/Kēētyāmēy Yēēsu mu suur kwēēn
Maarkō 1:12-13; Luuka 4:1-13
4
1 Paani /kaakeemwa kilēē nyoonēē, kuumut :Toomirmiir nyoo Tiliil Yēēsu ākōy suur kwēēn sikuutyam *:Syeetaani. 2 Paani kiikaakutēpō :Yēēsu wōloonēē pērēētuus artam kimaa-am kir, ku-am :piri. 3 Kuchōōnchi :kootyāmiintēē akumwoochi kilē, “Nēē inyēēn Wēēroo Iriin, imwoochi kee koriichu kilēku āmiisyō.” 4 Kiwālchi :Yēēsu kilē, “Mwoorēy :siruut kilē,‘Māsopēē :chiich āmiisyō kipaat.
Aku nyuun, sopēē ng'ālyoon aka tōkōl nyoo chōōnēē wōloo mii :Iriin.’† ”
5 Kuumut *:Syeetaani Yēēsu kuwō Chēērusālēēm akukany kuuryoong'ō yoo tōrōōr mu karwaa kōrin nyi kiiwaantiriir *Kōpō Iriin 6 akilēēchi, “Nēē inyēēn Wēēroo Iriin, isōkōrtō kee iwō ng'wēny, āmu siraat kilē, ‘Yookuuy :Iriin malaykeenichiich pākuriipin. Tookiin malaykeenichoochēē simāturin :kor keel.’ † ” 7 Kilēēchi :Yēēsu, “Siraat mpō kilē, ‘Meetyam Iriin Kiptaayaanteeng'uung'.’† ”
8 Kuumut *:Syeetaani Yēēsu tulwēē aka nyoo tōrōōr akung'uuti kōōrootin tōkōl chēpō ng'wēny ākōō mōkōrnoonti nyoo ting'ēy, 9 akumwoochi kilē, “Ākōōniin tukuuchu tōkōl nēē kutung'woon.” 10 Kuwālchi :Yēēsu kilē, “Wiyō *Syeetaani. Siraat kilē, ‘Kutung'chii Iriin Kiptaayaanteeng'uung' akiipāyiisyēēchi inyeentee keey.’† ”
11 Kumētō *:Syeetaani Yēēsu, kupka *:malaykeen kupāyiisyēēchi inyeentee.
Kiitoowunō :Yēēsu pāyiisyeenyiin Kalilaaya
Maarkō 1:14-15; Luuka 4:14-15
12 Paani kateer :Yēēsu kilē /kiikeerat Chowaana, kuwaraka kōōroo Kalilaaya. 13 Nyoo matyaan kuwēērō :Yēēsu Naasareet, akuwō kimang' Kaaparnaam nyoo kiimii tapanuu araaray pō Kalilaaya mu kōōroo Sāpulōōn ākōō Naptaali. 14 Kuusilta :kiyoo kiimwoorēy *:ōōrkooyoon *Isaaya kilē,
15-16 “Rōōtēy lēpooyin nyoo ōōw :piich choo māng'ēy tuurin
mu kōōroo Sāpulōōn ākōō kōōroo Naptaali
wōloo lēēkitēē :araaraypō Kalilaaya
mu ēēmpō Choortan,
wōloo mii :piich walak choo mā Yāwuutik.
Chōōnchinii :lēpooyin pichoochēē māng'ēy uurwoo meerat.”†
17 Kung'eetee yoonēē, kitoowu :Yēēsu ku-amtaata lōkōōy kumwoorēy kilē, “Āwāliisyēē nkōō ng'ōōkiikwook, āmu kaaku-itu :Pāyuunātoo Iriin.”
Kiineetanipō Yēēsu chēpō taay
Maarkō 1:16-20
18 Nēē mii pērēētuu aka, kimii kumānēē :Yēēsu tapan nyēpō araaray pō Kalilaaya, kuuro wēēchiik walak ārēēny choo kii tuupchō kuwiirchinii neetiisyakwaak araaray kunam *kaaraak. /Kiikikuurēē aka Siimnyōn (Pēētērō nkōō kaarinee aka) /kēēkuurēē aka Antereeya. 19 Kukuur :Yēēsu pichoochēē akilēēchi, “Apkaana atuupaan saaneetaak wōloo ānāmtooy piich.” 20 Paanoonēē, kumētō neetiisyakwaak akutuup Yēēsu.
21 Kii nēē wēērō yoonēē :Yēēsu, kuuro wēēchiik walak ārēēny choo kii tuupchō, Chēēmis ākōō Chowaana, kumii mēēliing'waang' ākōō apoong'waang' nyoo /kiikikuurēē Sēpētaayo, Kiimii :pichoochēē kuu-uunēy aku-irtooy neetiisyakwaak. Kukuur :Yēēsu akwaaneek. 22 Paani kateer :murēchoochēē kēēkuurēy, kumēti apoong'waang' mēēlii akutuup Yēēsu.
Kwoomtootēy :Yēēsu lōkōōy choo kāroomēēn mu Kalilaaya
Maarkō 1:39; Luuka 4:42-44
23 Kimanaateera :Yēēsu Kalilaaya tōkōl, kuunēētiisyootēy mu sinakōōkiin, aku-āmtootēy lōkōōy choo kāroomēēn chēpō Pāyuunātoo Iriin akuusoopēy kōrōōytiin tōkōl. 24 /Kiikung'alaala Yēēsu kuyāmu kōōroonoonēē tōkōl ākōy ku-it mpō wōli pō Siirya. Paani kiiteer :piich ng'aleechoochēē, kuumuti Yēēsu piich tōkōl choo kimnyoonchootēēn. Kiikiinam pichoochēē :kōrōōytiinā chaa chaang' ākōō ng'woonin. Kiiting'ēy :walak *toomirmiirēy chaa raacheen, kuting'ēy :walak mēērmēēruut ku kiimēēroot :walak pōōrwēy. Kiisoop :Yēēsu pichoochēē tōkōl. 25 Kituup :piich chaa chaang' kung'eetee Kalilaaya, Teekapooli, Chēērusālēēm, Chuuteeya ākōō tēēnkēē nyiinō aka pō ēēmpō Choortan.