ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠈꠣꠍ ꠍꠣꠢꠣꠛꠤ ꠢꠎꠞꠔ ꠙꠣꠃꠟꠥꠍꠦ (ꠞꠣ꠩) ꠅꠃ ꠍꠤꠙꠣꠞꠣ ꠟꠦꠈꠍꠂꠘ।

ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠅꠘꠥꠝꠣꠘ ২৭ ꠛꠍꠞ ꠛꠣꠖꠦ ꠁꠈꠣꠘ ꠌꠤꠑꠤꠞ ꠀꠇꠣꠞꠦ ꠟꠦꠈꠣ ꠅꠁꠍꠦ।

ꠢꠎꠞꠔ ꠚꠤꠟꠤꠝꠘ ꠀꠍꠟꠣ ꠁꠍꠣ ꠀꠟ-ꠝꠍꠤꠞ ꠄꠇꠎꠘ ꠘꠣꠝꠇꠞꠣ ꠃꠝ꠆ꠝꠔ।

ꠔꠣꠁꠘ ꠇꠟ꠆ꠟꠍꠤ ꠐꠣꠃꠘꠞ ꠁꠍꠣꠄꠁ ꠎꠝꠣꠔꠞ ꠄꠇ ꠎꠘ।

ꠅꠘꠤꠍꠤꠝ ꠘꠣꠝꠦ ꠔꠣꠘ ꠄꠇ ꠈꠞꠤꠖꠣ ꠉꠥꠟꠣꠝ ꠀꠍꠤꠟ।

ꠢꠎꠞꠔ ꠙꠣꠃꠟꠥꠍ (ꠞꠣ꠩) ꠎꠦꠛꠟꠣ ꠎꠦꠟꠅ ꠛꠘ꠆ꠖꠤ ꠀꠍꠟꠣ,

ꠅꠃ ꠡꠝꠄ ꠅꠘꠤꠍꠤꠝ ꠔꠣꠞ ꠝꠥꠘꠤꠛ ꠚꠤꠟꠤꠝꠘꠞ ꠉꠦꠍ ꠕꠣꠇꠤ ꠜꠣꠉꠤꠀ ꠇꠥꠘꠥ ꠍꠥꠞꠔꠦ ꠙꠣꠃꠟꠥꠍꠞ ꠉꠦꠍꠦ ꠀꠁꠍꠤꠟ।

ꠢꠎꠞꠔ ꠙꠣꠃꠟꠥꠍꠞ ꠝꠣꠎꠖꠤꠀꠃ ꠅꠘꠤꠍꠤꠝ ꠁꠍꠣꠄꠁ ꠁꠝꠣꠘꠖꠣꠞ ꠢꠤꠡꠣꠛꠦ ꠙꠣꠃꠟꠥꠍꠞ ꠄꠇꠎꠘ ꠛꠤꠡꠦꠡ ꠈꠣꠖꠤꠝ ꠅꠁꠍꠂꠘ।

ꠔꠣꠞꠣ ꠖꠥꠁꠅꠎꠘꠦ ꠙꠞꠣꠝꠤꠡ ꠇꠞꠟꠣ,

ꠅꠘꠤꠍꠤꠝ ꠔꠣꠘ ꠝꠥꠘꠤꠛ ꠚꠤꠟꠤꠝꠘꠞ ꠉꠦꠍꠦ ꠚꠤꠞꠤꠀ ꠎꠣꠁꠛꠣ,

ꠀꠞ ꠔꠣꠘ ꠀꠉꠞ ꠜꠥꠟ ꠡ꠆ꠛꠤꠇꠣꠞ ꠇꠞꠤꠀ ꠝꠣꠚ ꠌꠣꠁꠛꠣ।

ꠢꠎꠞꠔ ꠙꠣꠃꠟꠥꠍꠦ ꠚꠤꠟꠤꠝꠘꠞ ꠉꠦꠍꠦ ꠅꠘꠥꠞꠥꠗ ꠇꠞꠤ ꠟꠦꠈꠟꠣ,

ꠔꠣꠁꠘ ꠎꠣꠘꠥ ꠔꠣꠘ ꠀꠉꠞ ꠉꠥꠟꠣꠝꠞꠦ ꠚꠤꠞꠔ ꠘꠦꠁꠘ ꠀꠞ ꠅꠈꠘ ꠈꠣꠟꠤ ꠉꠥꠟꠣꠝ ꠢꠤꠡꠣꠛꠦ ꠘꠣꠄ,

ꠄꠇꠎꠘ ꠁꠍꠣꠄꠁ ꠜꠣꠁ ꠢꠤꠡꠣꠛꠦꠅ ꠡꠝꠎꠤꠀ ꠘꠦꠁꠘ।

ꠅꠃ ꠍꠤꠙꠣꠞꠣꠔ ꠖꠦꠈꠣ ꠎꠣꠄ,

ꠉꠥꠟꠣꠝ ꠀꠞ ꠝꠥꠘꠤꠛꠞ ꠝꠣꠎꠦ ꠇꠥꠘꠥ ꠜꠦꠖꠣꠜꠦꠖ ꠘꠣꠁ,

ꠢꠎꠞꠔ ꠁꠍꠣꠞ ꠃꠝ꠆ꠝꠔ ꠅꠀꠞ ꠛꠣꠖꠦ ꠢꠇꠟꠃ ꠄꠇ ꠡꠝꠣꠘ।

ꠀꠞ ꠎꠝꠣꠔꠞ ꠝꠥꠞꠛ꠆ꠛꠤ ꠘꠦꠔꠣ ꠢꠎꠞꠔ ꠙꠣꠃꠟꠥꠍꠦ ꠡꠣꠗꠣꠞꠘ ꠝꠥꠝꠤꠘ ꠅꠇꠟꠞ ꠃꠙꠞꠦ ꠘꠦꠔꠣꠉꠤꠞꠤ,

ꠢꠥꠇꠥꠝꠖꠣꠞꠤ ꠘꠣ ꠇꠞꠤꠀ ꠛꠞꠋ ꠘꠤꠎꠞꠦ ꠘꠤꠌꠣ ꠇꠞꠤꠀ ꠎꠝꠣꠔ ꠅꠇꠟ ꠌꠣꠟꠣꠁꠞꠣ।

ꠔꠣꠘ ꠝꠣꠎꠦ ꠇꠥꠘꠥ ꠛꠦꠐꠣꠉꠤꠞꠤ ꠛꠣ ꠛꠠꠣꠁ-ꠛꠣꠢꠣꠖꠥꠞꠤ ꠘꠣꠁ।