DEBATA to mekambi' mejagai
121:1-8
121
1 Penaniam muende' Yerusalem.Kupalilim pennenne'ku längäm mentu'na tanete,
umba la naongei buttu pepamoloku?
2 Pepamoloku buttu di DEBATA,
to umpadadi langi' sola lino.
3 Tala napabäi Debata la titedo anna tiassam bitti'mu,
tala sisususam bulu matanna to ungkambi'ko unjagai.
4 Mannassa, tala deem sisususam bulu matanna, anna tala deem mamma'
to ungkambi' unjagai to Israel.
5 Anggam DEBATA to ungkambi'ko unjagai,
anggam DEBATA to muongannikoa
dio tandai kanammu.
6 Tä'ko la nadä'dä' allo mapana' wattu masiä,
battu haka nakadakei bulam wattu bengi.b
7 DEBATA la unjagaiko dio mai ingganna kasägängam;
Ia la ungkambi' unjagai sungnga'mu.
8 DEBATA la ungkambi' unjagai längäm dokkomu,
mengkalao temo sule lako salako-lakona.