Neeyeemiya 10

Samaa lēē kí nóó marab nì dipɔbil diba

1 Tin bāań-ti nee puee, ti lēē nì dipɔbil diba kí nóó marab. Ti làá ŋmà kí ŋá kugbɔŋu poon ní ti-kpootiliibi nì Leefii yab nì ti-saraaŋaliibi ń nyīī ŋŋal^a. 2 Binib bin nìn nyīī ŋŋalee yiŋŋi sèé.

- Akaliya jipɔɔn Neeyeemiya un sá gɔminee nì Sideekiya, 3 nì Seeraya nì Asariya nì Yiirmeeya, 4 nì Pasuur nì Amariya nì Maalkiya, 5 nì Atuusi nì Seebaniya nì Maluuki 6 nì Ariim nì Meereemooti nì Oobadiya, 7 nì Daniyeel nì Giineetɔn nì Baruuki, 8 nì Meesulam nì Abiiya nì Miiniyaamiini, 9 nì Maasiya nì Biiligayi nì Seemaya. Bíǹ kɔkɔ nìn sá bisaraaŋaliibi ní.

- 10 Leefii yab yiŋŋi sèé. Asaniya jipɔɔn Yeesuwa nì Biinuyii un sá Eenadaadi maaliŋunee nì Kadimiyeel 11 nì bi-nabiyaamu Seebaniya nì Oodiya nì Keeliita nì Peelaya nì Anan, 12 nì Miika nì Reewoob nì Asabiya, 13 nì Sakuur nì Seereebiya nì Seebaniya, 14 nì Oodiya nì Banii nì Beeniinuu.

15 Adican kpilib bin nìn nyīī ŋŋalee sèé. Pareeyoosi nì Paati-Moowaab nì Eelaam nì Saatuu nì Banii, 16 nì Buunii nì Asigaadi nì Beebaayi, 17 nì Adooniya nì Biigifayi nì Adiini, 18 nì Ateer nì Isikiya nì Asuur, 19 nì Oodiya nì Asuum nì Beesayi, 20 nì Ariifi nì Anatooti nì Neebaayi, 21 nì Magipiyaasi nì Meesulam nì Eesiir, 22 nì Meeseesaabeel nì Saadooki nì Yaduwa, 23 nì Peelatiya nì Anan nì Anaaya, 24 nì Ooseeya nì Ananiya nì Asuub, 25 nì Alooweesi nì Piileeya nì Soobeeki, 26 nì Reewum nì Asaabina nì Maseeyawuu 27 nì Ayiiya nì Anan nì Aanan 28 nì Maluuki nì Ariim nì Baana.

29 Isirayeel yab bin nìn kíǹee nì bisaraaŋaliibi nì Leefii yab nì bipunyɔɔciitiliibi nì bilaŋgaaliibi nì kunimbɔtidii poon tɔntɔnliibi, nì bin kɔkɔ nìn gāntì bi-ba nì ntimu mun kíǹee nib ki nóó Unimbɔti marabee, ki kpáaǹ bi-nimpoobi nì bi-jipɔmbi nì bi-bisalib nì bin kɔkɔ nìn ŋūǹ kí gbìl̄ tibɔti taapuee nìn kútì bi-pu. 30 Bi-kɔkɔ nìn kíí ki tɔ́kɔǹ bi-nabiyaamu mun pu bi máká tikpilee nín sòon̄ tiŋyee pu. Bi nìn lēē nì dipɔbil diba, ki pūtì ki pōoǹ yii bi làá nīn nóó marab bin Unimbɔti nìn tīī u-tɔntɔnliu Mooyiisee, án nín làá ŋá pu tí ŋmā kí ŋá kii ti-Dindaan ti-Nimbɔtiu marab kɔkɔ nì u-bɔkpaaŋi nì u-koobiliŋ nín bí yii tí ŋá puee.

