Siriintēē ākōō paani /kiikusirēy: Kiisirēy :Luuka kiitapuuni aku tuupēy keey ākōō kiitapuu nyi kiisirēy taay. Mēēnkēt :chiich wōli /kiikusirēē, wōloo nyuun /kiikusirchinii chiich nyēpō koomānuut nyoo /kikuurēē Tēēwōpilō. Pkootinii walak kilē /kiikusirēy kēnyii nyēpō 63 king'eetee /keenam Yēēsu, kilēēnii walak /kiikusirēy ku kaakusiir kēnyii nyēpō 70 king'eetee /keenam Yēēsu.

Kiyoo mii kiitapuuni: Toowunēē :kiitapuuni yi kāmēti kiitapuu nyi kiipō taay, yoonēē ku /kaakēē-āp Yēēsu kuwō kipsēnkwēt. Akumwooru wōloo kiikanyta *:kāāyooytooyiik ākōō tuupiik walak chēpō Yēēsu mu Chēērusālēēm /kuusilta kiyoo kiiyoomiis :Yēēsu akwaaneek. Nēē mii :pērēētuu Pentakōsti, pērēētuus taman king'eetee /kēē-āp Yēēsu kuwō kipsēnkwēt, kichōōnchi :Toomirmiir nyoo Tiliil akwaaneek akuutē kaamuuka. King'eetee pērēētuunoonēē kitas taay kinar :kaaniisee akuseet king'eetee Chēērusālēēm ākōy *Samariya akuwō ‘ākōy kuyāmu ng'wēny tōkōl.’ (1:8). Toowuuy :kiitapuu kimwōōruuy akipō *kooyooytooyiintoo Yēēsu Pēētērō ākōō kaaniisee nyoo mii Chēērusālēēm. King'eetee kurkat nyēpō 9 kitas taay kimwooruuy akipō Paawulō kimii ruutoor choo lēē sōmōk ku-āmtootēy mu kōōroo paytaar nyēpō Rooma ākōō paantanyiin nyoo /pakēērwoochinii mu Rooma.

Lōkōōyichiich: Pāyiisyōōnik kumwooruuy wōloo kiitoowuntō :kaaniisee ākōō wōloo kiinarta, aku mwooruuy akipō ramtaar ākōō nyaril, akumwooru akipō wōloo /kiiseetita ākōō pāyiisyoo Toomirmiir nyoo Tiliil mu kaaniisa ākōō mu sopēē nyēpō chiich nyēpō *Kiriistō.