1-2 नना मुनेतोग़ पेदामन्कनन आंदन. देवुळ आचतद बायिनेनाह्‌कु ओसो तानाङ पिलाङ-पेकोरेनाह्‌कु इद सीटि रासलाह आतन.^a नना मीक जीवा कीतन. नना वग़ोनने आयो, देवुळ तोहतद सेतेमतुन पुतोर वने मीक जीवा कीस्तोर. देवुळता सेतेम पोल्‍लो मावा जीवातगा मन्ह्‌ता, ओसो मावा संगे अमेसा मनदग़ा वने. इद सेतेमतुन पुनजि माट विस्वस कीतल.

3 माट सेतेमतुन पुताह्‌कु ओर्विह्‌क-ओर्वोग़ जीवा कीयलाह आतल. अदिनेनाह्‌क मावा देवुळबाबाल ओसो ओना मग़ि येसु किर्स्तु माक देय्वा कीयनुर, जीवा लोपनुर, सुकमते पिसिह कीयनुर.