याकुब येसुसामिना तमोग़ मतोग़. (पुटमुळि पुस्तकते वावाल इसकना मग़ि याकुब वेग़ आयोग़.) येसुसामि डोलिस जीवा अरतापया याकुबिह्‌क दिसतोग़. अस्के याकुब ओन देवुळ लोहतोग़ किर्स्तु आंदोग़ इनजोर विस्वस कीतोग़. कीसि पया ओग़ येरुसलेम सहरतोर यहुदि विस्वसिरा मुक्याल मनजि, देवुळता सेवा कींदोग़. अस्के सबेटोर यहुदि विस्वसिर, लोकुरा विरुदतेनाह्‌क दुस्राङ-दुस्राङ देसेह्‌कने बिरोबटो आस मतोर, ओर विस्वसिर तिपल्कने दीरा पोस मनदलाहि इद सीटटुन रासतोग़.

याकुब इद सीटटुन रासतद कालमते, वेल्‍लाटोर यहुदि विस्वसिर गरिब मतोर, ओरगा ओसोय कमि जागा-बूम मता. ओसो वेल्‍लाटोर लोकुर कूल-बूत अनजि पिसवालोर मतोर. मति उय्तुर बोर-बोर लोकुर पका साव्कर मतोर; नाह्‌क-नाह्‌क अनजि दंदा कींदुर. विस्वसिरगा वेल्‍लाटोर लोकुर साव्कर्किह्‌क बारा मान ईंदुर, मति गरिब लोकुरिह्‌क कदर एवोर आंदुर. विस्वसिराङ इद्रमताङ गलतिनु सुद्रे कीयलाहि याकुब इद सीटटुन रासतोग़.