Îromba n'ûntû bwa kûrigîîrua
Kîrî mûtongoria wa wini. Rwinwe na inanda bia ndigi inyiingî. Sabuuri ya Ndaundi. Rira Asifa baarî bakûthi gwa Saûrû bauga, “Anga Ndaundi atiîbithîîte gatîgatî geetû.”
54
1 Woû Ngai, mbonokia na riîtwa rîaku,na ûntheteere na inya yaku.
2 Îgua îromba rîakwa, woû Ngai,
thikîîria biugo bira bikuuma kanyua gaakwa.
3 N'ûntû antû ageni bakûmbithûkîra,
antû batarî kîao i bakwenda kûûmbûraga,
antû batatindanagîra na kûmenyeera mantû ma Ngai.
4 Ngai n'we mûnteethia,
Mwathani n'we ûntwîrie mwoyo.
5 Agaatûma ûthûûku bwa anthû baakwa bûbacookera.
Ngai bathirie n'ûntû ûrî mwîtîgua.
6 Naani ngakûrutîra kîgongwana na nkoro ya kwîbendera ngwîrîîtue.
Ngagûcookeria nkaatho woû Mwathani,
n'ûntû ûrî ûmwega.
7 N'ûntû n'ûmbonokeetie kuuma mathîînaani maakwa monthe,
watûma mbona anthû baakwa bagîcindwa.