Kadaaɔg ne n tie *Laabamann nba g Matieog bo diɛn. Matieog bo tie Yiesu *sundi piig yen banle ŋann n ninŋ yeno i, g yegd yen’o daal kul g la u tuona yen u binbem. Kadaaɔg ne ninŋ, u ŋɔnŋ Yendu Bija Yiesu Kristo n mal nand, wan fiil g sun yaalidug tuona nba, k b tan kpii’ug k u Baa Yendu yied’o kpienm siign ninŋ.

Matieog nyii Yendu kadakpelug n diɛni po yen Yendu *sogni-nba n bo maad yal nba po i g ŋɔn g yen mɔni, Yiesu n tie *Dafiid Bija, *Suif-nba n bo guu g Yendu bu sun *Fietua nba wan fiel’b. L kadaaɔg n biɛ ŋɔnŋ’ti Yendu *diem n tie yal nba yen wano Yendu n bua k tin gii be nand k u pal ń gii man t po.

Matieog juod u kadaaɔg g ŋɔn Yiesu n yied kpienm siign g juod g tie u *ŋuantieb lanbona nba i. Lann n tie k ban gad ŋanduna n ninŋ kul g te g niib kul ń te u ŋuantieb, k ban tund’b ban gaal tundl nba u buol.

L tundl i g Matieog bua g Kristo-yua kul ń gaal.