4 𖼦𖽑𖽺𖾑 𖼄𖽶 𖼠𖽻𖾐 𖼄𖽡𖾑 𖼐𖽦𖾐 𖼊𖽑𖽺 𖼹𖽸𖾑 𖼊𖽑𖽧 𖼖𖽻𖾐 𖼞𖽳𖾐 𖼞𖽪𖾐 𖼮𖽡𖽺𖾐 𖼣𖽻𖾐．

𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼄𖽶 𖼠𖽻𖾐 𖼄𖽡𖾑 𖼐𖽦𖾐 𖼹𖽸𖾑 𖼞𖽑𖽶𖾑 𖼮𖽶𖾐， 5 𖼄𖽡𖾐 𖼳𖽡𖽻𖾐 𖼊𖽑𖽺 𖼺𖽧𖾐 𖼷𖽡𖾐 𖼳𖽶𖾑 𖼀𖽺 𖼄𖽔 𖼮𖽻𖾐，𖼄𖽡𖾐 𖼠𖽻𖾐 𖼖𖽚𖾑 𖼄𖽚 𖼖𖽺𖾑 𖼄𖽔 𖼐𖽜 𖼺𖽺．𖼞𖽪𖾐 𖼮𖽡𖽺𖾐 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖽃𖽔𖾑 𖼄𖽶 𖼄𖽔 𖼦𖽑𖽙𖾐 𖼄𖽡𖾑 𖼐𖽦𖾐 𖼊𖽑𖽺 𖼹𖽺𖾐，𖼄𖽡𖾐 𖼄𖽙 𖼄𖽡𖾐 𖼳𖽶𖾑 𖼺𖽪𖾐 𖼷𖽑𖽻𖾐 𖼖𖽺𖾑 𖼄𖽔 𖼮𖽻𖾐 𖼺𖽺． 6 𖼦𖽑𖽻𖾐 𖼊𖽑𖽻𖾐 𖼍𖽡𖾐 𖼞𖽑𖽶 𖼐𖽳𖾐 𖼞𖽑𖽶 \fr 2．6 \ft “𖼍𖽡𖾐 𖼞𖽑𖽶 𖼐𖽳𖾐 𖼞𖽑𖽶 ” 𖼦𖽑𖽺𖾑 “𖼈𖽡𖾐 𖼊𖽚𖾐 ” 𖼀𖽦𖾐 𖼺𖽪𖾐 𖼖𖽺𖾑 𖼮𖽻𖾐． 𖼮𖽻𖾐 𖼺𖽺𖾑，𖼄𖽡𖾑 𖼐𖽦𖾐 𖼊𖽑𖽺 𖼮𖽑𖽻𖾐 𖼍𖽪𖾐 𖼖𖽻𖾐，𖼄𖽡𖾐 𖼊𖽺𖾐 𖼄𖽙𖾐 𖼊𖽑𖽺 𖼈𖽡𖾐 𖼮𖽑𖽶． 7 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼄𖽡𖾑 𖼐𖽦𖾐 𖼞𖽳𖾐 𖼐𖽑𖽡𖾑 𖼄𖽶𖾐 𖼻𖽜 𖼷𖽑𖽻𖾐 𖼹𖽸𖾑，𖼠𖽙𖾑 𖼺𖽦 𖼄𖽴𖾐 𖼽𖽻 𖼐𖽙𖾑 𖼀𖽧𖾐 𖼳𖽡𖽪𖾐 𖼰𖽡𖽺𖾐，𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼳𖽨𖾐 𖼮𖽻𖾐 𖼺𖽪𖾐 𖼷𖽑𖽻𖾐 𖼠𖽙𖾑 𖼀𖽑𖽢 \fr 2．7 \ft “𖼳𖽨𖾐 𖼮𖽻𖾐 𖼺𖽪𖾐 𖼷𖽑𖽻𖾐 𖼠𖽙𖾑 ” 𖼦𖽑𖽺𖾑 𖼊𖽑𖽡 𖼮𖽑𖽡𖽺 𖼊𖽑𖽺 “𖼈𖽪𖾑 𖼠𖽻𖾐 𖼮𖽻𖾐 𖼺𖽪𖾐 𖼷𖽑𖽻𖾐 ” 𖼐𖽺𖾐 𖼖𖽺𖾑 𖼀𖽑𖽚𖾐 𖼊𖽙𖾐．，𖼽𖽻 𖼊𖽑𖽺 𖼽𖽕𖾑 𖼍𖽔𖾐 \fr 2．7 \ft 𖼳𖽡𖾐 𖼂𖽚 𖼖𖽦 𖼊𖽻 𖼈𖽪𖾐 “𖼽𖽕𖾑 𖼍𖽗𖾐 ” 𖼀𖽦𖾐 𖼺𖽪𖾐 “𖼷𖽑𖽻𖾐 ” 𖼣𖽻𖾐． 𖼄𖽡𖾐．