31 An puee taa ti làá dū ti-bisalib kí tīī kitiŋ nee nib ticati, míǹ ní kaa làá tí yòon̄ bi-bisalib kí tīī ti-jipɔmbi ticati^b. 32 Kitiŋ nee nib yaa cáań bi-nyampuwanti àá tijin tin an yaa pée sée ki nyáfí ŋwiŋŋuŋfikaa dal nì ti-jiŋaalib wiiŋyi dalee, taa làá dā. Abin aluli kamaayee, ti làá yàntī ti-kpaatanti ń dòon̄ kí ŋùŋfì, ní kí dū apɔɔn ŋin binib cáá-tee kí pɔ̄-bi^c. 33 Ti gíí ti-ba dipɔndi kí nīn tìì dibindi kamaa animbil graambi binaa bí nīn cáa tūǹ ti-Nimbɔtiu diiku poon tuuŋŋi^d. 34 Animbilee ní bi làá nīn cáa dāā kpɔnɔb bin bi pāantí ti-Dindaan nimbiinee, nì tijimpin saraabi bin bi ŋáań kutaa kamaayee, nì saraawɔkaa un bi ŋáań kutaa kamaayee, nì saraabi bin bi ŋáań ŋwiŋŋuŋfikaa dal nì uŋmapɔɔn nì jiŋaalib bin kíǹee wiiŋyee, nì tin kɔkɔ bi dūu sú ti-Dindaanee, nì Isirayeel yab kpitii pɔ̄tam saraabi, nì tin kɔkɔ pée sá bí nīn cáa kpèé ti-Nimbɔtiu diiku ŋāŋkitamee. 35 Timbi bisaraaŋaliibi nì Leefii yab nì samaa un kíǹee, ti tɔ́ kasi kí kpèè ŋyunti ŋun ní kudicaŋu kamaa máaǹ kí cáań idɔ ti-Nimbɔtiu diikunee. Di sá yii dibindi kamaa, ŋyunti ŋun bi síiǹee yaa bàn̄ee, ti làá cáań idɔ in an bàlifēe bí nīn cáa kpà ti-Dindaan ti-Nimbɔtiu saraafaŋŋu pu ŋŋmi, kii an nín ŋmàn̄ marab gbɔŋkun poon puee. 36 Míǹ ní ti làá nīn tí cāabìń ti-tiŋki jincɔ̀fikaati nì busubu kamaa nín lòoǹ abil ŋiŋyee apeekaa dibintil kamaa ti-Dindaan diikun^e. 37 Ti làá gíti cáań ti-biseebiyaamu nninjabiyaamu nì ti-waŋkuti biseemaliŋ, kii an nín ŋmàn̄ marab gbɔŋkun poon puee. Ti làá cáá ti-naai nì ti-piii nì ti-ŋoobui biseemaliŋ kí cùnnì ti-Nimbɔtiu diikun kí tīī bisaraaŋaliibi bin bí niin ki tūǹ ti-Dindaan tundee^f. 38 Kí kūtèe, ti làá cáań bukpɔnɔsaa bun ti péé péé ki nùkūee nì dijandi din ti lèekī ti-saraabi poon ki tìì Unimbɔtee nì ti-sufii kɔkɔ subiliŋ apeepeekaa nì ti-dapɔm nì ti-kpam ti-Nimbɔtiu Diiku dibiyaamu mun poon bi sīintí tijinee kí tīī bisaraaŋaliibi. Ti lēē ti-kpaajinti poon tisaalaatiil kí tīī Leefii yab. Bíǹ bi-ba làá dāan̄ ntimu mun kɔkɔ poon ti bí ki tūǹ ditundee kí fōō tisaalaatiil gbanti. 39 Leefii yab yaa cá kí fōoń tisaalaatiilee, usaraaŋal un sá Aarɔn maaliŋu poonee ń céeǹ-bi. Leefii yab làá lēē tisaalaatiil gbanti saalaatiiti kí tīī ti-Nimbɔtiu diiku bí cáań kí síiń kunimbɔtidii dibiyaamu mun poon bi yōontí tijinee^g. 40 Di sá yii ndibiyaamu gbanti poon ní Isirayeel yab nì Leefii yab làá nīn cāabìń bilee nì ndapɔm nì ŋkpam saraabi ki yōontí. Niin ní circir kɔŋkooŋŋu wanti nì bisaraaŋaliibi bin bí ditundinee nì bipunyɔɔciitiliibi nì bilaŋgaaliibi bí.

Ti yaa ŋá mimmee, taa féeń ti-Nimbɔtiu diiku.