Timote naa bo tie *Suif i k u baa tie Grɛk. Yiesu *sundu Pɔl bo cend’o Listr i g tug’o g tien’o u ŋaajua, k u ji ciɛnd’o wan bua naan buol kul. Cincinn kadaaɔg ne ninŋ Pɔl maad Timote k wan gii be Efɛs doug n, gii tund niib Yendu maam, g tien’m cegli k ban suol b kua yen niib nba diɛ tundfann g bɔnd lieb.

U biɛ ŋɔn’o wan bu kaan Kristo-yab *tintaanu nand yen tintaanu liig yab binbem n baa tie nand, jab yen puob n baa be nand yen wano Timote nba tie liig yua mɔno n baa suun u tuonn nand.

L puol po i k u yuand g maad Timote Kristo-yab tintaanu n ninŋ, ban baa cɔln *nikpela nand, nil nba be tintaanu n ninŋ kul yiɛl n baa tie yal nba, g ŋɔn’o ban baa diɛ pekɔa nand. Pɔl ŋɔn jaandi n tie bonmɔnn nand Kristo-yab tintaanu n ninŋ.

Cegli nba g Pɔl tien Timote ne mɔn hal bonciɛnn mɔlane Kristo-yab tintaanu po. L bu fid g tod liig yab ban bann ban bu tien nand g nil kul ń yal u kua tintaanu n ninŋ.