Mamalli' lako Banua DEBATA
84:1-13
84
1 Lu lako to untetem to menani. Situhu' ajanganna penaniam: Gitit.a Pampujiam napapia pessubunna Korah.2 O DEBATA, To Handam Kuasa,
tä' deem pada saumpatiala inaba banua masehoMu!
3 La puhu' buaku ungkamalli'i
pa'hanteanna banua masehoMu,
bätä puntingku anna penabangku mua'da' tilalla'
lako Puang Allataala, DEBATA tubo.
4 Sule lako dena' ma'sehä eta,
kalumpini' unggahaga sehä dio,
dio ampe'na dapo' pehumalasam matim oloMu,
napa'pongngei somana, o DEBATA, To Handam Kuasa,
Tomahajangku anna Puang Allataala to kupenombai.
5 Maupa' anna katambasam to tohho illaam banua masehoMu,
tamonda takattu umpuji umpa'kasallei sangamMu. Sela
6 Maupa' anna katambasam hupatau to umbeem buku kamatohoam,
to mangnginaba-naba la le'ba' längäm tanete Sion.b
7 Maka' too mellaom ullambam lembä Baka,c
napopengkubalingammi ongeam ia too mendadi kabuttuam uwai;
anna napatuhungam toi uham wattunna palauham mendadi tamba'na.
8 Tuttuam masäe mellao tuttuam kehängäm kamatohoanna,
sampe landa' mengngolo lako Puang Allataala yabo tanete Sion.
9 O DEBATA, Puang Allataala To Handam Kuasa, pehingngii sambajangku,
patanannii talinga pelauangku, o Puang Allataala to napenombai Yakub. Sela
10 O Puang Allataala, andaham matai tomahaja to uhhindingkam umbaläbä',
daa umpalappa'i mata tomahaja pallanti'Mu!
11 Setongam-tonganna, aha leko'um sangngallo illaam banua masehoMu
anna la sasa'bu allona dio ongeam senga';
aha leko'um ke'de' dio ba'ba banua masehoNa Puang Allataala to kupenombai,
anna la tohho dio banuanna to tameada'.
12 Aka Puang Allataala, DEBATA, to meundu' mepatette anna to mehindim pala' mekulambu tahuno;
memana' pangkaha' pa'kamase sola kamatandeam;
umpa'katutuam kamapiaam
lako to tä' deem sassainna pa'palakoanna.
13 O DEBATA, To Handam Kuasa,
maupa' anna katambasam hupatau to mahannu dio oloMu!