इद सीटटुन रासवाल येसुना बळयि पोलु आंदोग़. ओग़ रोम सहरता जेलतगा मतोग़, अस्के इद सीटटुन रासतोग़. पिलिपि सहरतोर विस्वसिरा मुलु पोलुना मेटेन विस्वसते वातोर. इद पोल्‍लो बळयिराङ कबस्क 16:12-40 वचनतगा रासतद मन्ह्‌ता.

पोलु इद सीटटुन बाराह्‌क रासतोग़ इतेके, पिलिपितोर विस्वसिर ओनेनाह्‌क कोताङ लोहच मतोर. अव कोताङ दोर्कताङ इनजोर वेहतलाहि, ओसो रोम सहरतगा ओन्क बाताल-बाताल तिपल आता, इदिन वने वेहतलाहि इद सीटटुन रासतोग़. अहे ओसो सबेटोर विस्वसिर ओर्विन-ओर्वोग़ जीवा कीयलाहि, किर्स्तुना बुद मतपु सबेटोर विस्वसिर उड्ला बुदतोर आस मनदलाहि, ओसो उंद एकाते मनदलाहि, पोलु इद सीटटे पिलिपितोर विस्वसिरगा इद्रमलेह्‌का कमि मनदनव पोल्‍लोना लोप्पा रासिह्‌तोग़.