UYohana uMudzabisi iiwuyapa ingʼaasi ya Yesu
3
1 Imyaka gyoloofu pambele, iihumilaga umuunu yumwinga, ye aatambulwaga Yohana uMudzabisi. Uyo aadalikaga ku lungʼalangʼala lwa mu Yudeya aatigilaga, 2 “Mupelage indzanangifu dzeenyo, pakuva uwutwa wa kukyanyaa wúhegeliye.” 3 UYohana ye mwene ye aalongwaga wugendela wa muvidzi Isaya ukutigila,“Ingʼemeelo ukuhuma ku lungʼalangʼala yiitigila,
‘Mumuwuyapilage ingʼaasi uMutwa,
nu kugolosa umwa kugendela umwene.’ ”b
4 Imyenda gya Yohanac gyativiilwe nu lwage lwa ngamila,d iipinyaga umukandalo gwa ngwembe mu kigudi. Ikyakuliya kyakwe kyali amadeede nu luuki lwa mudaasi. 5 Avaanu ukuhuma ku wudzenge wa Yelusalemu, na mu mugoola gonda gwa Yudeya ni mbali dzonda idza mukoga Yolodani, vaahelelaga ukwakwe. 6 Vaanakaga nu kupela indzanangifu dzaawo, neke vadzabikwage nu Yohana mu mukoga Yolodani.
7 Neke kangi uYohana pe aaweene aVafwalisayoe na Vasadukayof voloofu vakumuhelelela, ukuta avadzabike, akuvalongelaga iitigilaga, “Nye va kivegalo kya ndzokaanye! Ye ani ye ávapaviye ukutigila munyile iligooga lya Nguluvi iliikwadza? 8 Muvelekage ifiveleko mu migendele gyenyo ukuwoneesa ukutigila, múpelile indzanangifu dzeenyo. 9 Mutanage ukuhoodza ukutigila, ‘Túpokiilwe, pakuva tuli va kipelela kya Abulahamu.’g Ndikuvalongela ndiitigila, uNguluvi asiilemwa ukuhambusa amaganga aga gavedze vaana va Abulahamu! 10 Lino uluhigo lwa Nguluvi lúfikile, ngita umuunu ye ányamuwe iveega, íigelaniidze ukudumula amadela ga mubiki. Kangi umubiki ugusiiveleka ifiveleko ifinofu, gwidumulwa nu kutoodzwa mu mooto.
11 “Uneene ndikuvadzabikila ululenga ukuwoneesa ukutigila, múpelile indzanangifu dzeenyo. Neke kangi kumbele ukwangu iikwadza umunya ngufu ukulutila uneene, ye sindivagiye nambe kuwopola ingʼova dza ndaatu dzaakwe.h Uyo ye mwene ye akuvadzabikila mwa Mubepo uMwimikei nu mooto.j 12 Umwene iivedza ngita muunu ye ákoleeliye ikyelelulilo mu mawoko gaakwe, íigelaniidze ukwelelula ingana. Iilundasa ingana yaakwe nu kuviika mu kisandzi, neke umwengelu iisopa mu mooto ugusiidzima.”
Ukudzabikwa kwa Yesu Kilisiti
13 Umusika ugo, uYesu aahumile ku Galilaya, iifikaga ku mukoga Yolodani, ukuta adzabikwe nu Yohana. 14 Neke kangi uYohana amukaanilage amulongelage uYesu atigilage, “Uneene ndiivagila ukudzabikwa naave. Kye kiki wiikwadza ukwangu?” 15 UYesu iipilusaga iitigilaga, “Ulime ulu lino, pakuva twivagila ukukwilidza imikeelelele gyonda igya Nguluvi.” Neke uYohana iidikage, amudzabikage.