8 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼽𖽡𖾐 𖼍𖽡𖽦𖾑 𖼄𖽡𖾐 𖼊𖽺𖾐 𖼮𖽑𖽨𖾐 𖼖𖽪𖾐 𖼞𖽪𖾐 𖼊𖽑𖽡 𖼊𖽝𖾐 𖼂𖽺𖾐 𖼍𖽙𖾑，𖼞𖽑𖽙𖾐 𖼹𖽸𖾑 𖼊𖽑𖽧 𖼖𖽻𖾐 𖼺𖽪𖾐 𖼷𖽑𖽻𖾐 𖼊𖽑𖽺 𖼀𖽑𖽨 𖼞𖽑𖽶𖾑 𖼠𖽻𖾐 𖼮𖽻𖾐． 9 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼞𖽑𖽙𖾐 𖼣𖽻𖾐 𖼳𖽶 𖼺𖽧𖾐 𖼷𖽡𖾐 𖼞𖽜 𖼄𖽡𖾑 𖼐𖽦𖾐 𖼊𖽑𖽺 𖼮𖽑𖽻𖾐 𖼐𖽜 𖼍𖽪𖾐 𖼖𖽻𖾐，𖼐𖽦𖾐 𖼄𖽡𖾐 𖼳𖽡𖾐，𖼦𖽑𖽔𖾐 𖼖𖽺𖾑 𖼺𖽳 𖼄𖽙𖾐 𖼹𖽳𖾐 𖼊𖽴 𖼷𖽙 𖼊𖽪𖾐 𖼂𖽺𖾐 𖼊𖽙𖾐．𖼮𖽑𖽨𖾐 𖼖𖽪𖾐 𖼞𖽪𖾐 𖼠𖽻𖾐 𖼞𖽑𖽶𖾐 𖼺𖽳 𖼐𖽑𖽡 𖼷𖽡𖾐 𖼮𖽻𖾐，𖼊𖽑𖽡 𖼷𖽡𖾐 𖼷𖽑𖽻𖾐 𖼞𖽜 𖼈𖽪𖾑 𖼠𖽻𖾐 𖼀𖽻𖾐 𖼺𖽳 𖼷𖽡𖾐 𖼣𖽻𖾐，𖼊𖽑𖽡 𖼷𖽡𖾐 𖼷𖽑𖽻𖾐 𖼞𖽜 𖼹𖽳𖾐 𖼊𖽶𖾐 𖼀𖽜𖾐 𖼺𖽳 𖼷𖽡𖾐 𖼣𖽻𖾐．

