Siriintēē ākōō paani /kiikusirēy: Kiisirēy :Paawulō kiitapuu Rooma kēnyii nyēpō 57 king'eetee /keenam Yēēsu ntā ku yoo lēēkitēē yoonēē. Kiisirēy :Paawulō kumii kimāng'ēy Kōōriintō ntā ku kōōr nyoo mii tapanuu pēr nyoo lēēkitēē yoonēē nyoo /kikuurēē Kenkreya. Kiimii :Paawulō kuuwoong'uuy ruutoor nyēpō sōmōk nyoo kiiwō ku-āmtooy akiimii kuwēētiiy Chēērusālēēm kiting'ootēy rōōpiyō choo kiitō :kaaniiseen chēpō Kirik ku-āpchi piipō *Kiriistō mu Chēērusālēēm. Kiimii mpō kichēpēy keey akipō ruutoor nyēpō ang'wan nyoo kiiwēētiiy Sipaannya akiimārēy kuwō araa Rooma. Mu parwaani kimii :Paawulō kimwoochinii keey kaaniisa nyēpō Rooma. Kiimii kaaniisaani :tuupiipō *Kiriistō choo lēē Yāwuutik ākōō choo mā Yāwuutik, kuuwooriisyō mpō :ātēpuutēkwaak ākōō kaapkootuutēkwaak. Kamasta aka nyēpō parwee ku /kiikusirēy akipō piipō *Kiriistō choo maanārchi ātēpuut chēpō Yāwuutik, ku kamasta aka ku /kiikusirēy akipō piipō *Kiriistō choo lēē Yāwuutik.

Kiyoo mii kiitapuuni ākōō lōkōōyichiich: Parwaa Paawulō nyi nyoo kiikutat kikaraam aku rootaat. Kiimwooru lōkōōy chēpō kaarana nyēpō piipō *Kiriistō nyoo /kiikuwung' mu ng'oorat nyēpō Ārāruut nyēpō Kēny /akēēng'oong'u kipunuunō :Yēēsu, *Sāruuniin nyoo /kiikukānyoonuuy. Kiitākunāmēy :piipō *Kiriistō walak choo lēē Yāwuutik ātēpuutēkwaak chēpō kēny aku tākupāytooy :ng'ātuut akwaaneek. Ng'al chu choo kiimii kaaniisaa Rooma ākōō kaaniiseen walak mpō. Kimwoochi :Paawulō kilē maraat kuukoonyit Iriin :piipō *Kiriistō akuuntōrōōrchi :Toomirmiir nyoo Tiliil. /Maakēēmwoorēy kilē mii :ng'ātuut choo /kiriipēy si nēē ng'at /keepaaypaay Iriin. Nēē ntōrōōrchi chiich :Toomirmiir nyoo Tiliil ku man kilē tuupēy :chiichoonēē ng'ātuut choo /kimārēy /keetuup. Mu kurkat nyēpō 7, kimwooruuy :Paawulō wōloo kiikuutyaayteera :piipō *Kiriistō ng'ātuut chēpō Ārāruut nyēpō Kēny, aku nēē mii kurkat nyēpō 8 kisir :Paawulō akipō sopoon nyēpō koopēliisyō nēē ntōrōōrchi chiich :Toomirmiir nyoo Tiliil. Nēē teep :Paawulō tēpuut, kimārēy kukit :chiich nyoo soomānēy. Muukēy kuteep :chiich nyoo /mākuunkēt ntā kuteep :Paawulō inyeentee nēē ityō kiwālu :inyeentee.