Eesiraasi 2

Bin nyánní kuyuŋu ki fātìi gítìńee nyɔkɔm

1 Babiloon bɔtiu Neebukadineesaar nìn cúú Juuda yab ki cūnnì Babiloon tiŋkin kuyuŋu. Bin nìn gítìń Jeerusaleem nì Juuda timmu mun kíǹee poonee nìn wīikí. Báà ŋma nìn fātìi kāl̀ u-tiŋkin. 2 Bin di nìn līiń bi-nyɔkɔpuee di sá Sooroobabeel nì Joosuwa nì Neeyeemiya nì Seeraya nì Reelaya nì Mɔɔrdookayi nì Biilisan nì Miisipaar nì Biigifayi nì Reewum nì Baana.

Isirayeel yab bininjab nyɔkɔm sɔ̀. 3 Pareeyoosi maaliŋun yab nìn sá binib kutukub bili nì dilaataal nì binib binii kpá imuŋku inaa. 4 Seefatiya maaliŋun yab nìn sá binib alaataa ata nì binib binii kpá imuŋku inaa. 5 Araa maaliŋun yab nìn sá binib alaataa aluli nì binib biŋmoo kpá imuŋku inaa. 6 Paati-Moowaab maaliŋun yab, an dàkà yii Joosuwa nì Joowaab yab nìn sá binib kutukub bili nì alaataa anii nì binib saalaa nì bili. 7 Eelaam maaliŋun yab nìn sá binib kutuku ubɔ nì alaataa ali nì binib biluu kpá imuŋku ita. 8 Saatuu maaliŋun yab nìn sá binib alaataa awa nì imuŋku ili nì binib biŋmoo. 9 Sakayi maaliŋun yab nìn sá binib alaataa aluli nì imuŋku ita. 10 Banii maaliŋun yab nìn sá binib alaataa aluu nì imuŋku ili nì binib bili. 11 Beebaayi maaliŋun yab nìn sá binib alaataa aluu nì binib mmuŋku nì bita. 12 Asigaadi maaliŋun yab nìn sá binib kutuku ubɔ nì alaataa ali nì binib mmuŋku nì bili. 13 Adooniikam maaliŋun yab nìn sá binib alaataa aluu nì imuŋku ita nì binib biluu. 14 Biigifayi maaliŋun yab nìn sá binib kutukub bili nì binib binaa kpá imuŋku ita. 15 Adiini maaliŋun yab nìn sá binib alaataa anaa nì imuŋku ili nì unil ubɔ kpá saalku. 16 Ateer maaliŋun yab, an dàkà yii Eeskiya yab nìn sá binib bili kpá dilaataal. 17 Beesayi maaliŋun yab nìn sá binib alaataa ata nì binib mmuŋku nì bita. 18 Yoora maaliŋun yab nìn sá binib dilaataal nì saalaa nì bili. 19 Asuum maaliŋun yab nìn sá binib alaataa ali nì binib mmuŋku nì bita. 20 Giibaar maaliŋun yab nìn sá binib biŋmoo kpá dilaataal. 21 Beetileem tiŋkin yab nìn sá binib dilaataal nì binib mmuŋku nì bita. 22 Neetoofa tiŋkin yab nìn sá binib binaa kpá imuŋku ita. 23 Anatooti tiŋkin yab nìn sá binib dilaataal nì binib mmuŋku nì binii. 24 Asimafeeti tiŋkin yab nìn sá binib imuŋku ili nì bili. 25 Kiiriyati-Yeeyariim nì Keefiira nì Beerooti timmun yab nìn sá binib alaataa aluli nì binib imuŋku ili nì bita. 26 Raama nì Geeba timmun yab nìn sá binib alaataa aluu nì binib mmuŋku nì unil. 27 Miikimaasi tiŋkin yab nìn sá binib dilaataal nì binib mmuŋku nì bili. 28 Beeteel nì Aayi timmun yab nìn sá binib alaataa ali nì binib mmuŋku nì bita. 29 Neeboo tiŋkin yab nìn sá binib imuŋku ili nì saalaa nì bili. 30 Magibiisi tiŋkin yab nìn sá binib dilaataal nì binib binaa kpá imuŋku ita. 31 Eelaam ubɔ mun maaliŋun yab nìn sá binib kutuku ubɔ nì alaataa ali nì binib biluu kpá imuŋku ita. 32 Ariim maaliŋun yab nìn sá binib alaataa ata nì binib mmuŋku. 33 Loodi nì Adiidi nì Oona timmun yab nìn sá binib alaataa aluli nì binib mmuŋku nì biŋmoo. 34 Jeeriikoo tiŋkin yab nìn sá binib alaataa ata nì binib imuŋku ili nì biŋmoo. 35 Seenaa tiŋkin yab nìn sá binib kutukub bita nì alaataa aluu nì binib mmuŋku nì saalaa.

36 Bisaraaŋaliibi kitilinee, Yeedaya maaliŋun yab, an dàkà yii Joosuwa maaliŋun yab nìn sá binib alaataa awa nì binib biluli kpá imuŋku inaa. 37 Imeer maaliŋun yab nìn sá binib kutuku ubɔ nì binib binii kpá imuŋku ita. 38 Pasuur maaliŋun yab nìn sá binib kutuku ubɔ nì alaataa ali nì binib imuŋku ili nì biluli. 39 Ariim maaliŋun yab nìn sá binib kutuku ubɔ nì binib saalku nì bili.

