1-2 तियुपिलु साय्ब!

नावा मुनेता कागिदते येसुसामिनाङ कबस्किन रासिस तासतन,

तान निमा अर्वतिने^a.

येसुसामि, देवुळता कबळ सुरु कीतग्डाहि, देवुळि ओन हामुरताहि तेग़्किह कीसि पोग़ोन देवुळदीपतगा ओतद दिया एवनाह, ओग़ बाताल-बाताल कीतोग़, बाताल-बाताल काग़्हतोग़, इव सबेटविन अगा रासतन. देवुळि येसुन पोग़ोन ओयनामुने, ओग़ आचतोरु तनाङ बळयिरिन, “इद्रम-इद्रम कीम्ह्‌टु” इनजोर देवुळता पवित्र जीवा वेहतपु उकुम ईतोग़.

3 ओग़ तिपल आस डोलिसि ओसो जीवा अरतोग़, अस्केडाहि रेंड वीसाङ दियाङ आनाहि, ओरिह्‌क ऊक-ऊके “नना जीवा अरतन, इंजेके जीवात मह्‌नन,” इनजि बेस नेह्‌ना तोहतोग़, ओसो देवुळि लोकुरगा तना राजेम ताकिह कीयनद पोल्‍लोतुन ओरा संगे वेहन्दोग़.

4-5 उंद दिया ओग़ ओरा संगे मतस्के ओरिन जमा कीसि इद्रम उकुम ईतोग़,

“देवुळता पेदिरते मीहवाल योहन,

लोकुरिन एते मीहन्दोग़, मति वेल्‍ला दिया आयो, देवुळि तना पवित्र जीवाते मीक मीहतग़ा. इदिन कीकन इनजि बाबाल करल कीस मतोग़, इनजोर नना मुनेन मीक वेहच मतन. अदिह्‌क मीट येरुसलेम सहरतुन विळ्समाट मति अद जीवातेनाह्‌कु केपाट,” इनजोर वेहतोग़.