Kichēpchinii :Chowaana Yēēsu aree
3
1 Kii nēē kaakusiirtō kēnyiisyēk chaa chaang', kitoowu :chiitō aka nyoo /kiikikuurēē Chowaana Koopootiisāniin ku-amtaata lōkōōy mu suur kwēēn nyēpō Chuuteeya 2 kilē, “Āwāliisyēē āmu kaakuriiku :Pāyuunātoo Iriin!” 3 Kii inyeentee :nyi kiing'āloolēē *:Isaaya *ōōrkooyoontoo Iriin kilē,“Mii :chiich nyoo kuursyēy mu suur kwēēn kilē,
‘Āchēpō keey,
ākoochuulchi Kiptaayaan aree.’† ”
4 Kiilookēy :Chowaana sira nyoo /kiikiileeta puut chēpō tamas akirata keey ang'wa suwa, akii-āmēy taalim ākōō kuumoot. 5 Kipeera :piich Chēērusālēēm ākōō Chuuteeya tōkōl ākōō kamaspō ēēmpō Choortan akupa kuteer ng'alēēpō Chowaana. 6 Kung'aang'ta :piich ng'ōōkikwaak akuupaatiisan :Chowaana mu ēēmpō Choortan.
7 Paani keero :Chowaana kilē kiipka *:Parisaay chaa chaang' ākōō *Satukaay /pakeepaatiisan, kumwoochi kilē, “Akwaan laakōōpō kipaang'ōōy! Ng'oo :nyi kāmwoorwook kilē āchirilēē siitēt nyoo chōōnēy? 8 A-ira naas ng'al choo kāroomēēn choo ng'uutuuy kilē koowāliisyō. 9 Āmoomēlmēēl keey sōō kilē akwaan laakōōpō Apraam. Āmwoorwook man kilē muukēy :Iriin ku-ir koriichu kilēku laakōōpō *Apraam.a
10 Chēpoot :āywēē kuyap keet. Keet aka tōkōl nyoo mānāmēy lokor choo kāroomēēn, /kēēyāpēy /ākēēwiirchi ma. 11 Āpootiisānēēnook aneen pēr kung'uutu kilē koowāliisyō ākoomētō ng'ōōkiikwook, aku nyuun, mii chiich nyoo chōōnēy nyoo ōōw kusiiraa. Māyāmēy mpō ālēku kipāyityoonteenyiin. Pootiisānēēnook inyeentee Toomirmiir nyoo Tiliil ākōō ma. 12 Ting'oonuuy kimaraneenyiin nyoo chākuusākēē pareek. Pēēlēē mōōrirēēk ma nyēpō ākōy akuurumchi pareek kaapchookō.”
/Kēēpootiisānēy Yēēsu
Maarkō 1:9-11; Luuka 3:21-22
13 Kung'eetee :Yēēsu Kalilaaya akuwō kuupaatiisan :Chowaana mu ēēmpō Choortan. 14 Kumar kutay :Chowaana kuupaatiisan Yēēsu. Kimwoochi kilē, “Āmu nee siichōōnō wōloo āmii ākēērookēē ipaatiisanaan?” 15 Kuwālchi :Yēēsu kilē, “Ira kilēē nyoonēē aniinee āmu maraat kee-ira tukun tōkōl choo mārēy :Iriin.” Kucham nyuun :Chowaana kuupaatiisan Yēēsu.