किर्स्तुना बळयि पोलु तीतुसनेनाह्क लोहतद सीटि
इद सीटटुन रासवाल किर्स्तुना बळयि पोलु आंदोग़. इद सीटटुन पोलु तीतुसिह्क रासतोग़. तीतुस यहुदि आयवोग़ मतोग़, पोलु सेवा कीनेके वेग़ येसुन विस्वस कीतोग़. कीसि पोलुना संगे सेवाते तोळ आंदोग़. पोलु तिमोतिना मुनेता सीटि रासतस्के तीतुसिह्क वने इद सीटि रासतोग़.
पोलु इद सीटटुन बाराह्क रासतोग़ इतेके, पोलु ओसो तीतुस करेते तोग़-देसेमतगा बेसता कबुरतुन ऐंगे पोकुर कीतोर, अस्के अगा विस्वसिरा मुल तयर आतोर. पया “पूना विस्वसिरिन ऊळेवळे कीसोर मनदलाह विस्वसिराङ मुक्यालोरिन निल्पिह कीम,” इनजोर पोलु तीतुसिन अगान विळ्सिस अतोग़. ओसो ओर मुक्यालोर बेद्रमतोर मनदना इद वने वेहतोग़. इद सीटटगा विस्वसिरिन सेतेमताङ पोल्लोङ बेद्रम काग़्हतना, विस्वसिर बेद्रम मनदना इनजोर पोलु तीतुसिन वेहतह्तोग़. ओसो उगसताङ पोल्लोने गिटोगटो आयवालेवा मनदलाह वने पोलु तीतुसिन इद सीटटगा वेहतह्तोग़.