मरकुसी लिखचका दौ कत्था
चिन्हा परछा
मरकुस पुथिन पौलुस तइरकस गने नलख नंजका यॊहन मरकुस लिखचस अन्नेम बातार'ई। यॊहन मरकुस पतरसी अंड़सका संगेस अन्ने इतिहास ब'ई। ई पुथी ईस्वी 55-70 नू रोम आलर गे लिख्रकी र'ओ दने। ई पुथी नू मरकुस येसुसी सिखाब'अना ती बग्गे आसी नलखन लिखचका र'अदस। येसुसिन धर्मेसी जोक्खन पूरा नना गे बरचका ओन्टा धर्मेसी जॊंख़स बेसे मरकुस ऎदका र'अदस। आस सस्ती ही बेड़ा नू रहचका मसी आलारिन रिझ्रत'आ गे ई पुथिन लिखचका रहचस।
मरकुस इय्या येसुसिन ओन्टा आकुस ती निन्द्रका अरा नलख ननू आलासी रूपे नू ऎदका र'अदस। आसी आकुस, आसी सिखाब'अना नू अरा नादन आलर ती बोंग्त'अना नू अरा आलर ही पाप छमा नन्ना नू ईदरकी र'ई। येसुस तंगन “मनवा ख़द्दस” ब'अदस। आस इदगेम बरचस का आलारिन तम्है पाप ती नाड़ा गे तंग्है जिया चि'आ ओंगोस।
मरकुसी लिखना ई कत्था ती ऒड़ मनी, “धर्मेसी ख़द्दस येसु मसीसी दौ कत्था”। मरकुस फिन यॊहन नूड़रत'उस, अरा येसुसी नॊड़रना, अरा सैतान ही बिढ़ना ही पत्त नू लिखदस। अरा ख़ॊख़ा येसुसी कोड़े नन्ना, अरा आसी सिखाब'अना ही पत्त नू लिखदस। फिन एकासे एकासे बेड़ा मन्नुम केरा, आसिन अख़'ऊ आलर बग्गे बुझुरनुम केरर, अन्नेम येसुसिन दोख'अर अउरिम बग्गे कैरार'आ हेलरर। मुंजा ता अधया नू, ख़ॆख़ेल नू उज्जना ही छेद्दे ता हप्ता नू मंजकन लिखदस। अइय्या मुध र'ई, येसुसिन क्रुस नू ठोकना अरा उज्जा चो'अना।
सरियाचका पंडी
येसुसी नलख ही ऒड़ 1:1-1:13
गलिलेया नू येसुसी नलख 1:14-9:50
येसुसी गलिलेया ती येरुसलॆम काना 10:1-10:52
येसुस येरुसलॆम नू छेद्दे हप्ता 11:1-15:47
येसुसी केचका ती उज्जा चो'अना 16:1-16:8
येसुसी उज्जा चॊचका ख़ॊख़ा, आलर गे ऎथ्रना अरा मेर्ख़ा होतारना 16:9-16:20