ꠙꠛꠤꠔ꠆ꠞ ꠁꠘ꠆ꠎꠤꠟ ꠡꠞꠤꠚ ꠖꠥꠍꠞꠣ ꠍꠤꠙꠣꠞꠣ
ꠀꠟ-ꠝꠣꠞ꠆ꠇꠥꠍ
ꠙꠞꠤꠌꠤꠔꠤ
ꠀꠟ-ꠝꠣꠞ꠆ꠇꠥꠍ ꠍꠤꠙꠣꠞꠣꠞ ꠝꠥꠟ ꠔꠣꠟꠤꠝ ꠅꠁꠟ,
ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠇꠣꠝꠞ ꠈꠦꠝꠔꠣ।
ꠀꠟ꠆ꠟꠣ ꠙꠣꠇꠦ ꠔꠣꠘꠞꠦ ꠈꠦꠝꠔꠣ ꠖꠤꠍꠂꠘ,
ꠁꠛꠟꠤꠍ-ꠡꠄꠔꠣꠘꠞ ꠢꠇꠟ ꠟꠣꠈꠣꠘ ꠈꠦꠝꠔꠣ ꠀꠞ ꠛꠟ-ꠡꠇ꠆ꠔꠤꠞ ꠃꠙꠞꠦ।
ꠔꠣꠘ ꠈꠦꠝꠔꠣ ꠀꠍꠤꠟ ꠛꠦꠝꠣꠞꠤ ꠅꠇꠟꠞ ꠛꠦꠝꠣꠞ ꠜꠣꠟꠣ ꠇꠞꠣ,
ꠎꠤꠘ-ꠜꠥꠔ ꠈꠦꠖꠣꠘꠤ,
ꠙ꠆ꠞꠇ꠆ꠞꠤꠔꠤ ꠝꠣꠘꠤ ꠢꠣꠅꠀ-ꠛꠣꠔꠣꠡ ꠀꠞ ꠙꠄꠖꠣ ꠇꠞꠣ ꠢꠇꠟꠔꠣꠞ ꠃꠙꠞꠦ,
ꠀꠞ ꠢꠣꠄꠀꠔ-ꠝꠃꠔꠞ ꠃꠙꠞꠦꠅ।
ꠀꠟ꠆ꠟꠣꠄ ꠔꠣꠘꠞꠦ ꠅꠃ ꠈꠦꠝꠔꠣꠅ ꠖꠤꠍꠂꠘ,
ꠎꠦꠞꠣ ꠔꠃꠛꠣ ꠇꠞꠤꠀ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ,
ꠔꠣꠁꠘ ꠄꠞꠣꠞ ꠉꠥꠘꠣ ꠝꠣꠚ ꠇꠞꠔꠣ ꠙꠣꠞꠂꠘ।
 
ꠀꠟꠝꠣꠞꠇꠥꠍ ꠍꠤꠙꠣꠞꠣꠞ ১০ ꠞꠥꠇꠥ ৪৫ ꠀꠄꠀꠔꠅ ꠢꠎꠞꠔ ꠁꠍꠣꠄ ꠇꠁꠞꠣ,
“ꠝꠘꠅ ꠞꠣꠈꠤꠅ,
ꠀꠝꠤ ꠛꠤꠘ-ꠀꠖꠝ ꠈꠦꠎꠝꠔ ꠙꠣꠅꠀꠔ ꠀꠁꠍꠤ ꠘꠣ,
ꠀꠁꠍꠤ ꠔ ꠈꠦꠎꠝꠔ ꠇꠞꠣꠔ।
ꠀꠞ ꠛꠃꠔ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠘꠤꠎꠞ ꠎꠣꠘ ꠛꠤꠟꠣꠁ ꠖꠦꠅꠀꠔ ꠀꠁꠍꠤ।”
ꠟꠦꠈꠇ ꠙꠞꠤꠌꠤꠔꠤ ꠀꠞ ꠡꠝꠄ
ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠅꠃ ꠍꠤꠙꠣꠞꠣ ꠟꠦꠈꠍꠂꠘ,
ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠎꠞꠔ ꠙꠤꠔꠞꠞ (ꠞꠣ꠩) ꠈꠣꠖꠤꠝ ꠢꠎꠞꠔ ꠝꠣꠞ꠆ꠇꠥꠍ (ꠞ:)।
ꠁꠔꠤꠢꠣꠡ ꠕꠣꠇꠤ ꠎꠣꠘꠣꠝꠔꠦ,
ꠢꠎꠞꠔ ꠝꠣꠞ꠆ꠇꠥꠍꠦ ꠀꠟ꠆ꠟꠣꠞ ꠢꠥꠇꠥꠝ ꠙꠣꠁꠀ ꠔꠣꠘ ꠃꠡ꠆ꠔꠣꠖ ꠢꠎꠞꠔ ꠙꠤꠔꠞꠞ ꠝꠥꠈ ꠕꠣꠇꠤ ꠛꠄꠀꠘꠤ ꠢꠥꠘꠤꠀ ꠅꠃ ꠍꠤꠙꠣꠞꠣ ꠟꠦꠈꠍꠂꠘ।
ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ꠅꠘꠥꠝꠣꠘ ২০-৩০ ꠛꠍꠞ ꠛꠣꠖꠦ ꠁꠈꠣꠘ ꠇꠤꠔꠣꠛ ꠀꠇꠣꠞꠦ ꠟꠦꠈꠣ ꠅꠁꠍꠦ।
ꠄꠞꠝꠣꠎꠦ ꠀꠍꠦ,
(ꠇ) ꠢꠎꠞꠔ ꠁꠍꠣꠄ ꠈꠦꠟꠣꠚꠔꠤ ꠙꠣꠁꠟꠣ ১:১-১৩ ꠀꠄꠀꠔ
(ꠈ) ꠉꠣꠟꠤꠟ ꠎꠤꠟꠣꠔ ꠢꠎꠞꠔ ꠁꠍꠣꠞ ꠝꠥꠎꠦꠎꠣ ꠀꠞ ꠔꠛꠟꠤꠉ ১:১৪—৭:২৩
(ꠉ) ꠉꠣꠟꠤꠟ ꠎꠤꠟꠣꠞ ꠛꠣꠞꠦ ꠢꠎꠞꠔ ꠁꠍꠣꠞ ꠝꠥꠎꠦꠎꠣ ৭:২৪—১০:৫২
(ꠊ) ꠎꠦꠞꠥꠎꠣꠟꠦꠝ ꠐꠣꠃꠘꠅ ꠢꠎꠞꠔ ꠁꠍꠣ ১১—১৩ ꠞꠥꠇꠥ
(ꠌ) ꠢꠎꠞꠔ ꠁꠍꠣꠞ ꠖꠥꠈ-ꠇꠡ꠆ꠐ ꠀꠞ ꠝꠃꠔ ১৪—১৫ ꠞꠥꠇꠥ
(ꠍ) ꠝꠃꠔ ꠛꠣꠖꠦ ꠎꠤꠘ꠆ꠖꠣ ꠅꠁꠟꠣ ꠢꠎꠞꠔ ꠁꠍꠣ ১৬ ꠞꠥꠇꠥ