10 𖼖𖽻𖾐 𖼮𖽻 𖽃𖽔𖾐 𖼮𖽡𖽦𖾐 𖼊𖽑𖽡 𖼰𖽴𖾐 𖼽𖽡𖾐 𖼍𖽡𖽦𖾑 𖼄𖽡𖾐 𖼊𖽺𖾐 𖼮𖽑𖽻𖾐 𖼊𖽚𖾐 𖼊𖽑𖽧 𖼖𖽻𖾐，𖼮𖽑𖽨𖾐 𖼖𖽪𖾐 𖼞𖽪𖾐 𖼮𖽻 𖼦𖽜，𖼞𖽑𖽶𖾑 𖼄𖽦𖾐 𖼮𖽑𖽻𖾐 𖼀𖽜𖾐 𖼖𖽡𖾐 𖼰𖽴𖾐 𖼀𖽑𖽢． 11 𖼊𖽑𖽡 𖼰𖽴𖾐 𖼞𖽑𖽶𖾑 𖼰𖽴𖾐 𖼂𖽡 𖼳𖽲𖾑 𖼖𖽻𖾐 𖼮𖽻 𖼄𖽡𖾐，𖼽𖽻 𖼦𖽔𖾐 𖼇𖽺𖾐 𖼖𖽔𖾐 𖼄𖽡𖾐 𖼊𖽺𖾐 𖼰𖽻𖾐 𖼻𖽶𖾐．𖼞𖽑𖽶𖾑 𖼄𖽡𖾐 𖼊𖽺𖾐 𖼳𖽳𖾐 𖼮𖽻𖾐， 12 𖼞𖽑𖽶𖾑 𖼄𖽡𖾐 𖼊𖽺𖾐 𖼞𖽳𖾐 𖼳𖽳𖾐 𖼞𖽑𖽶𖾑 𖼹𖽳𖾐 𖼺𖽪𖾐 𖼣𖽻𖾐，𖼦𖽑𖽔𖾐 𖼖𖽺𖾑 𖼈𖽡𖾐 𖼺𖽳 𖼐𖽺𖾐 𖼄𖽪 𖼦𖽜𖾐 𖼐𖽑𖽡𖾐 𖼮𖽻𖾐．

13 𖼐𖽑𖽡 𖼰𖽴𖾐 𖼞𖽑𖽶𖾑 𖼰𖽴𖾐 𖼰𖽡𖾐 𖼳𖽲𖾑 𖼖𖽻𖾐 𖼮𖽻 𖼄𖽡𖾐，𖼽𖽻 𖼠𖽪 𖼳𖽸 𖼄𖽡𖾐 𖼊𖽺𖾐 𖼰𖽻𖾐 𖼻𖽶𖾐． 14 𖼺𖽙𖾐 𖼰𖽴𖾐 𖼞𖽑𖽶𖾑 𖼰𖽴𖾐 𖼍𖽡 𖼠𖽴 𖼖𖽡 𖼺𖽶𖾐 𖼖𖽻𖾐 𖼮𖽻 \fr 2．14 \ft “𖼍𖽡 𖼠𖽴 𖼖𖽡 𖼺𖽶𖾐 ” 𖼖𖽻𖾐 𖼮𖽻 𖼦𖽑𖽺𖾑 “𖼳𖽡𖾐 𖼍𖽡 𖼰𖽡𖽦” 𖼖𖽻𖾐 𖼮𖽻 𖼣𖽻𖾐． 𖼄𖽡𖾐，𖼽𖽻 𖼖𖽻 𖼺𖽺𖾑 𖼽𖽕𖾑 𖼳𖽪𖾑 𖼞𖽳𖾐 𖼮𖽡𖾐 𖼊𖽚𖾐 𖼄𖽡𖾐 𖼀𖽳 𖼽𖽡𖾐．𖼖𖽡𖾐 𖼰𖽴𖾐 𖼞𖽑𖽶𖾑 𖼰𖽴𖾐 𖼽𖽙𖾑 𖼇𖽕 𖼖𖽔𖾐 𖼍𖽡 𖼖𖽻𖾐 𖼮𖽻 \fr 2．14 \ft “𖼽𖽙𖾑 𖼇𖽕 𖼖𖽔𖾐 𖼍𖽡 ” 𖼖𖽻𖾐 𖼮𖽻 𖼦𖽑𖽺𖾑 “𖼂𖽚 𖼖𖽔𖾐 ” 𖼖𖽻𖾐 𖼮𖽻 𖼣𖽻𖾐 𖼣𖽻𖾐．

