Ilan 3

M-Dindaan, binannanliibi múkú m-pu

1 Daafiidi di ŋmàn̄ nlan nee ŋyunti ŋun u nìn sáǹ u-jipɔɔn un bi yíì Abisaloomee^a.

2 M-Dindaan, m-nannanliibi múkú m-pu tikpil!

Bin yíkìi jáà nì mee wīikéeee!

3 Tikpil sòoǹ m-pu yii:

«Unimbɔti kaa làá fīī-u!»

4 Ama sii m-Dindaanee,

sii di sá m-gbampɔɔl ki wúń m-pu.

Sii di tīī-mi tinyool ní m yaa còom̄ee m-yil gáań.

5 M kúuǹ ki yíiń ti-Dindaan ú jòoń-mi,

ní u kíiń-mi doooo u-circir jool pu.

6 M kɔ́ ki dōoǹ ki gèen̄ áli ki dāa fīntì,

di sá yii ti-Dindaan di wúń m-pu.

7 Maa fàŋkí binib kutukub kutukub

bin māntìi tú-mi kí já nì mee.

8 Yīkìm̄ m-Dindaan! Fīī-mi, m-Nimbɔtiu!

Sii di yāŋkí m-nannanliibi itampa^b,

ní ki gbáà ki fúkuĺ binikpitib nyiŋŋi.

9 Ti-Dindaan, sii cee ní difiil nyēeń,

bìin̄ a-nibul pu.