इद सीटटुन रासवाल किर्स्तुना बळयि पोलु आंदोग़. पोलु इद सीटटुन तिमोति इनवाल लेयोनेनाह्‌क रासिह्‌तोग़. वेग़ तिमोतिना तपे युनानि जाततोग़ मतोग़, ओना तलोग़ बार यहुदि जातता मता. वेग़ तिमोतिना नाटे पोलु तना सेवातुह्‌क वातस्के, इर्वुरा कलियमुळ आता (बळयिर 16:1-3 ऊळाट). ताना पया पोलुना सेवाते तोळ आंदोग़. पया पोलु तिमोतिन इपिसुसतोर विस्वसिरा मुडुन ताकिह कीयलाह तासतोग़.

पोलु इद सीटटुन बाराह्‌क रासतोग़ इतेके, इपिसुस सहरता विस्वसिरा मुडा नडुम जोल काग़्हवालोर मतोर, ओरा लोप्पा बेद्रम उसर मनदना, येसुना सेवा बेद्रम कीयना इनजोर पोलु तिमोतिन वेहतह्‌तोग़. ओसो विस्वसिरा मुडगा आस्‍क-कोय्तोर बेद्रम मनदना, मुक्यालोर ओसो सेवा केवालोर बेद्रमतोर मनदना, रांडे आस्कना बेद्रम तोळ ईयना इनजोर वेहतह्‌तोग़. अहे ओसो किर्स्तुनाङ पोल्‍लोन विस्वसिरिह्‌क बेस-नेह्‌ना काग़्हतलाह पोलु इद सीटटगा तिमोतिन वेहतह्‌तोग़.