Yaa youg nba g Pɔl bo diɛn munle po kadaaɔg ne g tie Timote, l bo sua k wano Pɔl be dansaldieog n ninŋ i k u dɔnn-nba bonciɛnn yad g ŋaa’ɔg o. L kadaaɔg n ninŋ mɔ, u biɛ tien Timote cegli i. U guan g tiɛd Timote wano Pɔl n sun u tuonn nand g tan pund ban be yaa youg ne, fala nba k u la Yiesu Kristo po, g paan Timote pal k wan mɔ ń ŋmaa u taabuod n ninŋ. U tie’og cegli, k wan gii muand Yendu maam youg kul g daa ŋaa, gii muand yal nba tie mamɔni kukua, g lɔgl faaɔgdanm tundl yen mafinfam.