To Sarani au ara i wanua Tesalonika wulihe lawi bara manihe moisa apa au ina mewali i kahawena Pue Yesu au karombelana. Arahe au mouli kahawenami Kerisitu i karombelana. Ara wori au barapohe mobago lawi rauli Pue Yesu ina hawemi deade. Mewali tunggaiana Paulu i lalu sura ide bona napakanotoahe paturo au tou kana i ope-ope ide.

Paulu mopakanotoahe kadana mani hawe Kerisitu, nauli: hangko damani hawe Kerisitu i karombelana, hangangaa mai hadua tauna au rauli “Manusia au Kadake”. Anti pobagona tauna iti, ina rumihi mpuu kapari au morumpa dunia ide.

I lalu sura ide, Paulu merapi i to Tesalonika bona mantahahe i lalu kapari au ina morumpahe anti pepoinalainda i Kerisitu. Ia mopaturohe bona mobagohe mohaoki paandenda nodo au rababehi Paulu hai rangana au hampopobagohe. Napaturo worihe bona maroa liliu babehianda.