15 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼊𖽑𖽺 𖼀𖽑𖽨 𖼽𖽡𖾐 𖼍𖽡𖽦𖾑 𖼮𖽑𖽨𖾐 𖼖𖽪𖾐 𖼞𖽪𖾐 𖼞𖽑𖽶𖾐 𖼮𖽻𖾐，𖼽𖽻 𖼞𖽜 𖼠𖽙𖾐 𖼳𖽙𖾐 𖼐𖽦𖾐 𖼳𖽪𖾐． 16 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼊𖽑𖽺 𖼀𖽦𖾐 𖼄𖽪𖾑：“𖼮𖽑𖽨𖾐 𖼖𖽪𖾐 𖼞𖽪𖾐 𖼠𖽻𖾐 𖼞𖽑𖽶𖾐 𖼞𖽑𖽙𖾐 𖼣𖽻𖾐 𖼳𖽶 𖼺𖽳 𖼷𖽡𖾐 𖼊𖽑𖽺 𖼊𖽴 𖼺𖽪𖾐 𖼺𖽳 𖼄𖽙𖾐 𖼐𖽑𖽡𖾐 𖼞𖽜 𖼐𖽧𖾐 𖼺𖽳 𖼷𖽙． 17 𖼹𖽳𖾐 𖼊𖽶𖾐 𖼀𖽜𖾐 𖼺𖽳 𖼷𖽡𖾐 𖼊𖽑𖽺 𖼺𖽳 𖼄𖽙𖾐 𖼍𖽺𖾑 𖽂𖽙𖾐 𖼷𖽙 𖼄𖽔 𖼊𖽙𖾐！ 𖼞𖽪𖾐 𖼮𖽡𖽺𖾐，𖼐𖽑𖽡𖾐 𖼷𖽙 𖼞𖽑𖽶𖾑 𖼮𖽶𖾐，𖼷𖽑𖽜𖾑 𖼷𖽑𖽜𖾐 𖼳𖽶𖾐 𖼊𖽻𖾐！”

18 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼀𖽦𖾐：“𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼂𖽙𖾑 𖼍𖽡𖾑 𖼄𖽙𖾐 𖼮𖽻𖾐 𖼄𖽔 𖼹𖽳𖾐，𖼣𖽙𖾐 𖼽𖽻 𖼖𖽙𖾐 𖼀𖽙𖾐 𖼽𖽻 𖼖𖽙𖾐 𖼦𖽙𖾑 𖼺𖽪𖾐 𖼮𖽑𖽻 𖼂𖽦𖾐 𖼊𖽑𖽡 𖼽𖽚𖾐 𖼹𖽸𖾑 𖼽𖽻 𖼖𖽙𖾐 𖼂𖽻𖾐 𖼊𖽻𖾐．” 19 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼐𖽑𖽡𖾑 𖼄𖽶𖾐 𖼻𖽜 𖼞𖽑𖽙𖾐 𖼹𖽸𖾑 𖼺𖽪𖾐 𖼐𖽑𖽡𖾑 𖼻𖽙 𖼣𖽕𖾐 𖼐𖽜𖾐 𖼊𖽑𖽺 𖼦𖽳 𖼷𖽑𖽻𖾐 𖼞𖽑𖽶𖾑 𖼽𖽚𖾐 𖽃𖽙𖾑 𖼄𖽺 𖼮𖽑𖽡𖽺 𖼮𖽑𖽡𖾐，𖼷𖽑𖽻𖾐 𖼞𖽑𖽶𖾑 𖼽𖽚𖾐 𖽃𖽔 𖼊𖽺𖾐 𖽃𖽶𖾐 𖼊𖽻𖾐 𖼖𖽙𖾐 𖼐𖽦𖾐．𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼞𖽑𖽙𖾐 𖼣𖽻𖾐 𖼳𖽶 𖼐𖽑𖽡𖾑 𖼻𖽙 𖼣𖽕𖾐 𖼐𖽜𖾐 𖼊𖽑𖽺 𖽃𖽔 𖼊𖽺𖾐 𖽃𖽶𖾐，𖼞𖽑𖽶𖾑 𖼽𖽻 𖼞𖽳𖾐 𖼄𖽡𖾐 𖼣𖽻𖾐．

20 𖽃𖽔𖾐 𖼺𖽺𖾑，𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼞𖽑𖽙𖾐 𖼣𖽻𖾐 𖼳𖽶 𖼮𖽡𖽺、 𖼐𖽑𖽡𖾑 𖼻𖽙 𖼣𖽕𖾐 𖼐𖽜𖾐 𖼊𖽑𖽺 𖼄𖽡𖾐 𖼞𖽜 𖼦𖽑𖽻𖾐．𖼦𖽑𖽻𖾐 𖼊𖽑𖽻𖾐，𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼍𖽺𖾑 𖼽𖽻 𖼖𖽙𖾐 𖼦𖽙𖾑、 𖼽𖽻 𖼖𖽙𖾐 𖼂𖽻𖾐 𖼺𖽪𖾐 𖼮𖽑𖽻 𖼂𖽦𖾐 𖼊𖽑𖽺 𖼰𖽙𖾐 𖼄𖽔 𖽂𖽙𖾐．

