Allar ḳam ḳorar lagi Hozrot Isa zuit oila (3:1–4:13)
Hozrot Ehia nobir toblig
3
1 Ruman bashsha Tibirio Ḳoisoror bashshair fonro bosor soler.
Ou shomoe Fontio Filat asla tan odinor Ehudia zilar hakim,
ar Herud asla Galil zilar raza,
Herudor bai Filif asla Zituria ar Takuniti zilar raza,
ar Lusanias asla Abilini zilar raza.
Era hoḳolu asla Ruman bashshar odine.
2 Ou amolor Ihudi zatir fordan imam asla,
imam Hanon ar Kaeafa.
Ṭik ou shomoe Zakariar fut Ehiar gese morubumi elaḳat Allae tan kalam nazil ḳorla.
3 Teu Ehia nobie Zordan gangor ḳanda-ḳasar hoḳol ḳano gia toblig korla.
Ḳoila,
guna taki mafi faoar lagi touba ḳoria torikar gusol ḳora zorur.
4 Ehia nobir befare Isaea nobir kitabo zela leḳa asil,
tain oula ḳorla.
Leḳa ase,
Moru bumir maze eḳzone elan ḳorra,
tumra malikor fot sohi ḳoro,
tan solar rasta oḳol shida ḳoro.
5 Faṛia hokkol nisa zaga boraṭ oibo,
usa-nisa ṭillain homan ḳora oibo.
Teṛa-beḳa hoḳol fot shuza oibo,
gat-gaṛa hoḳolta homan ḳora oibo.
6 Ar duniar manshore toranir lagi
Allae nazator ze usilla ḳorsoin
tamam mansheu ita deḳba.
7 Ehia nobir toblig hunia toubar gusol ḳorar niote zera ailo,
tain erare ḳoila,
“O hafor baichchain,
asmani gozob aior dekia zan basanir fot tumrare ḳegie batai dilo?
8 Hasau zudi tumra touba ḳoria taḳo,
te er folo deḳao.
Mone mone ḳoio na,
tumra Ibrahimor aolad.
Huno,
ami ḳoiram,
Allae saile to ou fattor oḳol takiu Ibrahimor aolad banaita farba.
9 Gasor guṛit to kuṛal lagailu ase.
Ze gaso bala fol dore na,
i gas ḳaṭia agunit falail oibo.”
10 Ita hunia manshe Ehiare zikaila,
“Te amra kita ḳortam?”
11 Tain ḳoila,
“Ḳeuror zudi duiṭa kurta taḳe,
te zar nai tare eḳṭa deuk.
Zar goro dan-saul ase,
he-o oula bilauk.”
12 Ḳazna tulra ḳoezon toshildare toubar gusol ḳorat aia zikaila,
“Murshid,
amra kita ḳortam?”
13 Tain ḳoila,
“Niom taki beshi ṭeḳa adae ḳorio na.”
14 Ḳoezon sifaieo zikaila,
“Huzur,
te amra kita ḳortam?”
Tain ḳoila,
“Ḳeurore zur-zulum ḳoria ba fando falaia kunta adae ḳorio na.
Zarzir betone kushi roio.”
15 Manshe mone mone al-Mosir lagi bar saoat asil,
Ehiare dekia tara kub asha ḳorlo,
einu mono loe al-Mosi.
16 Oile Ehiae tarare ḳoila,
“Ami ḳali fanidi toubar gusol ḳoraiar,
te amar bade zein toshrif anra,
tain ama takio takkot-ala.
Tan faor zutar fita gesa kular zukao ami nae.
Tain aile Pak Ruh ar aguin dia tumrare gusol ḳoraiba.
17 Tan kula to tan atou ase,
maṛa deoa dan ou kuladi uaia hari dan nia ugaro tulba,
ar susare omon agunit falai zalaiba,
ze aguin kunudin nibe na.”
18 Ou laḳan aro bout nosiot ḳoria Ehiae manshor gese kush-ḳobri toblig korla.
19 Oile Raza Herude bout nomunar ḳaraf ḳam ḳorae,
ar tar bair bou Herudiare hanga ḳorae,
Ehiae tare dushi shaibosto ḳorla.
20 Erdae he tar hoḳol ku-ḳamor loge eoḳano baṛailo,
he nobi Ehiare zelo haraililo.
Hozrot Isae pak gusol ḳorla
21 Ehia nobi zelo hamanir age,
tan gese aia zebla bout manshe toubar gusol ḳorra,
ou shomoe Isao ono aia tarar loge gusol ḳorla.
Gusolor bade Isae zebla dua ḳorra,
aḳtau Allar aroshor duar kuligelo,
22 ar Pak Ruh faror surot doria tan ufre nazil oila.
Loge loge behesti ou aoazo huna gelo,
“Tumiu amar ḳas maear zon,
tumar ufre ami kub kushi.”
Hozrot Isa al-Mosir ḳandanor forisoe
23 Onuman tish bosor boeoshor ḳalo Isae toblig kam shuru ḳorla.
Manshe zanta tain Iusufor fua.
Iusufor moe-murobbi oila,
24 Ali,
Mattat,
Lebi,
Malki,
Iannai,
Iusuf,
25 Mattatia,
Amuz,
Naum,
Isli,
Naggai,
26 Mahat,
Mattatia,
Shimio,
Iuseḳ,
Ioda,
27 Iuhannan,
Risha,
Zerbabil,
Shaltiel,
Niri,
28 Malki,
Addi,
Ḳasam,
Ilmadam,
Ier,
29 Iusa,
Eliezer,
Iurim,
Mattat,
Lebi,
30 Samaun,
Ehuda,
Iusuf,
Iunan,
Iliakim,
31 Malia,
Manna,
Mattata,
Natan,
Daud nobi,
32 Ias,
Ubayed,
Buaz,
Selim,
Nahish,
33 Aminadab,
Admin,
Arni,
Hasir,
Firuz,
Ehuda,
34 Iakub nobi,
Isʼhak nobi,
Ibrahim nobi,
Tareḳ,
Nahur,
35 Saruz,
Rau,
Falez,
Aber,
Shaleḳ,
36 Kinan,
Arfaksad,
Sham,
Nuh nobi,
Lamaḳ,
37 Matushalaḳ,
Idris nobi,
Iared,
Mahalail,
Kenan,
38 Inush,
Shish nobi,
Adom,
Alla Pak.