Banda baal g pug Yiesu
2
1 B bo mal Yiesu Bɛtlɛm i,
Suude doug n,
g sua k *Erod n tie bad.
Yiesu n mal,
g bandaa nne nyiɛ puol g baal Serusalɛm
2 g bual niib k b mal *Suif-nba bad lɛ buol i ?
K b la u ŋmaabig k u pud puol,
k l po n te k b baal k ban pug’o.
3 Erod n gbad nnyan k u yam ŋmad,
wano yen Serusalɛm yab kul.
4 K u tigl Suif-nba *salg-yidkab ciɛnm yen Yendu Kadaaɔg *gbanbanda kul,
g bual’b ban bo bu mal *Kristo naan.
5 K b maad’o k u bu mal Bɛtlɛm i,
Suude doug n,
g Yendu *sogni mɔno bo diɛn Yendu lanbona g maad :
6 " Fin,
Bɛtlɛm,
Suude tinŋ,
fin kaa nyid g cie Suude dogbenŋa kul,
g dugn bad tan bu nya a ninŋ i,
gii kub n niib,
Israyɛl buolu. "
7 Erod n gbad nnyan k u wuon g yiin banda ŋann g bual’b g fiid,
k wan bann ŋmaabig ŋann n cind g pud yaa daal,
k b ŋɔn’o.
8 L puol po k u sun’m Bɛtlɛm,
g maad’b :
" Gad man g daan ŋanm g bual g bann big ŋann n be naan.
I gii la’ɔg yin guan g maad’n,
k n mɔ ń gad g daan pug’o. "
9-10 Bad n maad nnyan g gbenn, k b nyiɛ g paan g saa, b sua ŋmaabig nba k b bo kpiɛ g la nyan biɛ be b liig. Ban la l ŋmaabig k b pala manŋ g pend. K l ŋmaabig ji be b liig g saa saa g daan pund big n bo be naan Bɛtlɛm doug n g sed. 11 K b kua ŋaag n g la big yen u naa Mari g gbaan g pug big,
g biɛ nyan b tiɛd n ninŋ wula yen *ŋubl yen tilaali nne k b yi *miir,
g tie’og.
12 L puol po i g Yendu ji maad’b danŋd n k ban ji daa gɔ Erod buol.
Lann i k b tɔgn sɔnfanu g kun.
Sosɛf yen Mari san g puod yen Yiesu Esipt doug n
13 B lebd g kun yo,
g Yonmdaan *malɛg baal Sosɛf buol danŋd n,
g maad’o g bad *Erod kpaan big k wan biɛn’o.
K wan fiil g juab big yen u naa g san g gad *Esipt doug n,
g daan gii be saa yen youg nba k u biɛ tan bu maad’o k wan kpen.
14 G Sosɛf fiil nyiɛɔg n g juab big yen u naa g puod Esipt,
15 g ji be l po saa yen Erod n tan kpe.
L bo tien nnyan g Yendu *sogni n bo maad siɛnyoug yal ń te mɔni.
Yendu bo maad :
" N yiin n bija k u nyiɛ Esipt doug n. "
Erod te k b kpii bid
16 *Erod n bo bann g banda ŋann bɔnd’o,
k u pal bie g pend,
k u ŋanm g dugn ŋmaali nba g banda ŋann bo ŋɔn’o,
g sun Bɛtlɛm doug n yen l dokuni n,
k ban kpi bijabi nba mɔg bina ŋanle yen yab daa g la bina ŋanle kul.
17 Nnyan i g Yendu *sogni Seremi n bo maad yal siɛnyoug ji baal.
U bo maad :
18 " B gbad nil bubuul Rama doug n,
bubuul yen finfabni.
Rasiɛl n buud u bid po,
g yie balmi,
g dugn b ji g be yen’o. "
Sosɛf nyiɛ Esipt g kun
19 *Erod kpe,
g Yonmdaan *malɛg baal Sosɛf buol danŋd n *Esipt doug n,
20 g maad’o g yab nba daan kpaan k ban biɛn big miɛl nyan kpe o,
k wan ji fiil g juab big yen u naa gii leb Israyɛl doug n.
21 G Sosɛf fiil g juab big yen u naa g lebd Israyɛl.
22 Ama wan gbad k Arkelawus n gaal u baa Erod kog,
g ji tie Suude bad nyan,
k u jie jiwaani yen wan kun l doug n.
G Yendu ŋɔn’o danŋd n k u gad Galile doug n,
23 g daan kal dobig nne ninŋ k b yi Nasarɛt.
L bo tien nnyan g Yendu *sogni-nba n bo maad yal siɛnyoug *Kristo po ń fid g tien yen mɔni.
B bo maad g niib tan baa yi’ug Nasarɛt jua.