21 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼞𖽜 𖼽𖽦 𖼷𖽡𖾑．𖽃𖽔𖾐 𖼺𖽺𖾑，𖼽𖽻 𖼞𖽳𖾐 𖼐𖽜𖾑 𖼞𖽶 𖼮𖽑𖽡𖾐 𖼊𖽑𖽡 𖼮𖽑𖽡𖾐 𖼈𖽺𖾐 𖼊𖽑𖽧 𖼖𖽻𖾐，𖼹𖽦𖾑 𖼦𖽙 𖼊𖽑𖽺 𖼺𖽴𖾐 𖼄𖽡𖾑 𖼞𖽑𖽚． 22 𖼽𖽺𖾐 𖼦𖽴 𖼦𖽫 𖽂𖽙 𖼺𖽙𖾐 𖼂𖽙𖾐 𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼞𖽶𖾐 𖼮𖽑𖽶 𖼊𖽑𖽺 𖼮𖽑𖽻𖾐 𖼈𖽺𖾐 𖼊𖽑𖽧 𖼖𖽻𖾐 𖼺𖽪𖾐 𖼐𖽜𖾑 𖼞𖽶 𖼮𖽑𖽡𖾐 𖼻𖽜 𖼺𖽺𖾑，𖼻𖽙 𖼄𖽳 𖼊𖽑𖽡 𖼽𖽚𖾐 𖼹𖽸𖾑，𖼦𖽳 𖼷𖽑𖽻𖾐 𖼞𖽑𖽶𖾑 𖼽𖽚𖾐 𖽃𖽙𖾑 𖼄𖽺 𖼮𖽑𖽡𖽺 𖼮𖽑𖽡𖾐．

23 𖼷𖽑𖽻𖾐 𖼞𖽑𖽶𖾑 𖼽𖽚𖾐 𖼀𖽦𖾐：

“𖼦𖽑𖽺𖾑 𖼣𖽙𖾐 𖼈𖽶 𖼠𖽻𖾐 𖼞𖽳𖾐 𖼈𖽶 𖼣𖽻𖾐，

𖼦𖽙 𖼠𖽻𖾐 𖼞𖽳𖾐 𖼦𖽙 𖼣𖽻𖾐，

𖼽𖽻 𖼊𖽑𖽺 𖼻𖽙 𖼄𖽳 𖼰𖽕𖾐 𖼖𖽡𖾐．

𖼞𖽪𖾐 𖼮𖽡𖽺𖾐，𖼽𖽻 𖼦𖽑𖽺𖾑 𖼻𖽙 𖼐𖽜𖾐 𖼞𖽶𖾐 𖼮𖽑𖽶 𖼊𖽑𖽺 𖼮𖽑𖽻𖾐 𖼈𖽺𖾐 𖼊𖽑𖽧 𖼖𖽻𖾐 𖼺𖽪𖾐 𖼣𖽻𖾐．”

24 𖼦𖽑𖽺𖾑 𖼻𖽻𖾐 𖼣𖽻𖾐 𖼺𖽺𖾑，𖼷𖽑𖽻𖾐 𖽃𖽔 𖼀𖽙 𖽃𖽔 𖼄𖽙𖾐 𖼊𖽑𖽺 𖼰𖽡𖾑 𖼦𖽑𖽙𖾐，𖼄𖽳 𖼻𖽙 𖼖𖽙𖾐 𖼮𖽑𖽻𖾐 𖼮𖽻𖾐，𖼐𖽑𖽡 𖼽𖽚𖾐 𖼊𖽑𖽡 𖼞𖽶𖾐 𖼮𖽑𖽶 𖼀𖽑𖽢 𖼖𖽡𖾐．

25 𖼞𖽑𖽶𖾑 𖼮𖽶𖾐，𖼄𖽳 𖼽𖽚𖾐 𖼐𖽑𖽡 𖼐𖽜𖾑 𖼞𖽶𖾐 𖼮𖽑𖽶 𖼖𖽜 𖼄𖽙𖾐 𖼣𖽻𖾐 𖼖𖽺𖾑 𖼳𖽡𖽦𖾑 𖼄𖽔 𖼍𖽻𖾐．