Puokuanu jaanm makpanjam
22
1 G Yiesu biɛ pua’b makpanjam liel g maad :
2 " Yendu *diem tie nyan makpanjam ne nyan i.
Bad nne n bo tien u bija puokuanu jaanm.
3 G sun u naasenm k ban gad g maad niib nba k u daan yiin’m nyan g jaanm youg pund o,
k ban baal jaanm.
K b gad,
k l niib yie k b kan baal.
4 K u biɛ sun lieb g maad :
“ Gad g maad man g jediyoug pund o.
N kpii naabi yen bonkobkpanma,
k b bobn l kul g gbenn o.
Baal man jaanm. ”
5 Sua g tug l maam k l tie bonmɔnn.
Sua kul paan g saa wan bua naan :
yenm b kpaab n,
lieb b kpinkpendu
6 g lieb mɔ suol bad ŋann naasenm g pua pua g kpii’b.
7 G bad pal bɔnn,
k u sun u sijenm k b gad g biɛn l nikpiila,
g juu b doug.
8 Lann i k u maad u naasenm g jaanm jied bie o,
ama g yab k b bo yiin’m bo g dagd yenn.
9 K ban gad sɔnjala po,
g yiin ban la yab kul.
10 K u naasenm nyiɛ g gad sɔnjala po g baan baan ban la niib nba kul,
nibiid yen nimɔnm g guan yen’m g gbien dieog nba ninŋ k b bua di jaanm.
11 G bad kua k wan diid saanm g la jua nne b siign k u g liɛ jaanm tiɛd.
12 K u bual’o :
“ N dɔnn,
a tien nle i g kua ne g g liɛ jaanm tiɛd i ? ”
L jua g jiin’o siɛl.
13 Lann i g bad maad u naasenm,
k ban lol u nui yen u titala g lu’ug cincann po,
bunbɔnn n ninŋ,
naan g niib baa buud g ŋman nyina. "
14 G Yiesu ji maad lann i :
" B yiin niib bonciɛnn,
ama ban lugd yab nba g yab. "
Farisiɛn-nba bual Yiesu lonpo panu po
15 L puol po g *Farisiɛn-nba gad g kal g lol ban bu tien nand g Yiesu ń maad g kpiɛd ban suol’o.
16 Lann i k b sun b *ŋuantieb yen bad *Erod cagl n niib k b gad g bual Yiesu :
" Canbaa,
t ban k a tie mamɔnmaad,
g biɛ ŋɔnŋ niib Yendu sɔnu yen mɔni,
g g jie sua,
g dugn l daan yikod po.
17 Maad’ti ŋan mali yal maam ne po :
l cab k tin pa Sesaara lonpo bii,
l g cab i ? "
18 Yiesu n bo ban b maalbiid nyan k u ŋmiɛn’m :
" Yinm *munafigidanm ne,
bɛ po i k i bua n bign’n i ?
19 Ŋɔn’n man ligli nba k b diɛ g pa lonpo.
" K b tug dibal g ŋɔn’o.
20 K u bual’b :
" Ŋmaa ninnaɔnŋ yen ŋmaa sann n be l po i ? "
21 K b yed g Sesaar yal i.
Lann i g Yiesu ji maad’b :
" Te man Sesaar yal nba tie Sesaar yal,
g te Yendu mɔ yal nba tie Yendu yal. "
22 Ban gbad nnyan,
k l yaa g lid’b k b paan g saa g ŋaa’ɔg.
Yiesu n maad yal kpienm yiedu po
23 L daal i g *Sadusien-nba,
banm nba bo g tuo g kpienm tan bu yied nyan,
baal g bual Yiesu :
24 " Canbaa,
*Moyis bo diɛn g maad k l gii tie g nil kuan puo,
g kpe g g mɔg big,
u ninja ń tug u pekual g mal’o bid.
25 To,
jab banlile nne bo be t doug ne,
g tie ninjann.
G ciɛn po kuan puo,
g kpe g g mɔg big,
k u waag tug pekual,
26 g mɔ biɛ kpe g g mɔg big,
g yua tua u po mɔ tug l pekual,
g mɔ biɛ kpe,
l saa saa nnyan i g daan biin banm jab banlile.
27 G puo mɔ tan yuand g kpe.
28 To,
kpienm yiedu daal,
banm banlile ne ninŋ,
ŋmaa bu yend puo i ?
B kul yen kuan’o o. "
29 G Yiesu ŋmiɛn’m :
" Yin maad nand ne,
i tud sɔnu u.
G dugn i g gbiɛ Yendu Kadaaɔg n diɛni niimn,
i biɛ g ban Yendu paalu n ja nand.
30 Yiedu youg,
jab kan kuan puob,
puob mɔ kan kun jab.
B kul ne binbem tan baa tie nyan *malɛg-nba nyan i,
Yendu ŋaag n.
31 G kpienm yiedu po i,
i g lii Yendu n maad’i yal ii ?
32 Yendu maad :
“ Min tie *Abraham Yendu yen *Isaak Yendu yen *Sakɔb Yendu. ”
" G Yiesu guan g pugn lann i :
" Yendu g tie kpienm Yendu kaa,
u tie fuodb Yendu i. "
33 Niwulug nba bo be l buol n gbad l tundl,
k l kpii b gbanu.
Yendu mɔmaam nba cie liel-nba kul
34 *Farisiɛn-nba n gbad g *Sadusien-nba gbal ban bu jiin Yiesu yal,
k b mɔ taan mɔb g baal g la’ɔg.
35 K b siign Yendu Kadaaɔg *gbanband nne bua bign Yiesu g bual’o :
36 " Canbaa,
*Moyis kadaaɔg n,
mɔmalanm po n cie liel-nba kul i ? "
37 G Yiesu ŋmiɛn’o :
" A baa bua Yonmdaan,
a Yendu yen a pal kul,
yen a munn kul yen a maalm kul.
38 Cincinn *mɔmaam n nyan,
lann n cie liel-nba kul.
39 Yal tua l po n ne,
l mɔ naan yen cincinn yal i :
a baa bua a lua nyan a kua nyan.
40 Moyis kadaaɔg yen Yendu *sogni-nba tundl kul maa l mɔmaam ŋanle po i. "
Kristo n tie yua nba
41 *Farisiɛn-nba n taan b lieb nyan,
g Yiesu bual’b :
42 " I mali bɛ i *Kristo po i ?
U tie ŋmaa yaabuonn i ?
" K b yed k u tie *Dafiid yaabuonn i.
43 G Yiesu guan g bual’b,
k l tien nle i g *Foŋanm paalu n bo jiid Dafiid n ninŋ yaa youg k u yiin Kristo k u Yonmdaan g tua :
44 " Yonmdaan Yendu maad n Yonmdaan :
“Kal n nuujendu saa yen youg nba
k n tan bu te a ninnanda kul ń gbaan a nintual n. ” "