UTito akhandi Muyunaani yuna akhandi muhuvililaaji wa Yeesu. Akhandi iikhala nu Pawulo koona kuna akhandi iiluta kikhoma iMola iNofu. Paanyuma uPawulo wámufilikha kilongosa ifipuga fya vahuvililaaji ifya mu nyi ya Kileete.

Mu balula iyi, uPawulo ikimujovela uTito kivahaagula avaanu avanya njendo nofu valongose ifipuga fya vahuvililaaji va Yeesu. Khanji ikivajovela shina visakulwa kivamanyisa avaanu ava mu shipuga sha vahuvililaaji va Yeesu. Awo vali mu fipuga fya fihwano finshi, ngaja shipuga sha vagosiivaha, vadalaavaha, vadiimi na vavanda. Kuwudugo ikimukumbusa uTito kiija avahuvililaaji woona vave nu wulindamafu khanji vave vahuugu. Vasikhaveesaga nu wulugu nu lukhaania, khanji vasikhabagunkhanaga.