Sambajanna Yunus illaam tambu' bau
2:1-10
2
1 Tappana illaam tambu' bau Yunus, iya ma'sambajammi längäm DEBATA, Puang Allataala to napenombai 2 naua:“O DEBATA, mengkaloa'ä' illaam kamapi'disangku, iya uhhingngiannä'. Dioä' apa' mahihinna litä' meoli, iya uhhingngiam sa'hangku.
3 Puhamä' umpa'tibeam dokko ongeam mandalam, posi' mapättäna le'bo'. Naputu'mä' lembom; nakabu'mä' bombam to umpatilulum.
4 Iya kuuam: Kao to tala unnenne'imä'. La deempaka malaä' umpahandam banua masehomu?
5 Nakabu'mä' uwai le'bo' la napotti'i, nasapu'imä' le'bo' kalua' la napusa'i; anna nakapu' humpu' le'bo' ulungku.
6 Tallannä' sule dokko posi' mapättäna le'bo' siandaha' pentokoanna tanete; tikädo' manda'um dio boko'ku sule lako salako-lakona. Sapo' etam too duka', o DEBATA, Puang Allataala to kupenombai, anna muangkahangko bätä penabangku dio mai pambo'bä'.
7 Tappana kattu hannumä' anna la mäläim bätä penabangku iya mengkilalamä' sule matim olomu DEBATA. Anna kende'um pengkaalangku dio olomu illaam ongeam kamasehoammu.
8 Ingganna to umpenombai debata lino takeloä, umpemboko'i DEBATA to manontom ma'kamase.
9 Sapo' kao-kao, la mengkamahaä' ma'kuhhu' sumanga' umbaba bua pehumala'ku matim. La ullappa'iä' samajangku dio olomu, aka anggam Iko kabuttuanna kasalamasam.”
10 Iya nasuam DEBATA indo bau ullua Yunus längäm galantangam.