40 Leefii yab kitilinee, Joosuwa nì Kadimiyeel, an dàkà yii Oodafiya maaliŋun yab nìn sá binib imuŋku ita nì unil ubɔ kpá saalku.

41 Bilaŋgaaliibi kitilinee, Asaafi maaliŋun yab nìn sá binib dilaataal nì binib mmuŋku nì binii.

42 Bipunyɔɔciitiliibi kitilinee, Saaluum nì Ateer nì Talmɔn nì Akuub nì Atiita nì Soobayi maaliŋun yab nìn sá binib dilaataal nì unil ubɔ kpá imuŋku ili.

43 Kunimbɔtidii poon tɔntɔnliibi nín nìn pēē pēē mmaal puee di sá Siiya nì Asufa nì Tabayooti nì 44 Keeroosi nì Siyaaka nì Padɔn, 45 nì Leebana nì Agaaba nì Akuub, 46 nì Agaab nì Samlayi nì Aani, 47 nì Giideel nì Gayaar nì Reeyaya, 48 nì Reesiin nì Neekooda nì Gaasaam, 49 nì Usa nì Paseeya nì Beesayi, 50 nì Asina nì Meewuniim nì Neefusiim, 51 Bakibuuki nì Nasufa nì Aruuri, 52 nì Basluuti nì Meeyida nì Arisa, 53 nì Barkoosi nì Siseela nì Taama, 54 nì Neesiya nì Atiifa yab. 55 Saloomɔn tɔntɔnliibi nín nìn pēē pēē mmaal puee di sá Sootayi nì Soofeereeti nì Peeruda, 56 nì Yala nì Darkɔn nì Giideel, 57 nì Seefatiya nì Atiil nì Pookeereeti-Aseebayiim nì Amii maaliŋun yab.

58 Kunimbɔtidii poon tɔntɔnliibi nì Saloomɔn tɔntɔnliibi maaliŋun yab nìn kpáfì binib binii kpá alaataa anaa.

59 Binib bin nìn nyánní Teel-Meela nì Teel-Arisa nì Keerub-Adaani nì Imeer timmunee kaa nìn ŋúń ki béè yii bi-naanjab maaliŋun yab nì bi-nyeeŋŋu nìn baasii sá Isirayeel. 60 Bíǹ di nìn sá Deelaya nì Toobiya nì Neekooda maaliŋun yab. Bi nìn sá binib alaataa aluu nì binii kpá imuŋku ita ní.

61 Bisaraaŋaliibi kansikinee, Yoobaya nì Akoosi nì Barsilayii maaliŋun yab mun nìn bí. Barsilayii gbanti di nìn cáá ugalaadija Barsilayii bisal ubɔ. An pu ní bi nìn dū diyindi gbanti ki pú-u. 62 Binibee nìn nyàab̄ bi-naanjab yiŋŋi gbɔnti kaa ká. An puee bi nìn dū-bi ki yíiń bijɔkɔnnib ní ki nyántì-bi disaraaŋal tundin. 63 Ní bi-gɔminau bí-bi yii bí taa ti jī tijin tin bi dūu ŋá saraa tì bí circir páaayee kí nīn cí usaraaŋakpil ubɔ ń dāá dū Uriim nì Tumiim kí bàlifì dibalifil^a.

64 Isirayeel yab bin kɔkɔ nìn nyánní kuyuŋu ki bāańee nìn sá binib kutukub imuŋku ili nì bili nì binib alaataa ata nì imuŋku ita ní. 65 Bi-tɔntɔnliibi bininjab nì binimpoobi kaa nìn kútì. Bíǹ nìn sá binib kutukub biluli nì alaataa ata nì binib bita kpá imuŋku ili. Biwambɔɔliibi nì bilaŋgaaliibi bininjab nì binimpoobi nìn sá binib alaataa ali. 66 Bi nìn cáá itaamu alaataa aluli nì itaamu inaa kpá imuŋku ili, ki cáá imamboon alaataa ali nì imuŋku ili nì iŋmoo. 67 Bi nìn cáá igutaamu alaataa anaa nì iŋmoo kpá imuŋku ili, ní ki cáá mmamu kutukub biluu nì alaataa aluli nì mmuŋku.

68 Bi nín fātìi bāań Jeerusaleem laakin ti-Dindaan diiku nìn bée, ní adican kpilib biba ŋá nlammɔntiim saraabi, bí fàtīí mā kunimbɔtidii laakin ku nìn pée yú ŋkpikimee. 69 Kí nóó nì bi-pɔŋŋu nyɔkɔmee, bi nìn tīī asindaariyakún kutukub imuŋku ita nì diba, nì animbil kúti kiiloobi kutukub bili nì dijandi nì bisaraaŋaliibi bɔkutiŋ dilaataal.

70 Niinee bisaraaŋaliibi nì Leefii yab nì samaa kansikin biba, nì bilaŋgaaliibi nì bipunyɔɔciitiliibi nì kunimbɔtidiin tɔntɔnliibi cūtìi kāl̀ bi-timmun. Isirayeel yab bin kíǹee mun nìn cūtìi kāl̀ bi-naanjab timmun^b.