱོ༌རང༌ངི༌ ཁོའེ༌ མིང༌ང༌ ཨི༌སཱག༌ ཏག༌ཨིན༌། ཡང༌ ངའེ༌ ཁོ༌ དང༌ ཁོའེ༌ ཕོར༌གྱུད༌གུན༌ལ༌ ཐའ༌མེད༌པའེ༌ ཞལ༌ཆད༌པོ༌ ཏན༌ཏན༌ ཅོ༌ཨིན༌། 20 ཁྱོ༌རང༌ངི༌ ཨིཤ༌མ༌ཨེལ༌ལི༌ ཕིའ༌ ཞུ༌ཝ༌ ཕུལ༌ཁན༌བོ༌ ངའེ༌ ཚོར༌། ཏེན༌ན༌བོའེ༌ཕིའ༌ ངའེ༌ ཁོའ༌ ཅིན༌ལབས༌ ཏངས༌ཏེ༌ ཡང༌ ཁོའ༌ ཕྲུ༌གུ༌ དང༌ ཡང༌ ཕོར༌གྱུད༌ མང༌པོ༌ ཏང༌ངད༌། 21 ཨིན༌ནའང༌ ང༌རང༌ངི༌ ཁ༌ཆད༌པོ༌ ཁྱོ༌རང༌ངི༌ བུ༌ཚ༌ ཨི༌སཱག༌ ཉམ༌པོ༌ བོར༌རད༌། ཀ༌བོ༌ སཱ༌ར༌ དང༌ ཁྱོ༌རང༌ ཉིས༌ཀོ༌ལ༌ འིན༌ན༌ ཏུས༌པོའི༌ཀ༌ སྟིང༌མ༌ ལོའ༌ སྐྱེ༌ ཅེས༌ཡོད༌། 22 དཀོན༌མཆོག༌གི༌ ཨབ༌ར༌ཧམ༌ ཉམ༌པོ༌ ཞལ༌ཏ༌ མོལ༌ལ༌ ཚར༌ར༌ཅིག༌ ཁོང༌ སྐྱོད༌ད༌ ཛད༌།
23 ཏེན༌ན༌ ཞག༌ག༌ ཨབ༌ར༌ཧམ༌མི༌ ཁོའེ༌ བུ༌ཚ༌ ཨིཤ༌མ༌ཨེལ༌ལི༌ སུན༌ནད༌ ཅོས༌ཏེ༌ དཀོན༌མཆོག༌གི༌ ཁའ༌ཉནས༌། ཡང༌ ཨབ༌ར༌ཧམ༌ ཁོ༌རང༌ངིའང༌ ཟུགས༌པོའེ༌ སུན༌ནད༌ ཅོས༌ ཡང༌ ཁོའེ༌ ནང༌ཚངས༌སི༌ ནང༌ང༌ ཡོད༌ཁན༌ནི༌ བུ༌ཚ༌ ཚང༌མའང༌། ཏེ༌ནང༌ང༌ ཁོའེ༌ ཁང༌པའི༌ ནང༌ང༌ སྐྱེས༌ཁན༌ ཚེ༌ཡོག༌ དང༌ ཏེ༌གུན༌ ཀ༌གུན༌ ཁོའེ༌ ཁྱོངས༌ཏེ༌ ཨིན༌པིན༌། 24 ཨབ༌ར༌ཧམ༌མི༌ ཁོའེ༌ སུན༌ནད༌ ཅོ༌ ཟ༌ནེ༌ ཁོང༌ ལོ༌ 99 ཆའ༌ ཡོད༌། 25 ཡང༌ ཁོང༌ངི༌ བུ༌ཚ༌ ཨིཤ༌མ༌ཨེལ༌ལི༌ ལོ༌ 13 ཨིན༌། 26 ཁོང༌ ཉིས༌ཀོའེ༌ རང༌ངི༌ སུན༌ནད༌ ཏངས༌ཏོག༌། 27 ཨབ༌ར༌ཧམ༌མི༌ ཚེ༌ཡོག༌གུན༌ ཉམ༌པོའང༌།