An ŋān̄ nnabiyaamu ń nīn bí dicilpu
133
1 Bi yaa cá Jeerusaleem kí jāam̀ Unimbɔtee ní bi gà nlan nee. Daafiidi di gāā-ŋu.Kpèè, an nín ŋān̄ ki mɔ̄
binib ń nīn bí dicilpu kunabitiiu poon puee!
2 An bí kii ŋkpam min sɔ́fì
bi bātì ki sītì Aarɔn yil pu,
mi pùub̀ ki sìntìń u-nyimpul pu,
ki pùub̀ ki sìntìń u-wampeeŋkaati nyɔɔgbaŋŋi pu puee ní.
3 An bí kii Eermɔn jool malindi
nín pùub̀ ki sìntìń Siiyɔn jooŋŋi pu puee ní.
Di sá yii niin ní ti-Dindaan lēē kí tīī dibiindi
nì dimaŋfal kí nīn cáa cá jaanjaan.